တစ်လကျော်ကာလအတွင်း နစကမှ တရုတ်နိုင်ငံသား (၁၁၀၀၀) ကျော်ကို တရုတ်အစိုးရထံလွှဲပြောင်းပေးခဲ့
ယွန်း (NSS) - ဒီဇင်ဘာ ၇
တစ်လကျော်ကာလအတွင်း နစကမှ တရုတ်နိုင်ငံသား(၁၁၀၀၀)ကျော်ကို တရုတ်အစိုးရထံ လွှဲပြောင်းပေးခဲ့ကြောင်း နစက၏ ထုတ်ပြန်ချက်အရသိရသည်။
နစကမှ ဒီဇင်ဘာလ(၆)ရက်၊ ညပိုင်းတွင်အထက်ပါကဲ့သို့ ထုတ်ပြန်ထားခြင်းဖြစ်သည်။
နစကမှ နယ်စပ်ဒေသမှတစ်ဆင့် ပြည်တွင်း၌ တရားမဝင် ဝင်ရောက်နေထိုင်လျက်ရှိသည့် တရုတ်နိုင်ငံသားများ ပြန်လည်လွှဲပြောင်းမှုကို အောက်တိုဘာ လ(၃၁)ရက်မှ စတင်ဆောင်ရွက်ခဲ့ကြောင်း သိရသည်။
ထိုသို့လွှဲပြောင်းမှုများဆောင်ရွက်လျက်ရှိရာ ယမန်နေ့(ဒီဇင်ဘာလ ၆ ရက်) တွင်လည်း တရားမဝင် ဝင်ရောက်နေထိုင်လျက်ရှိသည့် တရုတ်နိုင်ငံသား အမျိုးသား(၆၈)ဦး၊ အမျိုးသမီး(၉)ဦး စုစုပေါင်း (၇၇)ဦးကို ထပ်မံလွှဲပြောင်းပေးခဲ့ကြောင်း သိရသည်။
ထို့ကြောင့် အောက်တိုဘာလ(၃၁)ရက်မှ ဒီဇင်ဘာ(၆)ရက်အထိ တရုတ်နိုင်ငံသား အမျိုးသား(၁၀၀၃၀) အပါအဝင် အမျိုးသမီး(၁၂၃၀)ဦး စုစုပေါင်း (၁၁၂၆၀)ဦးကို ဖော်ထုတ်ခဲ့ပြီး တာဝန်ရှိသူများထံသို့ ပြန်လည်လွှဲပြောင်းပေးခဲ့ကြောင်း နစကထံမှ သိရသည်။
နစကအနေဖြင့် နယ်စပ်ဒေသများမှတစ်ဆင့် မြန်မာနိုင်ငံအတွင်း တရားမဝင် ဝင်ရောက်နေထိုင်လျက်ရှိသည့် ပြည်ပနိုင်ငံသားများကို ၎င်းတို့နိုင်ငံသို့ ပြန်လည်လွှဲပြောင်းပေးနိုင်ရေးကို ဆောင်ရွက်လျက်ရှိကြောင်း သိရသည်။
ထို့ပြင် မြန်မာ-တရုတ် နှစ်နိုင်ငံ နယ်စပ်ဒေသတစ်လျှောက် လုံခြုံရေးနှင့်တည်ငြိမ်အေးချမ်းရေးကို ထိန်းသိမ်းရေးအပြင် တရားမဝင် မူးယစ်ဆေးဝါးရောင်းဝယ်ဖောက်ကားမှု၊ လူကုန်ကူးမှုနှင့်အွန်လိုင်းလိမ်လည်မှုများ အမြစ်ပြတ်တိုက်ဖျက်သွားရေးအတွက် နှစ်ဖက်တရား ဥပဒေစိုးမိုးရေးအဖွဲ့များအကြား ပိုမိုနီးကပ်စွာ ဆက်လက်ပူးပေါင်းဆောင်ရွက်သွားရေးကို မြန်မာ-တရုတ်နှစ်နိုင်ငံ နိုင်ငံခြားရေးဝန်ကြီးများက ဒီဇင်ဘာလ ၆ ရက်က ဆွေးနွေးခဲ့ကြသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဗင်နီဇွဲလားသမ္မတက အငြင်းပွားနယ်မြေကို သိမ်းပိုက်ရန်အတွက် ဂိုင်ယာနာနိုင်ငံနှင့်ထိစပ်နေသောနယ်စပ်သို့ တပ်ဖွဲ့ဝင်များ စေလွှတ်ခဲ့
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ