ယွန်း (NSS) - ဩဂုတ် ၇

တရုတ်အနေဖြင့် ကျောက်ဖြူအထူးစီးပွားရေး ဇုန်ကို အမြန်ဆုံးအကောင်အထည် ဖော်နိုင်ရန် ဆန္ဒရှိနေကြောင်း အဆိုပါစီမံကိန်းနှင့်ပတ်သက်သည့် ကျောက်ဖြူဒေသခံ စီးပွားရေးလုပ်ငန်းရှင်တစ်ဦးက NSS ကို အသိပေးပြောဆိုထားသည်။

လက်ရှိတွင် ကျောက်ဖြူ SEZ စတင်နိုင်ရေးအတွက် မြန်မာပြည်ဘက်မှ လုပ်သင့်လုပ်ထိုက်သည်များကို လာမည့် နိုဝင်ဘာလတွင် အပြီးသတ်ဆောင် ရွက်သွားရန် လမ်းòန်မှုများလည်းရှိနေပြီး တရုတ်နိုင်ငံအနေဖြင့် အမြန်ဆုံး အ‌ကောင်အထည်ဖော်နိုင် ရန်ဆန္ဒရှိနေကြောင်း သိရသည်။

‘(၁၁) လပိုင်းမှာ ကျောက်ဖြူ SEZ စတင်နိုင်ဖို့အတွက် မြန်မာပြည်ဘက်က လုပ်သင့်လုပ်ထိုက်တာတွေကို အပြီးသတ်ဆောင်ရွက်ဖို့ နေပြည် တော်က လမ်းညွှန်ထားတယ်။ တရုတ်အစိုးရကတော့ မြန်မာပြည်တည်ငြိမ်တာကို လိုချင်တယ်။ သူရဲ့(တရုတ်)အိမ်နီးနားချင်းလည်းဖြစ်သလို၊ စီးပွား ရေးအတွက်လည်း အဓိကလမ်းကြောင်းကြီးဖြစ်နေတော့ မတည်ငြိမ်ရင် ဘာမှလုပ်လို့မရဘူး။ တည်ငြိမ်ဖို့အတွက် အစိုးရနဲ့ရော ပြည်သူနဲ့ရော ပူးပေါင်းဆောင်ရွက်နေ တာတွေရှိတယ်။ အခုဆိုရင် လားရှိုးဖြစ်စဉ်တို့၊ အရှေ့မြောက်ဖြစ်စဉ်တွေကိုကြည့်ပြီး ပိုပြီးအားထည့်ရတာပေါ့။ အမြန်ဆုံးအကောင်အထည်ဖော်နိုင်ဖို့လည်း ဆန္ဒရှိနေကြပါတယ်’ဟု ဆိုသည်။

အဆိုပါ ကျောက်ဖြူ SEZ စီမံကိန်းတွင် စုစုပေါင်းမြေဧက(၄၈၀ဝ)ကို အသုံးပြုသွားမည်ဖြစ်ပြီး အဆိုပါမြေဧက များအနက်မှ ဧက(၁၀ဝဝ) နီးပါးကို ကျောက်ဖြူဒေသခံများထံမှ ဝယ်ယူသွားမည်ဖြစ်ရာ နိုင်ငံတော်အနေဖြင့် မြေရာ လျော်ကြေးပေးချေနိုင် ရေးကိစ္စများကို ဆောင်ရွက်လျက်ရှိကြောင်း သိရသည်။ နစကအနေဖြင့် ကျောက်ဖြူ အထူး စီးပွားရေးဇုန် ရေနက်ဆိပ်ကမ်းစီမံကိန်းနှင့်စပ်လျဉ်းသည့် နောက်ဆက်တွဲစာချုပ်ကို ပြီးခဲ့သည့် (၂၀၂၃) ခုနှစ် ဒီဇင်ဘာလတွင် မြန်မာ-တရုတ် နှစ်နိုင်ငံ လက်မှတ်ရေးထိုးခဲ့သည်။

စီမံကိန်းအကောင်အထည်ဖော်နိုင်ရေးအတွက် ကျောက်ဖြူအထူးစီးပွားရေးဇုန် စီမံခန့်ခွဲမှု ကော်မတီနှင့် မြန်မာ-တရုတ် ပူးပေါင်း၍ ဖက်စပ်ဖွဲ့စည်းထားသည့် ကျောက်ဖြူအထူးစီးပွားရေးဇုန် ရေနက်ဆိပ် ကမ်းကုမ္ပဏီတို့ အကြား လုပ်ငန်းလုပ်ကိုင်ခွင့်သဘော တူစာချုပ်ကို ပြီးခဲ့သည့် (၂၀၂၀) ပြည့်နှစ် နိုဝင်ဘာလတွင်ချုပ်ဆိုခဲ့ကြသည်။ လက်ရှိတွင် နစကအနေဖြင့် ကျောက်ဖြူ ရေနက်ဆိပ်ကမ်းစီမံကိန်းတွင်အသုံးပြုရန် ရခိုင်ပြည်နယ်၊ မဒေးကျွန်းပေါ်၌ ရေလှောင်ကန် (၂)ခုကို ငွေကျပ်(၄)ဘီလျံခန့်အသုံးပြုကာ တည် ဆောက်ရန်စီစဉ်နေကြောင်းသိရသည်။

မြန်မာနိုင်ငံတွင် စီးပွားရေးဇုန်သုံးခုကို အကောင်အထည်ဖော် ဆောင် ရွက်လျက်ရှိပြီး သီလဝါ အထူး စီးပွားရေးဇုန်သည် အောင်မြင်မှုအရှိဆုံး အထူးစီးပွားရေးဇုန်လည်းဖြစ်သည်။ ကျောက်ဖြူ SEZ တွင် ရေနက်ဆိပ် ကမ်းစီမံကိန်းအပါအဝင် စက်မှုဥယျာဉ်စီမံကိန်းနှင့် အိမ်ရာစီမံကိန်းတို့ပါဝင်ပြီး ရေနက်ဆိပ်ကမ်း စီမံကိန်းနှင့် စက်မှုဥယျာဉ်စီမံကိန်းတို့ကို တရုတ်နိုင်ငံရှိ CITIC အုပ်စုကုမ္ပဏီမှ တင်ဒါအောင်မြင်ထားခြင်းဖြစ်သည်။ လက်ရှိတွင် စီမံကိန်းကာလမှာ (၁၀)နှစ် အတွင်းရောက်ရှိလာပြီဖြစ်သောကြောင့် CITIC က အမြန်ဆုံးအ‌ကောင်အထည်ဖော်နိုင်ရေး ဆန္ဒရှိနေကြောင်းသိရသည်။