သုတကျော် (NSS) - ဖေဖော်ဝါရီ ၁၇

စစ်မှုထမ်းဥပဒေကို စတင်ကျင့်သုံးမည်ဟု ထုတ်ပြန်ပြီးနောက် သတင်းအမှား၊ ကောလာဟလ များကြောင့် ရန်ကုန်တွင် ညပိုင်းအချိန် အပြင်ထွက်သူ ယခင်ထက် လျော့နည်းနေကြောင်း NSS မှမေးမြန်းထားသည့် အချက်အလက်များအရ သိရသည်။ 

ပြည်သူ့စစ်မှုထမ်း ဥပဒေအရ လုပ်ငန်းစဉ်များကို ဧပြီလနောက်ပိုင်းတွင် စတင်မည်ဖြစ်ကြောင်း၊ သင် တန်းအမှတ်စဉ်(၁)မှ (၄)အထိကို စစ်မှု ထမ်းရန် အကျုံးဝင်သူ အမျိုးသားများကိုသာ စတင်ခေါ်ယူသွားမည်ဖြစ် ကြောင်းနှင့် စစ်မှုထမ်းရန် အကျုံးဝင်သော အမျိုးသမီးများကို သင်တန်းအမှတ်စဉ် (၅)ရောက်မှသာ ခေါ်ယူရန်လျာထားကြောင်း နိုင်ငံတော် စီမံအုပ် ချုပ်ရေးကောင်စီဘက်က ပြောကြားထားချက် များအရ သိရသည်။ ပြည်သူ့ စစ်မှုထမ်းဥပဒေနှင့်ပတ် သက်၍ အဖမ်းအဆီးများရှိနေကြောင်း သတင်းအမှားများ၊ ကောလာဟလများ ပြင်ပတွင် ထွက်ပေါ်နေသည့် အပေါ် မိဘများကစိုးရိမ်ပြီး ညပိုင်းတွင် သားသမီးများကို အိမ်ပြင်မထွက်စေရန်အတွက် သတိပေးခြင်း များလည်း ရှိနေကြောင်း သိရသည်။ 

"စစ်မှုထမ်းဥပဒေ ထွက်ပြီးတဲ့နောက် ညပိုင်းတွေမှာ ထွက်တဲ့လူငယ်တွေက အရင်ထက်ကို တော် တော်နည်းသွားတယ်။ စီးတဲ့ခရီးသည်အရေအတွက် လည်း ကျသွားတယ်။ တကယ်တော့ ကျွန်တော် ညဘက်တွေ တောက် လျှောက် မောင်းနေတာပဲ။ အစစ် ဆေးလည်း တင်းကျပ်တာမျိုးမရှိဘူး။ ပုံမှန်ပဲ ရှိနေတာပါပဲ"ဟု ညပိုင်းတွင်သာ မောင်းသည့် အငှားယာဉ်မောင်း တစ်ဦးကပြောသည်။ 

လူငယ်များသာမက ညပိုင်းတွင် အငှားကားစီးသူ အရေအတွက်သည်လည်း ယခင်ထက် နည်းပါးနေ သည့် အခြေအနေဖြစ်ကြောင်း အခြားအငှားယာဉ် မောင်းတစ်ဦးက ပြောသည်။ "ညပိုင်းမှာ အပြင် မထွက်တာက လူငယ်တွေတင် မကဘူးနော်။ တခြား ခရီးသည်တွေလည်း ဒီနောက်ပိုင်းမှာ အရနည်းသွား တာ။ အဲဒီလို ရှိနေတယ်။ သတင်းအမှားတွေကြောင့် စိုးရိမ်ပြီး နည်းသွားတာမျိုးဖြစ်မယ်လို့ သုံးသပ်မိတယ်။ သတင်းအမှန်တွေ သိပြီးရင်တော့ ပြန်ထွက်လာကြမှာပါ"ဟု ၎င်းက ပြောသည်။ 

အသက် ၃၄ နှစ်အရွယ် ကုမ္ပဏီဝန်ထမ်း တစ်ဦးက "အိမ်ကို စောစောပြန်နိုင်ဖို့တော့ လုပ်ဖြစ်တယ်။ သတင်းတွေက ထွက်နေတော့လေ"ဟု ပြောသည်။ 

လုံခြုံရေးတပ်ဖွဲ့များက မြို့များ၊ ရွာများတွင် ပေါ်တာဆွဲသည်ဟုဆိုကာ လုပ်ကြံဖန်တီး ထုတ်လွှင့် နေခြင်းများရှိပြီး အဆိုပါ ကိစ္စနှင့် ပတ်သက် ၍ မဟုတ်မမှန်ကြောင်းများကို အခါအားလျော်စွာ သတင်းထုတ် ပြန်ပေးနေကြောင်း နိုင်ငံတော်စီမံအုပ်ချုပ်ရေးကောင်စီမှ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ရှင်းလင်း ပြောကြားထားသည်။ 

"မိဘပြည်သူတွေကို ကျွန်တော်တင်ပြလိုတာကတော့ ယခုဖြစ်ပေါ်နေတဲ့ နိုင်ငံရေးအခြေအနေတွေ အရ ပြည်သူများရဲ့နေ့စဉ်လူနေမှုဘဝ၊ လူမှုစီးပွားဘဝ လုံခြုံအေးချမ်းစွာနေထိုင်သွားလာလှုပ်ရှားနိုင်စေဖို့ ဒီလုံခြုံရေးတပ်ဖွဲ့ဝင်တွေ၊ ရဲတပ်ဖွဲ့ဝင်တွေ၊ သက် ဆိုင်ရာ အုပ်ချုပ်ရေးပိုင်းဆိုင်ရာ တာဝန်ရှိသူတွေနဲ့ ဧည့်စာရင်းစစ်ဆေးတာတို့၊ လိုအပ်တဲ့စစ်ဆေးမှုများ ပြုလုပ်ခြင်းတို့ကို မြို့ရွာတွေမှာ ဆောင်ရွက်နေတာ ရှိတယ်။ ဒါတွေ ဆောင်ရွက်တာကလည်း ဒီအကြမ်း ဖက်သမားတွေ မြို့ရွာတွေမှာစိမ့်ဝင်တယ်၊ ဗုံးထောင် ဖောက်ခွဲတယ်၊ မိုင်းထောင်ဖောက်ခွဲတယ် ဒါတွေ ကြောင့် ကျွန်တော်တို့က ဆောင်ရွက်ရတာဖြစ်ပါတယ်။ အဲဒီလိုဆောင်ရွက်တဲ့နေရာမှာ ဧည့်စာရင်း မတိုင်ဘဲနဲ့ နေထိုင်နေတဲ့သူတွေ၊ အိမ်ထောင်စုစာရင်း မဝင်တဲ့ သူတွေ၊ အိမ်ထောင်စုစာရင်းမပြနိုင်တဲ့သူတွေ စစ်ဆေးတွေ့ရှိရင်တော့ သက်ဆိုင်ရာရဲစခန်းနဲ့ သက်ဆိုင်ရာဌာနတွေက ခေါ်ယူစစ်ဆေးခြင်းများရှိ တယ်၊ အနည်းအကျဉ်းပါပဲ။ ဒီလိုစစ်ဆေးတွေ့ရှိရင် ဥပဒေနဲ့အရေးယူခြင်းဆောင်ရွက်နေသလို အကျိုးအကြောင်း ဆီလျော်တဲ့သူတွေကို ပြန်လည်စေလွှတ်ပေး နေတာရှိပါတယ်။ ဒီအပေါ်တွေမှာ ခုနကပြောတဲ့ ပြည်သူ့စစ်မှုထမ်းဥပဒေ ပြဋ္ဌာန်းတဲ့အပေါ်မှာ ပြီးရင် ရပ်ရွာအေးချမ်းသာယာရေး မလိုလားတဲ့သူတွေက အများပြည်သူတွေကို ထိတ်လန့်တုန်လှုပ်ချောက်ချား စေဖို့ ရည်ရွယ်ပြီး ပေါ်တာဆွဲနေတယ်တို့၊ ပြီးရင် ဘယ်နေရာမှာ ခေါ်သွားပြန်ပြီတို့ ဒါတွေကိုအချိန်ကိုက် သတင်းထုတ်လွှင့်နေတာ ဖြစ်ပါတယ်"ဟု ၎င်းက ပြောသည်။ 

ပြည်သူ့စစ်မှုထမ်းဥပဒေတွင် အကျုံးဝင်သူသည် ၂၀၁၉ ကြားဖြတ် သန်းခေါင်စာရင်းအရ လူဦးရေ ၁၄ သန်းခန့်ရှိပြီး တစ်နှစ်အတွင်း လေ့ကျင့်ခေါ်ယူမည့်သူ သည် လူဦးရေ ငါးသောင်း၊ ခြောက်သောင်းထက် မပို ကြောင်းလည်း ဗိုလ်ချုပ်ဇော်မင်းထွန်းက ပြောသည်။ "ပြောရမယ်ဆိုရင် လူဦးရေ သိန်း ၁၃၀ ဖြစ်တဲ့အ တွက် ၁ ရာခိုင်နှုန်းဆိုရင် တစ်သိန်းသုံးသောင်းရှိမယ်။ သုည ဒသမ ငါးရာခိုင်နှုန်းလောက်တောင်မှပဲ ကျွန် တော်တို့ စနစ်တကျခေါ်ယူလေ့ကျင့်သင်ကြားပေးဖို့ ခက်ခဲပါတယ်။ ဒါထက်အောက်ကိုပဲ ခေါ်ယူရမှာဖြစ်တယ်၊ ခေါ်ယူနိုင်မှာဖြစ်တယ်။ တစ်နှစ်မှာမှ လူဦးရေ ၂၀ဝ မှာ (၁)ယောက်ပဲ နိုင်ငံတော်ကာကွယ်ရေး တာဝန်ကို ထမ်းဆောင်ရမှာဖြစ်ပါတယ်။ အဲဒီတော့ မိဘပြည်သူများနဲ့ လူငယ်လူရွယ်များနေထိုင်နေတဲ့ ရပ်ကွက်တွေ၊ ကျေးရွာတွေမှာ အကျုံးဝင်တဲ့လူဦးရေ ဘယ်လောက်ရှိလဲ တွက်ကြည့်ပါ။ ဒီလူတွေက ဒီနှစ်မှာ ခေါ်ယူလေ့ကျင့်တယ်၊ နောက်တာဝန် ထမ်း ဆောင်တယ်။ နောက် (၂) နှစ်ကြာရင်သူက စစ်မှု ထမ်းဆောင်ခြင်း၊ နိုင်ငံတော်ကာကွယ်ရေးတာဝန် ထမ်းဆောင်ခြင်း ကျေပွန်တာဖြစ်ပါတယ်။ ဒါကြောင့် အလှည့်ကျဆောင်ရွက်နေတာဖြစ်တယ်။ လူနှစ်ရာမှာ တစ်ယောက်တောင်မှ နိုင်ငံတော်ကာကွယ်ရေး တာဝန်၊ ပြည်သူ့စစ်မှုထမ်း တာဝန်ထမ်းဆောင်ဖို့ နည်းပါတယ်။ ဒီဟာတွေကို မိဘပြည်သူများနဲ့ လူငယ်လူရွယ်များ အားလုံးသိရှိထားဖို့လိုတယ်လို့ ကျွန်တော်ပြောလိုပါတယ်"ဟု ၎င်းက ပြောသည်။