မူဆယ်မြို့၌ ဓားပြမှု၊ ပြန်ပေးဆွဲမှု နှင့် ငွေကြေးလိမ်လည်မှုများ ပိုမိုများပြားလာကြောင်း ဒေသခံများဆို
NSS - ဇန်နဝါရီ ၇
ရှမ်းပြည်နယ်(မြောက်ပိုင်း)၊ မူဆယ်မြို့တွင် ဓားပြမှု၊ ပြန်ပေးဆွဲမှု နှင့် ငွေကြေးလိမ်လည်မှုများ ပိုမိုဖြစ်ပွားလာနေကြောင်း ဒေသခံများထံမှ သိရသည်။
ပြီးခဲ့သော ၂ဝ၂၃ ခုနှစ် အောက်တိုဘာလမှ စတင်ကာ အရှမ်းပြည်နယ် အရှေ့မြောက်ပိုင်းဒေသ၌ MNDAA၊ TNLA ၊AA မဟာမိတ်လက်နက်ကိုင်အဖွဲ့က (၁ဝ၂၇) စစ်ဆင်ရေးအမည်ဖြင့် တိုက်ပွဲများ ဖော်ဆောင်ခဲ့ပြီးနောက် မူဆယ်မြို့တွင် အထက်ပါကဲ့သို့ဖြစ်စဉ်များ ပိုမိုဖြစ်ပွားလာကြောင်း ဒေသခံများက ဆိုသည်။
“မူဆယ်မှာက ခုလိုဖြစ်နေတာကြာပြီ။ အဲဒီအကြောင်းနဲ့ပတ်သက်ပြီး တိုင်ဖို့ကိုလည်း ပြည်သူတွေဘက်က ပါဝင်မှု အားနည်းတယ်။ အားနည်းတယ်ဆိုတာကလည်း ပြည်သူတွေဘက်ကကြည့်ရင် တိုင်လိုက်လို့ ဒီထက်ဆိုးသွားမှာကို ကြောက်လို့ ထင်ပါတယ်။ ပြီးတော့ မြို့ထဲမှာလည်း အခွန်ဆိုပြီး ဘာမှန်းမသိတဲ့ အဖွဲ့အစည်းတွေက ခဏခဏ လာကောက်တယ်” ဟု မူဆယ်မြို့ခံတစ်ဦးက NP News ကို ပြောသည်။
လက်ရှိတွင် ဖြစ်ပွားလျက်ရှိသည့် အကြမ်းဖက်မှုဖြစ်စဉ်များနှင့်ပတ်သက်၍ သက်ဆိုင်ရာနှင့် လုံခြုံရေး တပ်ဖွဲ့ဝင်များအနေဖြင့် ထိထိရောက်ရောက်အရေးဆောင်ရွက်ပေးရန် လိုအပ်ကြောင်း မူဆယ်မြို့ခံများက အကြံပြု ပြောထားသည်။
ပြီးခဲ့သော (ဇန်နဝါရီလ ၇ ရက်)၊ မွန်းလွဲပိုင်းအချိန်တွင် မူဆယ်မြို့နယ်၊ ဟိုမွန်ရပ်ကွက်၊ ၄၅ လမ်း၊ လမ်းသွယ် (၆)၌ ပြန်ပေးဆွဲဂိုဏ်းတစ်ခုအား လုံခြုံရေးတပ်ဖွဲ့ဝင်များက ဝင်ရောက်စီးနင်းတိုက်ခိုက်ခဲ့ရာ ကျူးလွန်မှုတွင် ပါဝင်သူ (၃)ဦး ကို ဖမ်းဆီးရမိခဲ့သာ်လည်း အဓိကဂိုဏ်းခေါင်းဆောင်များမှာ လွတ်မြောက်နေဆဲဖြစ်ကြောင်း ဒေသခံများက ဆိုသည်။
“အဲဒီရပ်ကွက်မှာရှိတဲ့ ပြန်ပေးဆွဲဂိုဏ်းကို သတင်းရတာနဲ့ ရဲတပ်ဖွဲ့ရယ် တပ်နဲ့ ပြည်သူ့စစ်ဖွဲ့က ဝင်ဖမ်းတာမှာ အဓိကခေါင်းဆောင်ပိုင်းတွေ လွတ်သွားပြီး အောက်က ငယ်သား(၃)ယောက် ဖမ်းမိတာပါ။ မူဆယ်မှာက တိုက်ပွဲ စတင်ဖော်ဆောင်လာတဲ့ အောက်တိုဘာလကစပြီး အခုလိုဖြစ်တာတွေ ပိုများလာတာ” ဟု မူဆယ်မြို့ခံတစ်ဦးက ပြောသည်။
အလားတူ ပြီးခဲ့သော ၂ဝ၂၃ ခုနှစ် နိုဝင်ဘာ ၁၄ ရက်တွင် မူဆယ်မြို့၊ ဟိုမွန်ရပ်ကွက်ရှိ နေအိမ်တစ်လုံး၌ အဖွားအို တစ်ဦးတည်း ရှိနေစဉ် အမျိုးသား(၂)ဦးမှ ဓားပြဝင်တိုက်ကာ ငွေကြေးများလုယက်ယူဆောင်သွားခဲ့သည့် ဖြစ်စဉ်ဖြစ်ပွားခဲ့ဖူးသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
စစ်ဘေးရှောင်(၂)သန်းကျော်ကို ကုလသမဂ္ဂအရေးပေါ်တုံ့ပြန်ရေးဗဟိုရန်ပုံငွေမှ အမေရိကန်ဒေါ်လာ(၇) သန်းကူညီပေးမည်ဟု UNOCHA ထုတ်ပြန်
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ