ယူကရိန်းကို ရန်ပုံငွေမထောက်ပံ့တော့ဘဲ အစ္စရေးကို အကူအညီပေးမည့်ဥပဒေကြမ်းကို အထက်လွှတ်တော် ဒီမိုကရက်တစ်အမတ်များ တားမြစ်ပိတ်ပင်
Pika (NSS) - နိုဝင်ဘာ ၈
ယူကရိန်းအတွက် ရန်ပုံငွေထောက်ပံ့ပေးခြင်းမျိုးမရှိဘဲ အစ္စရေးကို အရေးပေါ်အကူအညီများ ထောက်ပံ့ပေးမည့် အောက်လွှတ်တော်ဥပဒေကြမ်းကို အထက်လွှတ်တော် ဒီမိုကရက်တစ်အမတ်များက တားမြစ်ပိတ်ပင်ခဲ့ကြောင်း သိရသည်။
ထို့အပြင် အမေရိကန်သမ္မတဂျိုးဘိုင်ဒန်သည် ယူကရိန်း၊ အစ္စရေး၊ ထိုင်ဝမ် နှင့် နယ်စပ်လုံခြုံရေးကိစ္စများအတွက် ရန်ပုံငွေ အမေရိကန်ဒေါ်လာ(၁ဝ၆) ဘီလျံပေးရန် အမေရိကန်လွှတ်တော်ကို တောင်းဆိုခဲ့ဖူးကြောင်းလည်း သိရသည်။ ရီပတ်ဘလစ်ကန်များကြီးစိုးထားသော အောက်လွှတ်တော်သည် ပြည်တွင်းအခွန်ဝန်ဆောင်မှု(IRS) မှ ဖြတ်တောက်မှုများ လုပ်ဆောင်ခြင်းဖြင့် အစ္စရေးကို အမေရိကန်ဒေါ်လာ(၁၄)ဘီလျံ ထောက်ပံ့ပေးမည့် အစီအစဉ်ကို ပြီးခဲ့သည့်သီတင်းပတ်တွင် အတည်ပြုခဲ့ကြောင်း သိရသည်။
ကန်းဆက်ပြည်နယ် အထက်လွှတ်တော်အမတ်Roger Marshall က "အချိန်က အရေးကြီးပါတယ်။ အစ္စရေးကို ထောက်ပံ့မှုတွေလုပ်ဆောင်နိုင်ဖို့ အထက်လွှတ်တော်ဟာ နှောင့်နှေးမနေဘဲ အတည်ပြုပေးသင့်ပါတယ်" ဟု ပြောခဲ့သည်။
Senate Appropriations Committee ဥက္ကဋ္ဌ Patty Murray က "ယူကရိန်းမှာရှိတဲ့ ကျွန်တော်တို့မိတ်ဖက်တွေဟာ အစ္စရေးမှာရှိတဲ့ မိတ်ဖက်တွေထက် ဒီနှောင့်နှေးမှုဒဏ်ကို ကြာကြာခံနိုင်တော့မှာ မဟုတ်ပါဘူး" ဟု ပြန်လည် တုံ့ပြန်ပြောခဲ့သည်။ အမေရိကန်စစ်ဌာနချုပ်ပင်တဂွန်၏အဆိုအရ အမေရိကန်နိုင်ငံသည် ၂ဝ၂၂ ခုနှစ် ဖေဖော်ဝါရီလ နောက်ပိုင်းကတည်းက ယူကရိန်းသို့ အမေရိကန်ဒေါ်လာ(၄၄)ဘီလျံ တန်ဖိုးရှိ စစ်လက်နက် ပစ္စည်းများ နှင့် ခဲယမ်းမီးကျည်များ ပေးပို့ခဲ့ကြောင်း သိရသည်။
သို့သော်လည်း ယူကရိန်းသို့ စစ်လက်နက်ပစ္စည်းပေးပို့မှုများမှာ ရုရှား-ယူကရိန်းပဋိပက္ခတွင် ပါဝင်ပတ်သက်ခြင်း မျိုးမဟုတ်ကြောင်း အမေရိကန်အစိုးရက အကြိမ်ကြိမ်ပြောခဲ့သည်။ ထို့အပြင် ယူကရိန်းသည် အမေရိကန်နိုင်ငံထံမှ အကူအညီများကို မရရှိဖူးဆိုပါက ရုရှားနှင့်စစ်ပွဲကို ရှုံးနိမ့်သွားနိုင်ကြောင်း အမေရိကန်ကာကွယ်ရေးဝန်ကြီး လွိုက်အော်စတင်က ပြောကြားခဲ့သည်။
အမေရိကန်အထက်လွှတ်တော်ဒီမိုကရက်တစ်အမတ်များသည် ၎င်းတို့၏ ကိုယ်ပိုင် ရန်ပုံငွေအဆိုပြုချက်အတွက် ဆက်လက်လုပ်ဆောင်နေပြီး လာမည့်သီတင်းပတ်နှောင်းပိုင်းတွင် ထုတ်ပြန်နိုင်ဖွယ်ရှိကြောင်း ရိုက်တာ သတင်းဌာနက ဖော်ပြခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အုပ်စုတက်ရန် အခွင့်အရေးနည်းသော်လည်း နိုင်ငံနှင့်ကလပ်အတွက် အနိုင်ရရှိရန်ကြိုးစားသွားမည်ဟု ရှမ်းအသင်းနည်းပြချုပ်ဆို
RELATED POSTS
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ