မင်းတုန်းမြို့နယ်ရှိကျေးရွာအုပ်ချုပ်ရေးမှူးတစ်ဦးကို PDF အဖွဲ့က ဖမ်းဆီးခေါ်ဆောင်ပြီးနောက် သေနတ်ဖြင့်ပစ်ခတ်သတ်ဖြတ်
Pearl (NSS) - နိုဝင်ဘာ ၂၉
မင်းတုန်းမြို့နယ်တွင် ကျေးရွာအုပ်ချုပ်ရေးမှူးအား PDF များက လာရောက်ဖမ်းဆီးခေါ်ဆောင်သွားပြီး သေနတ်ဖြင့် ပစ်ခတ်သတ်ဖြတ်ခဲ့ကြောင်း ဒေသခံတစ်ဦးက NSS ကို ပြောသည်။
ဖြစ်စဉ်မှာ ယမန်နေ့ (နိုဝင်ဘာလ ၂၈ ရက်)၊ နံနက် (၇)နာရီခွဲခန့်တွင် မကွေးတိုင်း၊ မင်းတုန်းမြို့နယ်၊ တောင်ယံကျေးရွာတွင် ဖြစ်ပွားခဲ့ခြင်းဖြစ်သည်။
အဆိုပါတောင်ယံကျေးရွာတွင်နေထိုင်သော ကျေးရွာအုပ်ချုပ်ရေးမှူးဖြစ်သူ ဦးဝင်းသန်း (၅၅)နှစ်သည် နေအိမ်၌ရှိနေစဉ် PDF များက လာရောက်၍ ဖမ်းဆီးခေါ်ဆောင်သွားခဲ့ကြောင်း သိရသည်။
"တကယ်ကို စိတ်မချမ်းမြေ့ဖြစ်ရပါတယ်။ သူ့မှာ ကျန်ခဲ့တဲ့ မိသားစုတွေရှိတယ်။ တော်တော်လေးကို ခံစားနေရမယ်။ အဲဒီလောက်ထိ ရက်ရက်စက်စက် သတ်ဖြတ်စရာ မလိုဘူးလို့လည်း ထင်ပါတယ်"ဟု ဒေသခံတစ်ဦးက NSS ကို ပြောသည်။
ထိုသို့ဖမ်းဆီးခေါ်ဆောင်သွားပြီး ပနီချောင်းဘေးတွင် ဦးဝင်းသန်းအား သေနတ်ဖြင့်ပစ်ခတ်သတ်ဖြတ်ခဲ့ကြောင်းသိရသည်။
အဆိုပါနေ့ နံနက် (၃)နာရီခွဲခန့်တွင်လည်း မင်းတုန်းမြို့နယ်၊ မင်းတပ်ကျေးရွာအုပ်စု၊ ကြက်လောင်းကျေးရွာတွင် နေထိုင်သော အုပ်ချုပ်ရေးမှူးဖြစ်သူ ဦးဥက္ကာဖြိုး၏နေအိမ်သို့ PDF (၆)ဦးခန့်သည် ဆိုင်ကယ် (၂)စီးဖြင့် လာရောက်ဖမ်းဆီးမှုဖြစ်ပွားခဲ့ကြောင်း သိရသည်။
ထိုသို့လာရောက်ဖမ်းဆီးစဉ် ဦးဥက္ကာဖြိုးမှာ ထွက်ပြေးလွတ်မြောက်ခဲ့ပြီး PDF များက နေအိမ်ရှိ ဆိုင်ကယ်(၁)စီး ၊ ဖုန်း(၁)လုံး နှင့် ကျေးရွာအုပ်ချုပ်ရေးမှူး ရုံးတံဆိပ်တို့အား ယူဆောင်၍ တောင်ယံကျေးရွာဘက်သို့ ထွက်ပြေးသွားခဲ့ကြောင်း သိရသည်။
အလားတူ (နိုဝင်ဘာလ ၂၈ ရက်)၊ နံနက်ပိုင်းတွင် မကွေးတိုင်း၊ ရေစကြိုမြို့နယ်၊ အောင်ပန်းချောင်းကျေးရွာတွင် နေထိုင်သော အထက်တန်းပြဆရာမဒေါ်မာစီအား PDF အဖွဲ့ဝင်များက လာရောက်ဖမ်းဆီးခေါ်ဆောင်သွားပြီးနောက် ကျေးရွာအထွက်ရှိ စက်လှေဆိပ်တွင် လက်ပြန်ကြိုးတုတ်ကာ လည်လှီး၍သတ်ဖြတ်ခဲ့သည့် ဖြစ်စဉ်ဖြစ်ပွားခဲ့သည်။
အထက်ပါဖြစ်စဉ်များနှင့်ပတ်သက်၍ လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းများ ဆောင်ရွက်လျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဆီဒိုးနားဟိုတယ်ကို လာမယ့်ရက်ပိုင်းအတွင်း ပြန်လည်ဖွင့်လှစ်သွားမယ်
RELATED POSTS
24 Sep 2024 | မှုခင်း,ပြည်တွင်း
24 Sep 2024 | မှုခင်း,နိုင်ငံတကာ
24 Sep 2024 | မှုခင်း,ပြည်တွင်း
24 Sep 2024 | မှုခင်း,ပြည်တွင်း