ထိုင်ဝမ်ကျွန်းအနီးတွင် တရုတ်မိုးပျံပူဖောင်းတစ်လုံးကို တွေ့ရှိခဲ့ကြောင်း ထိုင်ဝမ်ကာကွယ်ရေးဝန်ကြီးဌာနပြော
Pika (NSS) - ဒီဇင်ဘာ ၈
ထိုင်ဝမ်ကျွန်း နှင့် တရုတ်နိုင်ငံကို ပိုင်းခြားထားသော ရေလက်ကြားအလယ်မျဉ်းကို ဖြတ်ကျော်လာသည့် တရုတ် မိုးပျံပူဖောင်းတစ်လုံးကို တွေ့ရှိခဲ့ကြောင်း ထိုင်ဝမ်ကာကွယ်ရေးဝန်ကြီးဌာနက ဒီဇင်ဘာလ(၈)ရက်တွင် ထုတ်ပြန်ပြောခဲ့သည်။
ထိုင်ဝမ်ကာကွယ်ရေးဝန်ကြီးဌာနက "ဒီဇင်ဘာလ(၇)ရက် ည(၁၁)နာရီ (၅၂)မိနစ်မှာ ထိုင်ဝမ်ရေလက်ကြား အလယ်မျဉ်းကိုဖြတ်ကျော်လာတဲ့ တရုတ်မိုးပျံပူဖောင်းတစ်လုံးကို Keelung မြို့ အနောက်တောင်ဘက် ရေမိုင်(၁ဝ၁)မိုင်မှာ တွေ့ရှိခဲ့ပါတယ်။ တရုတ်မိုးပျံပူဖောင်းဟာ အရှေ့ဘက်ကိုဦးတည်သွားပြီးတော့ (၁၂)နာရီ (၅၅)မိနစ်မှာ ပျောက်ကွယ်သွားခဲ့ပါတယ်" ဟု ပြောခဲ့သည်။
ထို့အပြင် ထိုင်ဝမ်ကာကွယ်ရေးဝန်ကြီးဌာနသည် တရုတ်မိုးပျံပူဖောင်းသွားရာ လမ်းကြောင်းများကို ပြသသည့်ရုပ်ပုံ တစ်ခုကို ပြသခဲ့ကြောင်းလည်း သိရသည်။ အဆိုပါနေ့မတိုင်မီ ဒီဇင်ဘာလ(၆)ရက် ည(၇)နာရီ ၃ဝ မိနစ်အချိန်တွင် ထိုင်ဝမ်ရေလက်ကြားအလယ်မျဉ်းကို ဖြတ်ကျော်ဝင်ရောက်လာသည့် တရုတ်တိုက်လေယာဉ်(၇)စင်းကို တွေ့ရှိ ခဲ့ကြောင်း ထိုင်ဝမ်ကာကွယ်ရေးဝန်ကြီးဌာနက သတင်းထုတ်ပြန်ခဲ့သည်။
ထိုင်ဝမ်ကာကွယ်ရေးဝန်ကြီးဌာန က "တရုတ်တိုက်လေယာဉ်တွေဟာ စစ်သင်္ဘောတွေနဲ့အတူ ပူးတွဲတိုက်ခိုက်ရေး ကင်းလှည့်မှုတွေကို လုပ်ဆောင်ခဲ့ပါတယ်။ တရုတ်တိုက်လေယာဉ်တွေနဲ့ စစ်သင်္ဘောတွေကို ကျွန်တော်တို့ စောင့်ကြည့်မှုတွေလုပ်ဆောင်ခဲ့ပြီး လက်တုံ့ပြန်မှုတွေလုပ်ဆောင်ဖို့အတွက် မြေပြင်အခြေစိုက် ဒုံးကျည်စနစ်တွေ ကိုလည်း အသင့်အနေအထားနဲ့ ပြင်ဆင်ထားခဲ့ပါတယ်" ဟု ပြောခဲ့သည်။
ထို့အပြင် ဒီဇင်ဘာလ(၆)ရက် နံနက်ပိုင်းတွင် တရုတ်တိုက်လေယာဉ်(၂၇)စင်းသည် ထိုင်ဝမ်ရေလက်ကြား အလယ်မျဉ်းကို ထပ်မံဖြတ်ကျော်ဝင်ရောက်လာခဲ့ကြောင်း ထိုင်ဝမ်ကာကွယ်ရေးဝန်ကြီးဌာနက ပြောခဲ့သည်။ ထိုင်ဝမ်ကို ၎င်း၏ ပိုင်နက်နယ်မြေအဖြစ်သတ်မှတ်ထားသော တရုတ်သည် ထိုင်ဝမ်ကျွန်းအပေါ် စစ်ရေး နှင့် နိုင်ငံရေးအရ ဖိအားပေးမှုများကို ပြီးခဲ့သည့်နှစ်များအတွင်း ပိုမိုတိုးမြှင့်လုပ်ဆောင်လာခဲ့ကြောင်း သိရသည်။
တရုတ်အစိုးရသည် ထိုင်ဝမ်ကျွန်းအနီးတစ်ဝိုက်သို့ တိုက်လေယာဉ်များနှင့် စစ်သင်္ဘောများကို နေ့စဉ် စေလွှတ်နေ သော်လည်း ညအချိန်တွင် တရုတ်တိုက်လေယာဉ်များ၏ လှုပ်ရှားမှုနှင့် မိုးပျံပူဖောင်း ပေါ်ထွက်လာခြင်းတို့မှာ ရှားပါးသည့်ကိစ္စတစ်ခုဖြစ်ကြောင်းလည်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယူကရိန်းကို နောက်ထပ်အကူအညီများ ပေးပို့ပေးမည်ဆိုသည့် ကတိများမပေးနိုင်ကြောင်း အမေရိကန်အစိုးရ ထုတ်ဖော်ပြော
RELATED POSTS
04 Oct 2024 | နိုင်ငံရေး,ပြည်တွင်း
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ