တာမွေမြို့နယ်၌ ကားတစ်စီးမီးလောင်မှုဖြစ်ပွားခဲ့ရာ အမျိုးသားတစ်ဦးထိခိုက်ဒဏ်ရာရ
သန့်ဇင် (NSS) - ဇူလိုင် ၁၆
ရန်ကုန်တိုင်း၊ တာမွေမြို့နယ်တွင် ကားတစ်စီးလမ်းလယ်သံတန်းကို ဝင်တိုက်မိခဲ့ရာမှ ကားမီးလောင်မှု ဖြစ်ပွားခဲ့ကြောင်း ရှင်သန်ရေးကူညီမှုအသင်းထံမှ သိရသည်။
ဖြစ်စဉ်မှာ ယနေ့(ဇူလိုင်လ ၁၆ ရက်) ၊ နံနက် ၂ နာရီ ၄၈မိနစ်အချိန်ခန့်တွင် တာမွေမြို့နယ်၊ တာမွေကြီး(ခ)ရပ်ကွက်၊ အရှေ့မြင်းပြိုင်လမ်းတွင် အထက်ပါကဲ့သို့ ဖြစ်ပွားခဲ့ကြောင်း သိရသည်။
“ကျွန်တော်တို့သွားတော့ ကားကမီးစလောင်တယ်ဗျ။ ပုံမှန်အားဖြင့်တော့ ကားကတိုက်မိရင် ကျွန်တော်ထင်တာဘက်ထရီကိုဖြုတ်သင့်တယ်ပေါ့နော်။ အဲလိုလုပ်ရင်တော့ တော်ရုံဆိုမီးလောင်မှုမရှိပါဘူး” ဟုရှင်သန်ရေးကူညီမှုအသင်းမှ တာဝန်ရှိသူတစ်ဦးက NP News ကိုပြောသည်။
အဆိုပါယာဉ်တိုက်မှုဖြစ်စဉ်ကြောင့် ကားမောင်းလာသည့်အမျိုးသားတစ်ဦးသည် ထိခိုက်မှုအနည်းငယ် ရရှိခဲ့ကြောင်း သိရသည်။
“ထိခိုက်တာကတော့နည်းနည်းလောက်ပါပဲဗျ။ လက်ကွဲတာတို့ခြေထောက်ကွဲတာတို့တော့ ရှိတာပေါ့နော်။ သတိကလဲကောင်းပါတယ်။ ပြင်ပဒဏ်ရာလောက်ပဲရတာပါ”ဟု ၎င်းကဆက်လက်ပြောကြားထားသည်။
မီးလောင်ခဲ့သောကားအား တာမွေမြို့နယ်မီးသတ်အဖွဲ့မှ ၁၀ မိနစ်ခန့်မီးငြှိမ်းသတ်ခဲ့ရပြီး ထိခိုက်ဒဏ်ရာရရှိခဲ့သော အမျိုးသားအား အနီးနားရှိပရဟိတအသင်းမှယာဉ်ဖြင့် နေအိမ်သို့ ပြန်လည်ပို့ဆောင်ပေးခဲ့ကြောင်း သိရသည်။
အထက်ပါ ကားမီးလောင်မှုဖြစ်စဉ်တွင် တာမွေမီးသတ်တပ်ဖွဲ့၊ ရှင်သန်ရေးကူညီမှုအသင်းအပြင် အခြားလူမှုကူညီရေးအသင်းများက လာရောက်ကူညီပေးခဲ့ကြောင်းလည်း သိရသည်။
ပြီးခဲ့သောလပိုင်းအတွင်းကလည်း ရန်ကုန်တိုင်း၊ စမ်းချောင်းမြို့နယ်၌ ကားတစ်စီးပြုပြင်နေစဉ် မီးလောင်မှုဖြစ်ပွားခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဇူလိုင်လအတွင်း ကိုဗစ်ရောဂါပိုးကူးစက်သူ (၄၀၀)နီးပါးရှိခဲ့ပြီး ယခင်လထက် ရောဂါပိုးကူးစက်ခံရသူ (၆၀၀) နီးပါးကျဆင်း
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ