ဗင်နီဇွဲလားသမ္မတက အငြင်းပွားနယ်မြေကို သိမ်းပိုက်ရန်အတွက် ဂိုင်ယာနာနိုင်ငံနှင့်ထိစပ်နေသောနယ်စပ်သို့ တပ်ဖွဲ့ဝင်များ စေလွှတ်ခဲ့
Pika (NSS) - ဒီဇင်ဘာ ၇
ဗင်နီဇွဲလားသမ္မတ Nicolas Maduro သည် Essequibo ဟု လူသိများသော စတုရန်းကီလိုမီတာ(၁၆ဝဝဝဝ)ရှိသော နယ်မြေကို သိမ်းပိုက်ရန် ကြိုတင်ပြင်ဆင်မှုအဖြစ် ဂိုင်ယာနာနိုင်ငံနှင့် ထိစပ်နေသော နယ်စပ်သို့ ၎င်း၏ တပ်ဖွဲ့ဝင်များကို စေလွှတ်ခဲ့ကြောင်း စပိန်နေ့စဉ်ထုတ်သတင်းစာ El Pais က ဖော်ပြခဲ့သည်။
Delta Amacuro ပြည်နယ်ရှိ Puerto Barima ဒေသသို့ ဗင်နီဇွဲလားတပ်ဖွဲ့ဝင်အရေအတွက် မည်မျှစေလွှတ်လိုက်သည်ဆိုသည်ကို ရှင်းရှင်းလင်းလင်းမသိရှိရသေးကြောင်း El Pais က ဖော်ပြခဲ့သည်။
ဗင်နီဇွဲလားမဲဆန္ဒရှင် (၁ဝ ဒသမ ၄) သန်းနှင့်အတူ ဆန္ဒမဲခံယူပွဲများကို ကျင်းပပြီးနောက် Guyana Essequiba ဟု အမည်ပေးထားသည့်နယ်မြေအသစ်ကို ပေါင်းထည့်ထားသော ဗင်နီဇွဲလားနိုင်ငံ၏ မြေပုံအသစ်ကို Nicolas Maduro က ထုတ်ဖော်ပြသခဲ့ကြောင်းလည်း သိရသည်။
Nicolas Maduro က "Guayana Esequiba နယ်မြေကို ငြိမ်းချမ်းစွာယူလိုပါတယ်။ကျွန်တော်တို့ရဲ့ Guayana Esequibaနယ်မြေဟာ ဗြိတိသျှအင်ပါယာနဲ့သူတို့ရဲ့အမွေခံတွေ သိမ်းပိုက်တာကို ခံခဲ့ရပြီး ဖျက်ဆီးခံခဲ့ရတာပါ" ဟု ပြောခဲ့သည်။
Nicolas Maduro သည် Essequibo ဒေသအုပ်ချုပ်ရေးမှူးအသစ်အဖြစ် ဗိုလ်မှူးချုပ် Alexis Rodriguez Cabello ကို ခန့်အပ်ခဲ့ကြောင်းလည်း သိရသည်။ ဗင်နီဇွဲလားနိုင်ငံသည် ဂိုင်ယာနာနိုင်ငံ၏ သုံးပုံ နှစ်ပုံကျော်ကို သိမ်းပိုက်ရန် ကြိုးပမ်းနေခြင်းဖြစ်ကြောင်း ဂိုင်ယာနာသမ္မတ Irfaan Ali က စွပ်စွဲပြောခဲ့သည်။
ဗင်နီဇွဲလားသမ္မတ Nicolas Maduro ၏ ထုတ်ပြန်ကြေညာချက်အပြီးတွင် ဂိုင်ယာနာသမ္မတ Irfaan Ali က ယခုကဲ့သို့ ထုတ်ဖော်ပြောဆိုခဲ့ခြင်းဖြစ်သည်။ Irfaan Ali က "ဒါဟာ ဂိုင်ယာနာရဲ့ နယ်မြေစိုးမိုးရေး၊ အချုပ်အခြာ အာဏာနဲ့ နိုင်ငံရေးလွတ်လပ်မှုတွေကို တိုက်ရိုက်ခြိမ်းခြောက်နေတာမျိုးဖြစ်ပြီး နိုင်ငံတကာဥပဒေရဲ့ အခြေခံမူတွေ ကို ချိုးဖောက်နေတာဖြစ်ပါတယ်။ ကျွန်တော်တို့နယ်မြေကို ကာကွယ်ဖို့အတွက် ကြိုတင်ကာကွယ်ရေးအစီအစဉ် တွေကို ပိုမိုအရှိန်မြှင့်လုပ်ဆောင်သွားမှာပါ"ဟု ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
Chipotle fast food စားသောက်ဆိုင်မှာ အလုပ်သမားကို အစားအသောက်ပန်းကန်လုံးနဲ့ ပစ်ပေါက်ခဲ့တဲ့ အမျိုးသမီး အလုပ်နဲ့ပြစ်ဒဏ်၂ လ ချမှတ်ခံရ
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း