ရန်ကုန်မြို့လယ်ရှိ ဘာသာရေးကျောင်းတစ်ခု၌ ကလေးငယ်အချို့ လိင်ပိုင်းဆိုင်ရာအကြမ်းဖက်ခံရသည့်သတင်းပျံ့နှံ့နေပြီး စစ်ဆေးအရေးယူခြင်းမျိုး မတွေ့ရသေး
မြူနစ် (NSS) - ဒီဇင်ဘာ ၁၅
ရန်ကုန်မြို့လယ်ရှိ ဘာသာရေးကျောင်းတစ်ခု၌ ကလေးငယ်အချို့ လိင်ပိုင်းဆိုင်ရာအကြမ်းဖက်ခံရသည့်သတင်း ပျံ့နှံ့နေ လျက်ရှိပြီး သက်ဆိုင်ရာက စုံစမ်းအရေးယူခြင်းမျိုး မရှိသေးကြောင်း သိရသည်။
ပန်းဘဲတန်းမြို့နယ်၊ (၂၆)လမ်းရှိ မဒရ်ဆာနူရ်ရွန်ဘာသာရေးကျောင်းတွင် ကလေးငယ်အချို့ လိင်ပိုင်းဆိုင်ရာအကြမ်းဖက်ခံရသော သတင်းသည် လူမှုကွန်ရက်စာမျက်နှာများ၌ ပျံ့နှံ့နေလျက်ရှိသည်။
ကလေးငယ်အချို့အပေါ် လိင်ပိုင်းဆိုင်ရာအကြမ်းဖက်ခဲ့သူသည် ၎င်းကျောင်းမှ ဆရာများဖြစ်သည့် မော်လဝီမူဆာနှင့် မော်လဝီအဗ္ဗဒူလ်ရာရှစ်တို့ကြောင်း ပျံ့နှံ့နေသည့်သတင်းများအရ သိရသည်။
အဆိုပါ (၂)ဦးသည် မဒရ်ဆာနူရ်ရွန်ဘာသာရေးကျောင်း၌ ကျောင်းသားကလေးငယ်များကို ကျောင်းတွင်းလိင်အကြမ်းဖက် ခြင်းနှင့် လိင်ပိုင်းဆိုင်ရာအာသာဖြေခြင်းကိစ္စရပ်များကို ပြုလုပ်ခဲ့ကြောင်း ဒီဇင်ဘာလ ၁၂ ရက် ရက်စွဲဖြင့် ကျောင်း၏ဂေါပက လူကြီးများရှေ့တွင် ဝန်ခံကတိပြုထားသည်ဆိုသော စာရွက်သည်လည်း ပျံ့နှံ့နေသည်။
ထို့ပြင် လိင်ပိုင်းဆိုင်ရာအကြမ်းဖက်ခဲ့သူ (၂)ဦးကိုလည်း ကျောင်းအတွင်းပြုလုပ်ခဲ့သော ကိစ္စရပ်များနှင့်ပတ်သက်၍ အထက်ပါကျောင်းမှ ထုတ်ပယ်လိုက်ကြောင်း ကြေညာထားသည့်ကြော်ငြာ သင်ပုန်းမှတ်တမ်းတစ်ခုကိုလည်း လူမှုကွန်ရက်စာမျက်နှာ၌ တွေ့ရှိရသည်။
လိင်ပိုင်းဆိုင်ရာအကြမ်းဖက်မှုများကို မည်သည့်လူမျိုး၊ မည်သည့်ဘာသာဝင်မဆို လက်ခံခွင့်ပြုထားခြင်းမရှိသည့်အတွက် သက်ဆိုင်ရာရဲတပ်ဖွဲ့ဝင်များအနေဖြင့် စုံစမ်းအရေးယူသင့်ကြောင်း အကြံပြုပြောဆိုမှုများလည်းရှိနေသည်။
အဆိုပါဖြစ်စဉ်နှင့်ပတ်သက်၍ NSS အနေဖြင့် သက်ဆိုင်ရာ ပန်းဘဲတန်းရဲစခန်းအား ဖုန်းဖြင့် ဆက်သွယ်မေးမြန်းရာတွင် တာဝန်ကျရဲတပ်ဖွဲ့ဝင်တစ်ဦးက “အဲဒါတာတွေက အခုမှ စလုပ်နေတုန်းရှိသေးတယ်။ အမှုဖွင့်ဖို့ အခုမှ လုပ်နေတုန်းရှိသေးတယ်။ သူတို့က ဗလီတက်နေတာတဲ့။ ခဏနေမှ လာမယ်တဲ့။ အမှုဖွင့်မယ်လို့တော့ ကြားတာပဲ။ လောလောဆယ် တော့မလာသေးဘူး”ဟု ဖြေကြားထားသည်။
ထို့ပြင် နစ်နာခဲ့သော ကျောင်းသားကလေးများ၏ မိဘများအနေ ဖြင့် သက်ဆိုင်ရာရဲတပ်ဖွဲ့ဝင်များနှင့်ပူးပေါင်းကာ လိင်ပိုင်းဆိုင် ရာအကြမ်းဖက်မှုများနှင့်ပတ်သက်၍ တရားမျှတမှုရရှိရေးအ တွက် ထိထိရောက်ရောက်ပူးပေါင်းဆောင်ရွက်သင့်ကြောင်း တိုက်တွန်းမှုများလည်း ရှိနေသည်။
“ဒါတွေက ရဲအရေးပိုင်တဲ့ အမှုလို့ ပြောလို့ရတယ်။ နစ်နာတဲ့သူတွေနဲ့ပူးပေါင်းပြီးတော့ ထိထိရောက်ရောက် အပြစ်ပေးနိုင်ဖို့ အရေးယူဆောင်ရွက်သင့်တယ်။ စုံစမ်းစစ်ဆေးပြီးတော့ ထိထိရောက်ရောက် ဆောင်ရွက်သင့်တယ်” ဟု ရဲတပ်ဖွဲ့ဝင်ဟောင်းတစ်ဦးက NSS ကို သုံးသပ်ပြောကြားသည်။
ပြီးခဲ့သော ၂၀၂၂ ခုနှစ်၌ မြန်မာနိုင်ငံတွင် မုဒိမ်းမှုပေါင်း (၉၀၀) နီးပါးဖြစ်ပွားခဲ့ပြီး ယင်းအမှုများအနက် အမှုပေါင်း (၆၀၀) ကျော် သည် သက်ငယ်မုဒိမ်းမှုများ ဖြစ်ကြောင်း နစက၏ အချက်အ လက်များအရ သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဥပဒေရေးရာဝန်ကြီးဌာနနှင့် ဥပဒေရုံးအဆင့်ဆင့်တို့တွင် ဥပဒေအရာရှိ (၆၀)ဦး ခန့်အပ်သွားရန် ပြင်ဆင်နေ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ