အမေရိကန်နိုင်ငံတွင် ပါလက်စတိုင်းကျောင်းသား(၃)ဦးကို သေနတ်ဖြင့် ပစ်ခတ်ခဲ့သော အမျိုးသားကို လူသတ်ရန် ကြိုးပမ်းမှုဖြင့် စွဲချက်တင်
Pika (NSS) - နိုဝင်ဘာ ၂၈
အမေရိကန်နိုင်ငံ ဗားမောင့်ပြည်နယ်တွင် ပါလက်စတိုင်းအမျိုးသား(၃)ဦးကို သေနတ်ဖြင့် ပစ်ခတ်ခဲ့သော အမေရိကန်နိုင်ငံသားတစ်ဦးကို လူသတ်ရန်ကြိုးပမ်းမှုဖြင့် နိုဝင်ဘာလ(၂၇)ရက်တွင် စွဲချက်တင်ခဲ့ကြောင်း အာဏာပိုင်များက ပြောကြားခဲ့သည်။
အာဏာပိုင်များက အဆိုပါရာဇဝတ်မှုကို အမုန်းတရားကြောင့်ဖြစ်ပေါ်လာသည့် ရာဇဝတ်မှုတစ်ခုဖြစ်ကြောင်း ပြောခဲ့သည်။ အဆိုပါ အမေရိကန်နိုင်ငံသားမှာ အသက်(၄၈)နှစ်အရွယ် Jason Eaton ဆိုသည့် အမျိုးသားဖြစ်ပြီး ၎င်းကို စွဲချက်တင်ထားသော အမုန်းတရား ရာဇဝတ်မှုကို ပိုမိုမြှင့်တင်ရန်အတွက် လုံလောက်သော သက်သေ အထောက်အထားများမရှိသေးကြောင်း ဗားမောင့်ပြည်နယ်ရှေ့နေ Sarah George က ပြောခဲ့သည်။
Sarah George က "ဒီကိစ္စနဲ့ပတ်သက်ပြီး ကျွန်မ ရှင်းရှင်းလင်းလင်း သိချင်ပါတယ်။ ဒါဟာအမုန်းတရားနဲ့ ပတ်သက်တဲ့လုပ်ရပ်တစ်ခုဆိုတဲ့ မေးခွန်းမျိုးမရှိသေးပါဘူး" ဟု ပြောခဲ့သည်။
နိုဝင်ဘာလ(၂၅)ရက်တွင် အဆိုပါသေနတ်သမားသည် ၎င်း၏အိမ်ရှေ့ဝရန်တာမှဆင်းလာပြီးနောက် လမ်းအတူတူ လျှောက်လာသော ကောလိပ်ကျောင်းသားသုံးဦးကို စိတ်ဆိုးဒေါသဖြစ်သည့် ပုံစံမျိုးမရှိဘဲ သေနတ်ဖြင့် ပစ်ခတ်ခဲ့ခြင်းဖြစ်ကြောင်း ရဲတပ်ဖွဲ့က ပြောကြားခဲ့သည်။
အစ္စရေး-ဟားမက်စစ်ပွဲနှင့်ပတ်သက်ပြီး အမေရိကန်နိုင်ငံမှာ တင်းမာမှုများပိုမိုမြင့်တက်လာနေချိန်တွင် အဆိုပါ တိုက်ခိုက်မှုထွက်ပေါ်လာခြင်းဖြစ်သည်။ ထို့အပြင် အမေရိကန်နိုင်ငံတစ်ဝှမ်းရှိ ကောလိပ်ကျောင်းများနှင့် အခြား နေရာများတွင် အစ္စလာမ်မစ်ဆန့်ကျင်ရေး နှင့် ဂျူးဆန့်ကျင်ရေးများ အပါအဝင် ခြိမ်းခြောက်မှုများ နှင့် အကြမ်းဖက် မှုများ ပိုမိုတိုးလာသည်ကိုလည်း တွေ့မြင်ခဲ့ရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ငပလီကမ်းခြေရှိ Aureum Palace Hotel တွင် မီးလောင်မှုဖြစ်ပွား
RELATED POSTS
07 Oct 2024 | နိုင်ငံရေး,ပြည်တွင်း