အမေရိကန်နိုင်ငံသည် ခေါင်းစဉ်အမျိုးမျိုးဖြင့် အကြမ်းဖက်များကို ကူညီနေပြီး မြန်မာနိုင်ငံအား ရန်သူသဖွယ် သဘောထားနေမှုများကို တပ်ချုပ်ဖွင့်ဟပြောဆို
မြူနစ် (NSS) - အောက်တိုဘာ ၂၇
အမေရိကန်နိုင်ငံသည် ခေါင်းစဉ်အမျိုးမျိုးဖြင့် အကြမ်းဖက်များကို ကူညီနေပြီး မြန်မာနိုင်ငံအား ရန်သူသဖွယ် သဘောထားနေမှုများကို ဗိုလ်ချုပ်မှူးကြီးမင်းအောင်လှိုင်က ဖွင့်ဟပြောကြားခဲ့သည်။
၎င်းက ယမန်နေ့(အောက်တိုဘာလ ၂၆ ရက်)တွင် နေပြည်တော်ရှိ နစကဥက္ကဋ္ဌရုံး၌ ပြုလုပ်သော နစကအစည်းအဝေးတွင် အထက်ပါကဲ့သို့ ထုတ်ဖော်ပြောကြားခဲ့ခြင်းဖြစ်သည်။
မြန်မာ့နိုင်ငံရေးဖြစ်စဉ်သမိုင်းသည် “ကြက်ဥအရောင် တိမ်တောင်သဖွယ်၊ မင်းရေးကျယ်” ဆိုသကဲ့သို့ ရှုပ်ထွေးမှုများရှိပြီး လွတ်လပ်ရေး မရခင်အချိန်ကပင် ရှုပ်ထွေးရန် ကြိုတင်ဆောင်ရွက်မှုများရှိနိုင်သည်ဟု တပ်ချုပ်က ပြောသည်။
နိုင်ငံ့လွတ်လပ်ရေးကို ဦးစားပေးစဉ်းစားရချိန် နှင့် အချိန်ကန့်သတ်ချက်များကြောင့် အနာဂတ်ပြည်ထောင်စုနိုင်ငံတော်အရေး၊ နိုင်ငံရေးလမ်းစဉ်များကို အမျိုးသားရေးနှင့်နိုင်ငံရေးဦးဆောင်နေသည့် ခေါင်းဆောင်များက စိတ်ကြိုက်ချမှတ်နိုင်ခြင်းမရှိခဲ့ကြောင်း ၎င်းက ဆက်လက်ပြောသည်။
ထို့ပြင် လွတ်လပ်ရေးရပြီးချိန်တွင်လည်း ယင်းအတိုင်းပင်ဖြစ်ပြီး မြန်မာနိုင်ငံအရေးနှင့်ပတ် သက်၍ ဝင်ရောက်စွက်ဖက်မှုများကို အမေရိကန်ဦးဆောင်သော အနောက်အုပ်စုက စဉ်ဆက်မပြတ် ပြုလုပ်ခဲ့မှုများရှိကြောင်းလည်း ဗိုလ်ချုပ်မှူးကြီးမင်းအောင်လှိုင်က ပြောသည်။
မြန်မာ နှင့် အမေရိကန်သည် စစ်ဖြစ်ပွားဖူးခြင်းမရှိကြောင်းနှင့် အရှေ့တောင်အာရှတွင် အမေရိကန်ကျူးကျော်မှုကြောင့် ဖြစ်ပွားခဲ့သော ဗီယက်နမ်စစ်ပွဲ၌ပင် မြန်မာနိုင်ငံက ပါဝင်ပတ်သက်မှု မရှိခဲ့ကြောင်း သိရသည်။
သို့သော် ယနေ့ကာလအထိ အမေရိကန်နိုင်ငံအနေဖြင့် မြန်မာနိုင်ငံအား ရန်သူသဖွယ် သဘောထားခြင်းသည် ကြီးမားသော နောက်ခံအကြောင်းရှိသည်ဟု ဗိုလ်ချုပ်မှူးကြီးမင်းအောင်လှိုင်က ပြောသည်။
အရှေ့တောင်အာရှဒေသတွင် အမေရိကန်ဦးဆောင်သော SEATO အဖွဲ့ကို ၁၉၅၄ ခုနှစ်တွင် ဖွဲ့စည်းခဲ့ပြီး ၎င်းအဖွဲ့၏ အဓိက ရည်ရွယ်ချက်သည် အရှေ့တောင်အာရှဒေသအတွင်း ကွန်မြူနစ်စနစ်မပြန့်ပွားရေးပင်ဖြစ်ကြောင်း ၎င်းက ဆက်လက်ပြောသည်။
ထို့ပြင် ၁၉၄၇ ခုနှစ် ဖွဲ့စည်းအုပ်ချုပ်ပုံဥပဒေပါ ပြည်နယ်များခွဲထွက်ခွင့်၊ ၎င်းအပေါ်မူတည်၍ ၁၉၆၁-၁၉၆၂ ခုနှစ်တွင် ဖြစ်လာသော ပြည်နယ်များ၏ တောင်းဆိုမှုများကို SEATO ဖြစ်စဉ်နှင့်ဆက်စပ်ကြည့်ပါက မြန်မာ့နိုင်ငံရေး၏ရှုပ်ထွေးမှုကို သဘောပေါက်နိုင်မည်ဟုလည်း တပ်ချုပ်က ဖွင့်ဟအကြံပြုထားသည်။
လက်ရှိအခြေအနေတွင်လည်း အမေရိကန်ဦးဆောင်သော အုပ်စု၏ ရည်မှန်းချက်သည် မြန်မာနိုင်ငံ၏ အိမ်နီးချင်းနိုင်ငံဖြစ်သော တရုတ်နိုင်ငံကို ထိန်းချုပ်နိုင်ရေးပင်ဖြစ်ကြောင်းလည်း ဗိုလ်ချုပ်မှူးကြီးမင်းအောင်လှိုင်က သုံးသပ်ထားသည်။
ထို့ကြောင့် မြန်မာနိုင်ငံ၌ အမေရိကန်အုပ်စု လိုလားသော အစိုးရ/အုပ်စုအာဏာရရှိရေးကို တစ်စိုက်မတ်မတ်ဆောင်ရွက်ခဲ့ခြင်းဖြစ်ပြီး မရရှိခဲ့ပါက မြန်မာနိုင်ငံ၌ ကဏ္ဍပေါင်းစုံမငြိမ်မသက်ဖြစ်ရန် ဆောင်ရွက်နေခြင်းဖြစ်ကြောင်း နစကမှ အသိပေးထားသည်။
ထို့ပြင် အမေရိကန်နိုင်ငံသည် အကြမ်းဖက်အဖွဲ့များကို ခေါင်းစဉ်အမျိုးမျိုး၊ အကြောင်းအမျိုးမျိုးဖြင့် ကူညီနေသည်ဟု ဗိုလ်ချုပ်မှူးကြီးမင်းအောင်လှိုင်က တရားဝင်ထုတ်ဖော်ပြောကြားခဲ့သည်။
အိန္ဒိယ၊ ထိုင်း၊ စင်ကာပူ၊ မလေးရှား၊ အင်ဒိုနီးရှားစသော နိုင်ငံများသည် သမိုင်းအစဉ်အလာအရ ရင်းနှီးသောမိတ်ဆွေ နိုင်ငံများပင်ဖြစ်ကြောင်းလည်း နစကမှ ထုတ်ဖော်အသိပေးထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
လူအများက တိုက်စစ်မှူးဟာလန်းကို ကျရှုံးစေချင်ကြကြောင်း မန်စီးတီးနည်းပြ ထုတ်ပြော
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ