အမျိုးသားပြတိုက် နှင့် ပုဂံရှေးဟောင်းသုတေသနပြတိုက်ဝင်ကြေးများ တိုးမြှင့်ကောက်ခံမည်
စော (NSS) - နိုဝင်ဘာ ၁၄
အမျိုးသားပြတိုက် နှင့် ပုဂံရှေးဟောင်းသုတေသနပြတိုက်တို့တွင် လာမည့် ဒီဇင်ဘာလ(၁)ရက်မှစ၍ ဝင်ကြေးတိုးမြှင့်ကောက်ခံသွားမည်ဖြစ်ကြောင်း နစက၏ ထုတ်ပြန်ချက်အရ သိရသည်။
သာသနာရေးနှင့် ယဉ်ကျေးမှုဝန်ကြီးဌာန၊ ရှေးဟောင်းသုတေသနနှင့် အမျိုးသားပြတိုက်ဦးစီးဌာန လက်အောက်တွင် ပြတိုက်ပေါင်း (၃၂)ခုရှိကြောင်း သိရသည်။
အဆိုပါ ပြတိုက်များအနက် အမျိုးသားပြတိုက်(ရန်ကုန်)နှင့် အမျိုးသားပြတိုက် (နေပြည်တော်)၊ ပုဂံရှေးဟောင်းသုတေသနပြတိုက်တို့တွင် ဝင်ကြေးပြောင်းလဲကောက်ခံသွားမည်ဖြစ်ကြောင်း သိရသည်။
အဆိုပါ ပြတိုက်များကို ဝင်ရောက်လည်ပတ်ကြမည့် ပြည်တွင်းဧည့်သည်တစ်ဦးလျှင် တစ်ထောင်ကျပ်ဖြစ်ပြီး နိုင်ငံခြားသားတစ်ဦးလျှင် တစ်သောင်းကျပ်ဖြင့် ၂၀၂၃ ခုနှစ်၊ ဒီဇင်ဘာလ(၁)ရက်မှစ၍ ပြောင်းလဲကောက်ခံသွားမည်ဖြစ်ကြောင်း သိရသည်။
ထို့သို့ ပြောင်းလဲကောက်ခံသွားသော်လည်း ရဟန်း၊ သီလရှင်၊ ကျောင်းသား/ကျောင်းသူများနှင့် အသက် (၁၂)အောက်ကလေးငယ်များကို ဝင်ကြေး အခမဲ့သတ်မှတ်ထားကြောင်း နစက၏ ထုတ်ပြန်ချက်အရသိရသည်။
ယခင်က ဝင်ကြေးအနေဖြင့် နိုင်ငံခြားသားတစ်ဦးလျှင် ငါးထောင်ကျပ် နှင့် ပြည်တွင်းဧည့်သည်တစ်ဦးလျှင် ငါးရာကျပ်နှုန်း ကောက်ခံခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရိခေါ်ဒါရ်မြို့အနီးတွင် တိုက်ပွဲဖြစ်ပွားနေ၍ ဒေသခံထောင်ချီ အိန္ဒိယနိုင်ငံ၊ မီဇိုရမ်ပြည်နယ်သို့ တိမ်းရှောင်
RELATED POSTS
14 Sep 2024 | ဗဟုသုတ,နိုင်ငံတကာ
13 Sep 2024 | ဗဟုသုတ,နိုင်ငံတကာ