Pika (NSS) - ဩဂုတ် ၂၅

ဒူဘိုင်းမြို့သည် ယူအေအီးနိုင်ငံတွင် လူဦးရေအများဆုံးမြို့ဖြစ်ပြီး ၎င်း၏ဗိသုကာ ပညာများ ၊ ဟိုတယ်များ၊ဈေးပွဲတော်များနှင့် ကြီးကျယ် ခမ်းနားသော မိုးမျှော်တိုက်များကြောင့် နာမည်ကျော်ကြားသည်။

(၁၈၀ဝ) ပြည့်နှစ်တွင် စတင်တည်ထောင်ခဲ့သော ဒူဘိုင်းမြို့သည် တံငါရွာလေးတစ်ရွာဖြစ်ပြီး ခရီးသွားလုပ်ငန်းနှင့် ဇိမ်ခံလုပ်ငန်းများကို အဓိက ထားကာ (၂၀)ရာစုနှင့် (၂၁)ရာစုအစောပိုင်းတည်းက ဒေသတွင်းနှင့် နိုင်ငံတကာ ကုန်သွယ်မှုအတွက် အဓိကအချက်အချာ နေရာဖြစ်လာခဲ့ကြောင်း သိရသည်။

ဒူဘိုင်းမြို့သည် ကမ္ဘာပေါ်တွင် ကြယ်ငါးပွင့်ဟိုတယ် ဒုတိယအများဆုံးရှိသည့်မြို့တစ်မြို့ဖြစ်ပြီး အမြင့်(၈၂၈)မီတာရှိသည့် ကမ္ဘာ့အမြင့် ဆုံး အဆောက်အအုံ  Burj Khalifa မိုးမျှော်တိုက် လည်းရှိ  ကြောင်း သိရသည်။ ပါရှန်းပင်လယ်ကွေ့ ကမ်းရိုးတန်းတွင်ရှိသော ဒူဘိုင်းမြို့သည် ခရီး သွားသင်္ဘောများ နှင့် ကုန်တင်သင်္ဘောများအတွက် ကမ္ဘာလုံးဆိုင်ရာ သယ်ယူပို့ဆောင်ရေး အချက် အချာနေရာတစ်ခု လည်း ဖြစ်သည်။ 

ရေနံမှရရှိသော ဝင်ငွေသည် အဓိက ကုန်သွယ်မှုအချက်အချာဖြစ်ပြီး ဒူဘိုင်း မြို့ ဖွံ့ဖြိုး တိုးတက် ရေးကို ပိုမိုအရှိန်မြှင့်တင် ပေးနိုင်ခဲ့ကြောင်းလည်း သိရသည်။ (၂၀)ရာစုနှစ်အစောပိုင်းတည်းက ဒူဘိုင်း မြို့ ၏ နိုင်ငံတကာကုန်သွယ် မှုနှင့် စီးပွားရေးလုပ်ငန်းသည် ကုန်သွယ်မှု၊ခရီးသွား လုပ်ငန်း၊ လေကြောင်း ခရီးသွားလုပ်ငန်း၊ အိမ်ခြံ မြေကဏ္ဍနှင့် ဘဏ္ဍာရေး ဝန်ဆောင်မှုတို့အပေါ် မှီခိုနေရကြောင်းသိရသည်။

(၂၀၁၈)ခုနှစ်တွင် ရေနံထုတ်လုပ်မှုသည် ဒူဘိုင်းမြို့၏ ဂျီဒီပီ၏(၁)ရာခိုင်နှုန်းအောက်သာရှိခဲ့ကြောင်းလည်း သိရသည်။၂၀၂၂ခုနှစ်တွင် ဒူ ဘိုင်းမြို့တွင် လူဦးရေ(၃ ဒသမ ၆၀)သန်းရှိပြီး လူဦးရေ ၏(၉၀)ရာခိုင်နှုန်းကျော်မှာ ပြည်ပမှလာသည့် နိုင်ငံသား ခံယူထားသူများဖြစ်ကြောင်းသိရသည်။ 

စီးပွားရေး

ကမ္ဘာပေါ်တွင်စီးပွားရေးဖွံ့ဖြိုးတိုးတက်မှု အမြန်ဆုံးမြို့များထဲမှ တစ်မြို့ဖြစ်သော ဒူဘိုင်း မြို့၏ ဂျီဒီပီသည် ၂၀၂၃ ခုနှစ်တွင် အမေရိကန် ဒေါ်လာ (၁၁၆)ဘီလျံကျော်ရှိခဲ့ကြောင်းသိရသည်။ ဒူဘိုင်းမြို့၏ ကုန်သွယ်ရေး အခြေခံ အဆောက်အဦး၏အစိတ်အပိုင်းအများအပြားကို ရေနံလုပ်ငန်း နောက်ကွယ်တွင် တည်ဆောက်ထားသော်လည်း ရေနံနှင့်သဘာဝဓာတ်ငွေ့မှ ရရှိသောဝင်ငွေများသည် ဒူဘိုင်းမြို့ ၏ဝင်ငွေ၏(၅)ရာခိုင်နှုန်း အောက်သာရှိကြောင်း သိရသည်။ 

ဒူဘိုင်းမြို့သည် တစ်နေ့လျှင် ရေနံစည် ပေါင်း(၅)သောင်းမှ(၇)သောင်းကြား ထုတ်လုပ်နေပြီး ကမ်းလွန်ပင်လယ်ပြင်များမှ သဘာဝဓာတ် ငွေ့ပမဏပေါင်းများစွာ ထုတ်လုပ်နေကြောင်း ခန့်မှန်းချက် များအရသိရသည်။ 

ဒူဘိုင်းမြို့၏ရှယ်ယာသည် ယူအေအီး နိုင်ငံ၏ စုစုပေါင်းဓာတ်ငွေ့ဝင်ငွေ၏(၂)ရာခိုင်နှုန်း ခန့် သာရှိကြောင်းလည်းသိရသည်။ သို့သော်လည်း ဒူဘိုင်းမြို့၏ရေနံသိုလှောင်မှုမှာ တဖြည်းဖြည်း လျော့ နည်းလာနေပြီး လာမည့်နှစ်ပေါင်း(၂၀)အတွင်း ကုန်ခမ်းသွားနိုင်ဖွယ်ရှိနေသည်။ အိမ်ခြံမြေနှင့် ဆောက် လုပ်ရေး လုပ်ငန်း(၂၂ဒသမ၆)ရာခိုင်နှုန်း၊ ကုန်သွယ်မှု(၁၆)ရာခိုင်နှုန်း၊ ဆိပ်ကမ်းပို့ကုန် ထွက်ကုန်လုပ်ငန်း (၁၅) ရာခိုင်နှုန်းနှင့် ဘဏ္ဍာရေးဝန်ဆောင်မှု(၁၁)ရာခိုင်နှုန်းတို့သည် ဒူဘိုင်းမြို့၏စီးပွားရေးအတွက် အကြီးဆုံး ကူညီပံ့ပိုးပေးသည့် လုပ်ငန်းများဖြစ်သည်။

ဒူဘိုင်းမြို့၏ ရေနံမဟုတ်သော နိုင်ငံခြား ကုန်သွယ်မှုသည် (၂၀၁၄) ခုနှစ်တွင် အမေရိကန်ဒေါ် လာ(၃၆၂)ဘီလျံခန့်ရှိခဲ့ကြောင်းလည်းသိရသည်။ ဒူဘိုင်းမြို့၏ စုစုပေါင်းကုန်သွယ်မှုပမာဏတွင် သွင်း ကုန်တန်ဖိုးမှာ အမေရိကန်ဒေါ်လာ(၂၃၀)ဘီလျံရှိ ခဲ့ပြီး ပို့ကုန်မှာအမေရိကန်ဒေါ်လာ(၃၁)ဘီလျံခန့် ရှိခဲ့ ကာ ပို့ကုန်ကို ပြန်လည်တင်ပို့မှုမှာ အမေရိကန် ဒေါ်လာ(၁၀၁)ဘီလျံရှိခဲ့ကြောင်းသိရသည်။

ဒူဘိုင်းမြို့သည် ၎င်း၏စီးပွားရေးကို ကူညီ ပံ့ပိုးပေးရန်နှင့် မတူညီသောကဏ္ဍများ ဖွံ့ဖြိုးတိုးတက် ရေးအတွက် အဓိကပရောဂျက်အများအပြားကို စတင်ခဲ့ကြောင်းလည်းသိရသည်။ အဆိုပါ ပရောဂျက် များထဲတွင် ဒူဘိုင်းဖက်ရှင်၊ ဒူဘိုင်းဒီဇိုင်းခရိုင်တို့ဖြစ်ပြီး ဒေသတွင်းနှင့်နိုင်ငံတကာဒီဇိုင်နာများ၏ အခြေ စိုက်နေရာဖြစ်လာနိုင်မည်ဟု ခန့်မှန်းထားကြ သည်။

၂၀၂၄ ခုနှစ် မတ်လတွင် ဒူဘိုင်းမြို့သည် နေအိမ်ပေါင်း(၁၃၅၀ဝဝ)ကို စွမ်းအင်ပေးမည့် ကမ္ဘာ့ အကြီးဆုံးအမှိုက်မှ စွမ်းအင်သုံးစက်ရုံ စတင်လည်ပတ်ခဲ့ကြောင်း သိရသည်။၂၀၂၄ခုနှစ်ဇူလိုင်လတွင် ဒူဘိုင်းမြို့သည် ကမ္ဘာပေါ်တွင်အကြီးဆုံးဖြစ်လာမည့် အစားအစာ၊သစ်သီးဝလံနှင့် ဟင်းသီးဟင်းရွက်များ အတွက် သယ်ယူပို့ဆောင်ရေးအချက်အချာနေရာတစ်ခုတည်ဆောက်ရန် သဘောတူညီချက်ကို လက်မှတ် ရေးထိုးခဲ့သည်။ အဆိုပါလက်မှတ်ရေးထိုးပွဲကို ယူအေအီးဘဏ္ဍာရေးဝန်ကြီး Sheikh Maktoum bin Mohammed က တက်ရောက်ခဲ့ကြောင်းလည်း သိရသည်။

ခရီးသွားလုပ်ငန်း

ခရီးသွားလုပ်ငန်းသည် နိုင်ငံခြားဝင်ငွေ စီးဆင်းမှုကို ထိန်းသိမ်းရန်အတွက် ဒူဘိုင်းမြို့၏ မဟာ ဗျူဟာမြောက် အရေးပါသော လုပ်ငန်းတစ်ခုဖြစ်သည်။ခရီးသွားများအတွက် ဒူဘိုင်းမြို့၏ အဓိကဆွဲ ဆောင်မှုသည် ဈေးဝယ်ထွက်ခြင်းအပေါ် အဓိကအားဖြင့် အခြေခံထားခြင်းဖြစ်ပြီး အခြားရှေးဟောင်း နှင့် ခေတ်မီဆွဲဆောင်မှုများကိုပါ ပိုင်ဆိုင်ထားသည့် မြို့လည်းဖြစ်သည်။ (၂၀၁၈)ခုနှစ်အထိ ခရီးသွားအရေ အတွက်အပေါ် အခြေခံပြီး ဒူဘိုင်းမြို့သည် ကမ္ဘာပေါ်တွင် စတုတ္တမြောက် လာရောက်လည်ပတ်မှု အများ ဆုံးမြို့ဖြစ်ပြီး (၂၀၁၆) ခုနှစ်တွင် ဒူဘိုင်းမြို့မှာ ည အိပ်ခရီးသွား(၁၄ ဒသမ၉)သန်းရှိခဲ့ကြောင်းလည်း သိရသည်။

ဒူဘိုင်းမြို့ရှိ ခရီးသွားဆွဲဆောင်မှုကြီး တစ်ခုမှာ ကမ္ဘာပေါ်တွင် အမြင့်ဆုံးဖြစ်သည့် Burj Khalifa  မိုးမျှော်တိုက်ဖြစ်သည်။ ထို့ပြင် ဒူဘိုင်းမြို့ကို အရှေ့အလယ်ပိုင်းဒေသ၏ ဈေးဝယ်မြို့တော်ဟု ခေါ်ဆိုကြ ပြီး ကမ္ဘာပေါ်တွင် ဒုတိယအကြီးဆုံးဈေးဝယ် စင်တာဖြစ်သည့် The Dubai Mall အပါအဝင် ဈေးဝယ် စင်တာ(၇၀)ကျော်ရှိကြောင်းလည်း သိရသည်။

(၂၀၂၄) ခုနှစ်ဇွန်လတွင် ဒူဘိုင်းမြို့အိမ်ခြံမြေ အကျိုးဆောင်  Emaar Properties ကုမ္ပဏီသည် အမေရိကန်ဒေါ်လာ(၄၀၈)သန်းအကုန်ကျခံပြီး စတု ရန်းပေ(၁၂)သန်းအကျယ်ရှိကာ ဇိမ်ခံစတိုး(၂၄၀)နှင့် စားသောက်ဆိုင်အသစ်များပါဝင်လာမည့် ကုန် တိုက်ကို တိုးချဲ့ရန်စီစဉ်နေကြောင်း ထုတ်ပြန်ကြေညာ ခဲ့သည်။

Dubai Creek&Sd Dubai Creek  ပန်းခြံသည် Dolphinarium ၊ Cable Car ၊ Camel Ride ၊ Horse Carriage နှင့် Exotic Birds Shows တို့ကဲ့သို့သော ခရီးသွားဆွဲဆောင်မှုအများဆုံး နေရာများ ပါဝင်သောကြောင့် ဒူဘိုင်းမြို့၏ ခရီးသွားလုပ်ငန်းအတွက် အရေးပါသောအခန်း ကဏ္ဍမှပါဝင်နေကြောင်း သိရသည်။

ဒူဘိုင်းမြို့တွင် Safa ပန်းခြံ၊ Mushrif  ပန်းခြံ နှင့် Hamriya ပန်းခြံတို့ကဲ့သို့သော ပန်းခြံများ စွာရှိပြီး ပန်းခြံတစ်ခုစီတိုင်းသည် အခြားပန်းခြံများ နှင့်မတူဘဲ ကွဲပြားမှုများရှိကြောင်းသိရသည်။ Mushrif ပန်းခြံသည် ကမ္ဘာတစ်ဝန်းရှိ မတူညီသော နေအိမ်များကို ပြသထားပြီး လာရောက်လည်ပတ် သူများ အနေဖြင့် အဆိုပါနေအိမ်တစ်ခုချင်းစီ၏ အတွင်းပိုင်းနှင့်အပြင်ပိုင်း ဗိသုကာပညာ လက်ရာများ ကို ဝင်ရောက်ကြည့်ရှုလေ့လာနိုင်ကြောင်းသိရသည်။

ဒူဘိုင်းမြို့ရှိ လူကြိုက်အများဆုံး ကမ်းခြေများထဲမှ အချို့မှာ Umm Suqeim  ကမ်းခြေ၊ Al Mamzar ကမ်းခြေပန်းခြံ၊ JBR Open ကမ်းခြေ၊  Kite ကမ်းခြေ၊ Black Palace ကမ်းခြေနှင့် Royal Island ကမ်းခြေကလပ်တို့ဖြစ်ကြောင်း သိရသည်။

(၂၀၁၉) ခုနှစ် အောက်တိုဘာလတွင် ဒူဘိုင်းမြို့အာဏာပိုင်များသည် အရက်ဥပဒေကို ပထမဆုံး အကြိမ် ဖြေလျှော့ပေးခဲ့ပြီး ခရီးသွားများကို နိုင်ငံပိုင်စတိုးများမှ အရက်ဝယ်ယူခွင့်ပြုခဲ့ကြောင်းသိရသည်။ ၂၀၂၁ ခုနှစ်တွင် ယူအေအီးနိုင်ငံသည်  LGBT ခရီးသွားများလာရောက်လည်ပတ်ရန် အန္တရာယ်အရှိဆုံး နေရာ အခု(၂၀)တွင် ပါဝင်ခဲ့ကြောင်း သိရသည်။

၂၀၂၂ခုနှစ်တွင် ဒူဘိုင်းမြို့သည် လာရောက်လည်ပတ်ခဲ့သည့် LGBT ခရီးသွား အများအပြား သည် ပြဿနာပေါင်းများစွာကို ကြုံတွေ့ခဲ့ရပြီး ပြည်နှင်ဒဏ်ခံခဲ့ရသည့် ဖြစ်ရပ်များရှိခဲ့ဖူး ကြောင်းလည်းသိရ သည်။

ဗိသုကာပညာ

ဒူဘိုင်းမြို့တွင် ဗိသုကာပုံစံ အမျိုးမျိုးရှိသော အဆောက်အအုံများနှင့် ဖွဲ့စည်းတည်ဆောက်ပုံ များ စွာ ရှိသည်။ အထူးသဖြင့် ခေတ်မီသော အစ္စလာမ္မစ်ဗိသုကာပညာလက်ရာများကို ဒူဘိုင်း မြို့တွင် တွေ့ နိုင်သည်။ လက်ရှိအချိန်တွင် ဒူဘိုင်း မြို့တွင် အခြားမြို့များထက် ၂/၃ကီလိုမီတာ၊ ၁/၃ ကီလို မီတာ သို့ မဟုတ် ၁/၄ကီလိုမီတာ ပိုမြင့်သော မိုးမျှော်တိုက်များ ရှိနေပြီလည်းဖြစ်သည်။

ဒူဘိုင်းမြို့ရှိ Burj Khalifa မိုးမျှော်တိုက်သည် အမြင့်(၈၂၉ဒသ မ၈)မီတာဖြင့် ကမ္ဘာ ပေါ်တွင် အမြင့်ဆုံးအဆောက်အအုံအဖြစ်ရှိနေပြီး ၎င်း၏ဒီဇိုင်းမှာ အစ္စလာမ္မစ်ဗိသုကာပညာ လက်ရာများကို ပုံဖော်ထားသောပုံစံများမှ ဆင်းသက်လာခြင်း ဖြစ်ကြောင်းသိရသည်။ ဒူဘိုင်းမြို့ရှိ နာမည်ကြီး နေရာ များမှာ Burj Al Arab ဟိုတယ်၊ Burj Khalifa မိုးမျှော်တိုက်၊ Palm Jumeirah ကျွန်း၊  The World Islands ကျွန်းစု၊ Dubai Miracle  ဥယျာဉ်၊ The Aeternitas တာဝါ၊ Dubai Marina ခရိုင်၊ Address Beach Resort and Address Beach Residences ဟိုတယ် တို့ ဖြစ်ကြောင်းသိရသည်။