Pearl (NSS) – မတ် ၁၇

အကြမ်းဖက်လုပ်ရပ်များနှင့် ရွေးကောက်ပွဲကျင်းပနိုင်ရေးအတွက် ထိခိုက်ပျက်စီးစေမည့် လုပ်ရပ်များကို ပြင်းထန်စွာကန့်ကွက်ရှုတ်ချကြောင်း ပြည်ခိုင်ဖြိုးပါတီအပါအဝင် နိုင်ငံရေးပါတီ (၂၄)ခုက သဘောထားထုတ်ပြန်ထားသည်။ 

 ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၊  မြန်မာပြည်သူ့ဒီမိုကရက်တစ်ပါတီ၊ တိုင်းရင်းသားစည်းလုံးညီညွတ် ရေးပါတီ၊ ရခိုင်ဦးဆောင်ပါတီ၊ ပြည်သူ့ရှေ့ဆောင်ပါတီ နှင့် ရှမ်းနှင့်တိုင်းရင်းသားများဒီမိုကရက်တစ်ပါတီ (ကျားဖြူ ပါတီ) တို့ အပါအဝင် စုစုပေါင်း နိုင်ငံရေးပါတီ (၂၄) ခုက ယမန်နေ့ (မတ်လ ၁၆ ရက်) တွင်အထက်ပါကဲ့သို့ ထုတ်ပြန်ထားခြင်းဖြစ်သည်။

အကြမ်းဖက်လုပ်ရပ်များသည် နိုင်ငံတော်၏ အနာဂတ်ခရီးအား မှေးမှိန်ပျက်စီးစေသည်သာမက နိုင်ငံ့ဘဏ္ဍာငွေ များဖြင့် နှစ်ကာလကြာရှည်စွာ တည်ဆောက်ပေးခဲ့ရသော အခြေခံအဆောက်အဦများကို ပြန်လည်တည်ဆောက် ပြုပြင်ပေးရမည့်လုပ်ငန်းများသည် နိုင်ငံ့အနာဂတ်အတွက် အခက်အခဲများစွာ ရှိနေမည်ဖြစ်ကြောင်း ထုတ်ပြန်ချက် တွင် ထည့်သွင်း‌ပြောကြားထားသည်။ 

အလားတူ ရုပ်ပိုင်းဆိုင်ရာထိခိုက်ဆုံးရှုံးမှုများအပြင် စိတ်ပိုင်းဆိုင်ရာနှင့် လူ့စွမ်းအားအရင်းအမြစ် ထိခိုက် ပျက်စီးမှုများ ရှိနေပြီး ပြည်သူလူထု၏ နစ်နာဆုံးရှုံးမှုများကိုလည်း နားလည်စာနာကြောင်းလည်း ထုတ်ပြန်ထားသည်။

နိုင်ငံရေးပါတီများအနေဖြင့် အကြမ်းဖက်အဖွဲ့အစည်းများ၏ အကြမ်းဖက်လုပ်ရပ်များနှင့် လွတ်လပ်ပြီးတရားမျှတ သည့် ရွေးကောက်ပွဲကျင်းပနိုင်ရေး ထိခိုက်ပျက်စီးစေမည့်လုပ်ရပ်များကို ပြင်းထန်စွာ ဆန့်ကျင်ကန့်ကွက်ရှုတ်ချကြောင်း သဘောထားထုတ်ပြန်ထားသည်။ 

အကြမ်းဖက်အဖွဲ့များအနေဖြင့် ၂၀၂၁ ခုနှစ်၊ ဖေဖော်ဝါရီလမှ ၂၀၂၃ ခုနှစ်၊ ဇန်နဝါရီလအထိ (၂)နှစ်တာကာလ အတွင်း အတည်ပြုရရှိသော စာရင်းဇယားများအရ  လူနေအိမ်၊ နိုင်ငံပိုင်နှင့် ပုဂ္ဂလိကပိုင်ပစ္စည်းများ မီးရှို့ဖျက်ဆီးမှု (၁၆၆၁)ကြိမ်၊ စက်ရုံ/ အလုပ်ရုံ/ စူပါမားကတ်များ မီးရှို့ ဖျက်ဆီးမှု (၄၄)ကြိမ်၊  ရုံး/ အဆောက်အဦများအား အကြမ်းဖက်တိုက်ခိုက်မှု (၁၀၉)ကြိမ် နှင့် လမ်း/တံတားများအား ဖောက်ခွဲဖျက်ဆီးမှု (၈၅၆)ကြိမ် ကျူးလွန်ခဲ့ ကြောင်း နိုင်ငံရေးပါတီ (၂၄)ခု၏ ပူးတွဲသဘောထားထုတ်ပြန်ချက်အရသိရသည်။ 

ထို့ပြင်ဌာနဆိုင်ရာရုံး/ အဆောက်အဦများ မီးရှို့ဖျက်ဆီးမှု (၉၇၆)ကြိမ်၊ လက်ပစ်ဗုံး/ လက်လုပ်ဗုံး ပစ်ခတ်မှု/ တွေ့ရှိမှု (၁၉၄၆)ကြိမ်၊ ကျောင်း/ ရုံး/ အခြားနေရာများ လက်ပစ်ဗုံး ပစ်ခတ်မှု (ကွဲ/ မကွဲ/ တွေ့ရှိ) (၆၈၄၅) ကြိမ် နှင့် အရပ်သားပြည်သူ (၈၉၂၈)ဦး အား အနိုင်ကျင့်မှု၊ သတ်ဖြတ်မှုများ ကျူးလွန်ခဲ့ကြောင်းလည်း သိရသည်။