Pika (NSS) - ဇန်နဝါရီ ၂၃ 

အမေရိကန်နိုင်ငံ အီလီနွိုက်ပြည်နယ် ချီကာဂိုမြို့ ဆင်ခြေဖုံးရပ်ကွက်တွင် လူ(၈)ဦးကို သေနတ်ဖြင့် ပစ်သတ်ခဲ့ သည့် သံသယရှိသူအမျိုးသားသည် တက္ကဆက်ပြည်နယ်ဥပဒေစိုးမိုးရေးအရာရှိများ နှင့် ထိပ်တိုက်တွေ့ဆုံပြီး နောက် ကိုယ့်ကိုယ်ကိုယ်သေနတ်ဖြင့် ပြန်လည်ပစ်ခတ်ခဲ့ကြောင်း ရဲတပ်ဖွဲ့က ပြောကြားခဲ့သည်။

ရိုမီယိုနန့်စ်ဟု အမည်ရသည့် အသက်(၂၃)နှစ်အရွယ် အမျိုးသားကို Texas ပြည်နယ် Natalia မြို့အနီးတွင် တွေ့ရှိ ခဲ့ခြင်းဖြစ်ပြီး ထိပ်တိုက်တွေ့ဆုံမှုများဖြစ်ပွားခဲ့ပြီးနောက် ၎င်းသည် ကိုယ့်ကိုကိုယ်သေနတ်ဖြင့် ပစ်ခတ်ခဲ့ခြင်းဖြစ် ကြောင်း ရဲတပ်ဖွဲ့က ပြောကြားခဲ့သည်။

ရိုမီယိုနန့်စ်သည် ချီကာဂိုမြို့ ဆင်ခြေဖုံးရပ်ကွက်များရှိ နေရာသုံးခုတွင် လူ(၈)ဦးကို သေနတ်ဖြင့် ပစ်သတ်ခဲ့ပြီး နောက် ရဲတပ်ဖွဲ့က လိုက်လံဖမ်းဆီးခဲ့ခြင်းဖြစ်ကြောင်း သိရသည်။ ပစ်ခတ်မှုဖြစ်ပွားရသည့် အကြောင်းအရင်းများ ကို လက်ရှိအချိန်အထိ ရှင်းရှင်းလင်းလင်းမသိရှိရသေးသော်လည်း ရိုမီယိုနန့်စ်မှာ သေဆုံးသူများနှင့် သိရှိပုံပေါ် ကြောင်း ရဲတပ်ဖွဲ့က ယခင်က ပြောကြားခဲ့သည်။ 

ရိုမီယိုနန့်စ်ကိုရှာဖွေရာတွင် ဒေသခံရဲအရာရှိများနှင့် အက်ဖ်ဘီအိုင် အေးဂျင့်များက ကူညီပေးနေကြောင်း Joilet မြို့ ရဲတပ်ဖွဲ့အကြီးအကဲ ဝီလီယံအီဗန်က ယခင်က ပြောကြားခဲ့သည်။ သေဆုံးသူများကို ဇန်နဝါရီလ(၂၁) ရက် နှင့် (၂၂) ရက်တို့တွင် မတူညီသောနေအိမ်သုံးခုအတွင်းမှ တွေ့ရှိခဲ့ခြင်းဖြစ်ပြီး အာဏာပိုင်များက ပြောကြားခဲ့သည်။ 

သံသယရှိသူ ရိုမီယိုနန့်စ်မှာ လက်နက်ကိုင်ဆောင်ထားပြီး အန္တရာယ်ရှိသူတစ်ဦးဖြစ်ကြောင်း အာဏာပိုင်များက ဆိုရှယ်မီဒီယာပေါ်တွင် သတိပေးချက်ထုတ်ပြန်ခဲ့သည်။ ထို့အပြင် ဇန်နဝါရီလ(၂၂)ရက်က Joliet မြို့တွင် အမျိုးသားတစ်ဦး ထိခိုက်ဒဏ်ရာရှိခဲ့သော ပစ်ခတ်မှုသည် အဆိုပါအကြမ်းဖက်မှုနှင့်ဆက်နွယ်နေပုံပေါ်ကြောင်း အာဏာပိုင်များက ထပ်မံပြောကြားခဲ့သည်။

ဝီလီယံအီဗန်က "ကျွန်တော်ရဲတပ်ဖွဲ့ဝင်အဖြစ် တာဝန်ထမ်းဆောင်ခဲ့တာ (၂၉)နှစ်ရှိပါပြီ။ ဒါဟာ ကျွန်တော် ကြုံတွေ့ဖူးသမျှထဲမှာ အဆိုးရွားဆုံးရာဇဝတ်မှုတစ်ခု ဖြစ်နိုင်ပါတယ်" ဟု ပြောခဲ့သည်။