အီရတ်နိုင်ငံတွင် ဒရုန်းကိုလွှတ်တင်ရန် ပြင်ဆင်နေသော စစ်သွေးကြွ(၅)ဦးကို သတ်ဖြတ်ကာ ဒရုန်းကို ဖျက်ဆီးပစ်နိုင်ခဲ့ကြောင်း အမေရိကန်စစ်ဘက်ပြော
Pika (NSS) - ဒီဇင်ဘာ ၅
အီရတ်ရှိ အမေရိကန်တပ်ဖွဲ့များသည် ဒရုန်းတစ်စင်းကို လွှတ်တင်ရန် ပြင်ဆင်နေသော စစ်သွေးကြွ(၅)ဦးကို တွေ့ရှိခဲ့ပြီး ၎င်းတို့(၅)ဦးစလုံးကို သတ်ဖြတ်ကာ ဒရုန်းကို ဖျက်ဆီးပစ်နိုင်ခဲ့ကြောင်း အမေရိကန်စစ်တပ်က ပြောကြားခဲ့ သည်။
အီရန်ကျောထောက်နောက်ခံပြု စစ်သွေးကြွအဖွဲ့များသည် ပြီးခဲ့သည့်အောက်တိုဘာလ(၁၇)ရက်ကတည်းက အီရတ် နှင့် ဆီးရီးယားရှိ အမေရိကန်တပ်ဖွဲ့များကို အနည်းဆုံး(၇၆)ကြိမ် ပစ်မှတ်ထားတိုက်ခိုက်ခဲ့ကြောင်း အမေရိကန်ကာကွယ်ရေးအရာရှိများ၏ ပြောကြားချက်အရ သိရသည်။
အမေရိကန်ဗဟို ကွပ်ကဲမှုဌာနချုပ် (CENTCOM) က "ဒီဇင်ဘာလ(၃)ရက်က အီရတ်နိုင်ငံ Kirkuk မြို့အနီးမှာ အမေရိကန်တပ်ဖွဲ့ဝင်တွေဟာ ဒရုန်းတစ်စင်းကို လွှတ်တင်ဖို့ပြင်ဆင်နေတဲ့ စစ်သွေးကြွ(၅)ဦးကို သတ်ခဲ့ပြီး ဒရုန်း ကို ဖျက်ဆီးပစ်နိုင်ခဲ့ပါတယ်" ဟု သတင်းထုတ်ပြန်ခဲ့သည်။
အဆိုပါတိုက်ခိုက်မှုနှင့်ပတ်သက်ပြီး အမေရိကန်စစ်တပ်သည် အီရတ်လုံခြုံရေးတပ်ဖွဲ့များကို အကြောင်းကြား ခဲ့ကာ ဒရုန်းလွှတ်တင်မည့်တည်နေရာကို ချက်ချင်းသွားရောက်တုံ့ပြန်ခဲ့ကြောင်း CENTCOM က ပြောကြားခဲ့သည်။ အဆိုပါ စစ်သွေးကြွများသေဆုံးမှု နှင့် ဒရုန်းအားဖျက်ဆီးနိုင်မှုတို့ကို အီရတ်ဘက်မှ အတည်ပြုခဲ့ကြောင်း CENTCOM က ပြောကြားခဲ့သည်။
CENTCOM က "အမေရိကန်နိုင်ငံဟာ အမေရိကန်နဲ့ ညွန့်ပေါင်းတပ်ဖွဲ့တွေကို အဲဒီတိုက်ခိုက်မှုတွေကနေ ကာကွယ် ဖို့ ဆက်လက်လုပ်ဆောင်သွားမှာပါ" ဟု ပြောခဲ့သည်။
ဆီးရီးယားနှင့် အီရတ်ရှိ အမေရိကန်တပ်ဖွဲ့ဝင်များအပေါ် ဒရုန်းများ၊ ဒုံးကျည်များ၊ အနီးပစ်ပဲ့ထိန်းဒုံးကျည်များဖြင့် တိုက်ခိုက်မှုသည် အီရတ်တွင် (၃၆)ကြိမ်ဖြစ်ပွားခဲ့ပြီး ဆီးရီးယားတွင် အကြိမ်(၄ဝ) ခန့် ဖြစ်ပွားခဲ့ကြောင်း သိရသည်။ သို့သော်လည်း တိုက်ခိုက်မှုအများစုကို ၎င်းတို့၏ ပစ်မှတ်သို့မရောက်မီ အောင်မြင်စွာ ဖျက်ဆီးပစ်နိုင်ခဲ့ကြောင်း အမေရိကန်ကာကွယ်ရေးအရာရှိတစ်ဦးက ပြောကြားခဲ့သည်။
အဆိုပါအရာရှိက "အမေရိကန်ရဲ့ကောင်းမွန်တဲ့ကာကွယ်ရေးစနစ်တွေအတွက် တကယ်ကို ကျေးဇူးတင်မိပါတယ်" ဟု ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ကော့ရိတ်မြို့တွင် ဖုန်းလိုင်းများဖြတ်တောက်ခံထားရသဖြင့် ဆက်သွယ်ရေးအတွက်အခက်အခဲများကြုံတွေ့နေရ
RELATED POSTS
04 Oct 2024 | နိုင်ငံရေး,ပြည်တွင်း
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း