မင်းလှမြို့နယ်တွင် အုပ်ချုပ်ရေးမှူး နှင့် ရာအိမ်မှူးကို အကြမ်းဖက်အဖွဲ့က သေနတ်ဖြင့် လုပ်ကြံပစ်ခတ်
Pearl (NSS) - ဇန်နဝါရီ ၂၁
မင်းလှမြို့နယ်တွင် အုပ်ချုပ်ရေးမှူး နှင့် ရာအိမ်မှူးကို အကြမ်းဖက်အဖွဲ့က သေနတ်ဖြင့် လုပ်ကြံပစ်ခတ်ခဲ့ကြောင်း ဒေသခံများထံမှ သိရသည်။
ဖြစ်စဉ်မှာ ယနေ့ (ဇန်နဝါရီ ၂၁ ရက်)၊ နေ့လည်ပိုင်းတွင် ပဲခူးတိုင်း၊ မင်းလှမြို့နယ်၊ အင်းဘုတ်ကုန်းကျေးရွာ နှင့် သဲကောကျေးရွာကြားတွင် ဖြစ်ပွားခဲ့ခြင်းဖြစ်သည်။
မင်းလှမြို့နယ်၊ ထန်းပင်ကုန်းကျေးရွာအုပ်စု၏ အုပ်ချုပ်ရေးမှူးဖြစ်သူ ဦးသန်းထွန်း (၇၂) နှစ် နှင့် ရာအိမ်မှူးဖြစ်သူ ဦးမောင်နိုင်တို့ကို အကြမ်းဖက်အဖွဲ့က အင်းဘုတ်ကုန်းကျေးရွာနှင့် သဲကောကျေးရွာကြားရှိ တံတားပေါ်တွင် အကြမ်းဖက်အမျိုးသား (၂)ဦးက သေနတ်ဖြင့် လုပ်ကြံပစ်ခတ်ခဲ့ကြောင်း သိရသည်။
"နေ့ခင်းတုန်းက မင်းလှမြို့နယ် အင်းဘုတ်ကုန်းရွာနားမှာ အုပ်ချုပ်ရေးမှူး နဲ့ ရာအိမ်မှူး ပစ်သတ်ခံရပြန်တယ်။ အပစ်ခံရပြီး ဆေးရုံရောက်တော့ ဦးသန်းထွန်းက ဆုံးသွားတယ်လို့ ကြားတယ်။ ရာအိမ်မှူးက ဒဏ်ရာရတယ်။ စိတ်တွေမကောင်းဘူး။ မကြားချင်၊ မပြောချင်တဲ့ စိတ်မချမ်းမြေ့ဖွယ်သတင်းတွေပါ" ဟု ဒေသခံတစ်ဦးက NP News ကို ပြောသည်။
ပစ်ခတ်ခံရမှုကြောင့် ၎င်းတို့(၂)ဦးတွင် ကျည်ထိမှန်ဒဏ်ရာများရရှိခဲ့သဖြင့် ဆေးရုံသို့ပို့ဆောင်၍ ဆေးကုသမှုခံယူစဉ် အုပ်ချုပ်ရေးမှူး ဦးသန်းထွန်းသည် သေဆုံးသွားခဲ့ကြောင်း သိရသည်။
ပြီးခဲ့သော ဒီဇင်ဘာလတွင်လည်း မင်းလှမြို့နယ်တွင် စမ်းဘုတ်ကျေးရွာ၏ ယာယီအုပ်ချုပ်ရေးမှူးတာဝန်ယူထား သော ဦးတင်ဦးအား မင်းလှမြို့နယ်၊ စမ်းတောင်ကွေ့ကျေးရွာအနီးတွင် အကြမ်းဖက်အဖွဲ့က သေနတ်ဖြင့် လုပ်ကြံသတ်ဖြတ်ခဲ့သည့်ဖြစ်စဉ်ဖြစ်ပွားခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရှမ်းတောင်၌ တိုက်ပွဲဖြစ်ပွားခြင်း မရှိ၊ ကား(၆)စီးဖြင့် မှောင်ခိုသယ်လာသည့် လက်နက်ခဲယမ်းအများအပြား ဟိုပုံးမြို့နယ်၌ ပေါက်ကွဲပျက်စီးခဲ့
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ