ထိုင်းနိုင်ငံသို့ ထွက်ပြေးတိမ်းရှောင်လာသော မြန်မာနိုင်ငံသားများကို ပဋိပက္ခဇုန်အတွင်းသို့ အတင်းအကြပ် ပြန်ပို့ခြင်းမျိုးမရှိကြောင်း ထိုင်းစစ်တပ်ပြော
Pika (NSS) - နိုဝင်ဘာ ၈
မြန်မာ-ထိုင်းနယ်စပ်တွင် ဖြစ်ပွားနေသောပဋိပက္ခများကြောင့် ထိုင်းနိုင်ငံဖက်သို့ ထွက်ပြေးတိမ်းရှောင်လာသော မြန်မာနိုင်ငံသားများကို မြန်မာအစိုးရ၏ တောင်းဆိုချက်များအရ ပဋိပက္ခဇုန်အတွင်းသို့ အတင်းအကြပ် နေရပ်ပြန်ပို့နေသည်ဆိုသည့်သတင်းများကို ထိုင်းစစ်တပ် နှင့် မယ်ဟောင်ဆန်ပြည်နယ်အုပ်ချုပ်ရေးမှူးတို့က ငြင်းဆန် ပယ်ချခဲ့ကြောင်း သိရသည်။
မြန်မာစစ်တပ် နှင့် ကရင်နီလက်နက်ကိုင်တပ်ဖွဲ့ကြားဖြစ်ပွားနေသော တိုက်ပွဲများကြောင့် ထွက်ပြေးတိမ်းရှောင် လာသော မြန်မာနိုင်ငံသားများသည် ၎င်းတို့၏ ဆန္ဒအလျောက် နေရပ်ပြန်ခြင်းမျိုးသာဖြစ်ပြီး အတင်းအကြပ် နေရပ်ပြန်ခိုင်းခြင်းမျိုးမရှိကြောင်း ထိုင်းနယ်စပ်လုံခြုံရေးအတွက် တာဝန်ရှိသော Naresuan Task Force က အခိုင်အမာပြောခဲ့သည်။
မြန်မာအစိုးရသည် မယ်ဟောင်ဆန်ပြည်နယ် Muang ခရိုင် Ban Mai Nai Soi ရွာရှိ ယာယီဒုက္ခသည်စခန်းများတွင် နေထိုင်နေသော မြန်မာနိုင်ငံသားများကို အတင်းအကြပ်နေရပ်ပြန်ပို့ရန် ထိုင်းအာဏာပိုင်များကို ဖိအားပေးနေ ကြောင်း ဒေသတွင်းမီဒီယာများက မကြာသေးမီက ဖော်ပြခဲ့သည်။
အဆိုပါယာယီဒုက္ခသည်စခန်းများတွင် နေထိုင်သူများကို နိုင်ငံခြားသတင်းထောက်တစ်ဦးက တွေ့ဆုံမေးမြန်းခြင်း များ လုပ်ဆောင်ခဲ့ပြီး ၎င်းတို့ထဲမှ အချို့မှာ ကရင်နီလက်နက်ကိုင်တပ်ဖွဲ့မှ အဖွဲ့ဝင်များဖြစ်ကြောင်း တွေ့ရှိခဲ့ပြီး နောက် မြန်မာအစိုးရက ၎င်းတို့အား အတင်းအကြပ်နေရပ်ပြန်ပို့ရန် ဖိအားပေးခဲ့ခြင်းဖြစ်ကြောင်း သတင်းများထဲ တွင် ဖော်ပြထားသည်။
ထိုင်းအာဏာပိုင်များသည် ယာယီဒုက္ခသည်စခန်းခေါင်းဆောင်များကို သီတင်းပတ်နှစ်ပတ်အတွင်း ၎င်းတို့၏ လူများအား မြန်မာနိုင်ငံသို့ ပြန်လည်ခေါ်ဆောင်သွားရန် အမိန့်ပေးခဲ့ကြောင်း မီဒီယာများက ဖော်ပြခဲ့သည်။
အဆိုပါပြောဆိုမှုများအတိုင်း လိုက်နာခြင်းမရှိပါက ၎င်းတို့အားလုံးကို Tak ပြည်နယ်ရှိ ဒုက္ခသည်စခန်းသို့ ပြောင်းရွှေ့ခိုင်းမည်ဟု ထိုင်းအာဏာပိုင်များက ပြောဆိုခဲ့ကြောင်း မီဒီယာများက ဖော်ပြခဲ့သည်။
ပြီးခဲ့သည့် ဇွန်လနောက်ပိုင်းတည်းက ထိုင်းနိုင်ငံ မယ်ဟောင်ဆန်ပြည်နယ်မှ မြန်မာနိုင်ငံသို့ နေရပ်ပြန်သွားသူ စုစုပေါင်း (၅၇၄၈) ဦးရှိကြောင်း Naresuan Task Force က ပြောကြားခဲ့သည်၊၊ ထို့အပြင် မယ်ဟောင်ဆန်ပြည်နယ် ရှိ ယာယီဒုက္ခသည်စခန်း(၅)ခုတွင် ဆက်လက်နေထိုင်လျက်ရှိသော မြန်မာနိုင်ငံသားများမှာ (၄၁၈၇)ဦး ရှိကြောင်း ၎င်းတို့က ထပ်မံပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယူကရိန်းကို ရန်ပုံငွေမထောက်ပံ့တော့ဘဲ အစ္စရေးကို အကူအညီပေးမည့်ဥပဒေကြမ်းကို အထက်လွှတ်တော် ဒီမိုကရက်တစ်အမတ်များ တားမြစ်ပိတ်ပင်
RELATED POSTS
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ