လားရှိုးမြို့ရှိ နေအိမ်အတွင်းမှ ငွေကျပ်သိန်း(၁၅၀၀)တန်ဖိုးရှိ စိတ်ပြောင်းဆေးဝါးများ ဖမ်းဆီးရမိ
သန့်ဇင် (NSS) - အောက်တိုဘာ ၂၆
ရှမ်းပြည်နယ်၊ လားရှိုးမြို့ရှိ နေအိမ်တစ်လုံးအတွင်းမှ ငွေကျပ်သိန်း(၁၅၀၀) တန်ဖိုးရှိ စိတ်ပြောင်းဆေးဝါးများ ဖမ်းဆီးရမိခဲ့ကြောင်း မြန်မာနိုင်ငံမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က သတင်းထုတ်ပြန်ထားသည်။
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က ပြီးခဲ့သော အောက်တိုဘာလ ၂၄ ရက်၊ ည ၈ နာရီခွဲအချိန်တွင် လားရှိုးမြို့၊ ရပ်ကွက်(၁)ရှိ နေအိမ်တွင် အထက်ပါကဲ့သို့ ဖမ်းဆီးရမိခဲ့ခြင်းဖြစ်ကြောင်း သိရသည်။
အဆိုပါရပ်ကွက်ရှိ မနန်းမွေအေး(၃၂)နှစ်၏နေအိမ်အား သတင်းအရဝင်ရောက်ရှာဖွေခဲ့ရာ ၎င်းနှင့်အတူ မနန်းဖြူဖြူအေး(ခ)နောင့်လောဝ် (၁၉)နှစ် အားတွေ့ရှိခဲ့ပြီး နေအိမ်အတွင်းမှ ငွေကျပ်သိန်း(၁၅၀၀)တန်ဖိုးရှိ စိတ်ပြောင်းဆေးဝါး(Happy Water) အလေးချိန် ၃ကီလိုနှင့်အတူ လက်ကိုင်ဖုန်း(၂)လုံးတို့ကို သိမ်းဆည်းရမိခဲ့ကြောင်း သိရသည်။
အလားတူ အောက်တိုဘာလ ၂၅ ရက်၊ နံနက် ၅နာရီ ၄၀မိနစ်အချိန်တွင် မန္တ လေးတိုင်း၊ သာစည်မြို့နယ်၊ ကျွဲတပ်ဆုံကျေးရွာအနီးတွင် တောင်ကြီးမြို့မှ မန္တလေးမြို့သို့ မောင်းနှင်လာသည့် ခရီးသည်တင်ကားပေါ်မှ ငွေကျပ်(၂၅၂) သိန်း တန်ဖိုးရှိ ဘိန်းစိမ်းများ ဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က ဆက်လက်ထုတ်ပြန်ထားသည်။
အဆိုပါ ခရီးသည်တင်ကာားအား ရပ်တန့်စစ်ဆေးခဲ့ရာ ယာဉ်ပေါ်တွင် လိုက်ပါလာသည့် မခင်ဖြူလေး(ခ)ဖြူလေး(၂၆)နှစ်၊ မအေးသန်း (၃၉)နှစ်၊ မဝမ်း)၃၅)နှစ်နှင့် မနှင်းဝေ(၃၄)နှစ်တို့ထံမှ ငွေကျပ်(၂၅၂)သိန်း တန်ဖိုးရှိ ဘိန်းစိမ်းအလေးချိန် (၂၈)ကီလို နှင့် ဖုန်း(၄)လုံးတို့ ထပ်မံသိမ်းဆည်းရမိခဲ့ကြောင်း သိရသည်။
ထို့ကြောင့် ၎င်းတို့(၆)ဦးအား သက်ဆိုင်ရာနယ်မြေရဲစခန်းများတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာ ဥပဒေအရ အမှုဖွင့် အရေးယူထားပြီး ကွင်းဆက်များအား ဖော်ထုတ်လျက်ရှိကြောင်း မြန်မာနိုင်ငံမူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့က သတင်းထုတ်ပြန်ထာသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အမေရိကန်နိုင်ငံ လီဝစ်စတန်မြို့တွင် သေနတ်ပစ်ခတ်မှုဖြစ်ပွားခဲ့ပြီး အနည်းဆုံးလူပေါင်း (၂၂)ဦးသေဆုံး
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ