သန့်ဇင် (NSS) - နိုဝင်ဘာ ၂၆

ပဲခူးတိုင်း၊ ဝေါမြို့နယ်၊ ရန်ကုန်-မော်လမြိုင်ကားလမ်းတွင် ကား(၃)စီးဆင့်တိုက်မိမှု ဖြစ်ပွားခဲ့ရာ အမျိုးသားတစ်ဦး ပွဲချင်းပြီး သေဆုံးသွားခဲ့ ပြီး (၁၂)ဦး ထိခိုက်ဒဏ်ရာများရရှိခဲ့ကြောင်း ဝေါမြို့နယ်မီးသတ်တပ်ဖွဲ့ထံမှ သိရသည်။

ယာဉ်တိုက်မှုသည် ယနေ့(နိုဝင်ဘာ ၂၆ ရက်)၊ နံနက် ၅ နာရီ ၄၅ မိနစ်အချိန်တွင် ဝေါမြို့နယ်၊ အဗျားဘိုတဲ ကျေးရွာအနီး၊ ရန်ကုန်-မော်လမြိုင် သွားကားလမ်း မိုင်တိုင်အမှတ်(၇၆/၅) နှင့် (၇၆/၆) ကြားတွင် ဖြစ်ပွားခဲ့ကြောင်း သိရသည်။

“Forland ကားက အချက်ပြမီးမပါဘဲနဲ့ ကားလမ်းပေါ်မှာ ရပ်ထားတာကို ကျိုက်ထိုဘက်ကနေ ဝေါဘက်ကိုမော င်းလာတဲ့တွဲကားက ကျော်တက်တာမှာ အရှိန်မထိန်းနိုင်ဘဲဖြစ်ပြီး Forland ကားရဲ့ နောက်ပိုင်းကို ဝင်တိုက်မိတာ ပေါ့။ အဲဒီလိုနဲ့ တွဲကားက တစ်ဖက်ယာဉ်ကြောကို ရောက်သွားတဲ့အချိန်မှာ “ရွှေမန္တလေး” ခရီးသည်ကားကလည်း ဝေါဘက်နေ ကျိုက်ထိုဘက်ကိုမောင်းလာတာမှာ တွဲကားရဲ့ ဝဲဘက်နောက်ပိုင်းကို တိုက်မိပြီး လမ်းဘေးထိုးကျသွား တာပါ” ဟု ဝေါမြို့နယ်မီးသတ်တပ်ဖွဲ့မှ တာဝန်ရှိသူတစ်ဦးက NP News ကို ပြောသည်။

အဆိုပါယာဉ်တိုက်မှုကြောင့် အသက်(၄၅)ဝန်းကျင် တွဲကားယာဉ်မောင်းအမျိုသားမှာ အခင်းဖြစ်နေရာတွင် ပွဲချင်း ပြီး သေဆုံးသွားခဲ့ပြီး အမျိုးသား(၃)ဦးနှင့် အမျိုးသမီး(၉)ဦးသည်လည်း ထိခိုက်ဒဏ်ရာများရရှိခဲ့ကြောင်း သိရသည်။

“တွဲကားက ယာဉ်မောင်းအမျိုးသားကတော့ နေရာတင် ပွဲချင်းပြီးသေဆုံးတယ်။ အခြား အမျိုးသား(၁)ဦးနဲ့ အမျိုးသမီး(၂)ဦးကတော့ အတွင်းလူနာအနေနဲ့ စိုးရိမ်ရတယ်။ နောက်ပြီးတော့ အမျိုးသား(၂)ဦးနဲ့ အမျိုးသမီး (၇)ဦးကတော့ ပြင်ပလူနာအဖြစ်နဲ့ မစိုးရိမ်ရပါဘူး။ အဲဒီနေရာမှာ လွန်ခဲ့တဲ့ (၂)ရက်လောက်ကပဲ တွဲကားကို HIJET ကားကဝင်တိုက်ပြီး လူတစ်ယောက် သေသွားသေးတယ်” ဟု ၎င်းက ဆက်ပြောသည်။

ထို့နောက် သေဆုံးသူအမျိုသား နှင့် ထိခိုက်ဒဏ်ရာရရှိသူများအား ဝေါမြို့နယ်ပရဟိတအသင်းနှင့် ဖြူစင်မေတ္တာ လူမှုကူညီရေးအသင်းမှ ဝေါမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြကြောင်း သိရသည်။