သဘာဝဓါတ်ငွေ့ရွှေခေတ် အဆုံးသတ်ခါနီးပြီဖြစ်ကြောင်း IEA ပြော
Pika (NSS) - အောက်တိုဘာ ၂၅
ကမ္ဘာလုံးဆိုင်ရာ သဘာဝဓါတ်ငွေ့ ဝယ်လိုအားသည် ၂၀၃၀ ခုနှစ်အစောပိုင်းတွင် အမြင့်ဆုံးသို့ ရောက်ရှိသွားနိုင်ကြောင်း နိုင်ငံတကာစွမ်းအင်အေဂျင်စီ (IEA)က ထုတ်ပြန်လိုက်သော World Energy Outlook 2023 အရ သိရသည်။
ကမ္ဘာတစ်ဝှမ်းတွင် ဓါတ်ငွေ့သုံးစွဲမှုသည် ၂၀၁၁ ခုနှစ်နောက်ပိုင်းကတည်းက နှစ်စဉ်(၂)ရာခိုင်နှုန်းနီးပါးတိုးလာခဲ့ကြောင်း (IEA)က ပြောကြားခဲ့သည်။ အစီ ရင်ခံစာထဲတွင် "သဘာဝဓါတ်ငွေ့ ရွှေခေတ်က အဆုံးသတ်ခါနီးနေပါပြီ။"ဟုဖော်ပြထားသည်။
အစီရင်ခံစာအရ လျှပ်စစ်ဓါတ်အားကဏ္ဍနှင့် အဆောက်အဦးကဏ္ဍတို့သည် သဘာဝဓါတ်ငွေ့ အသုံးပြုမှုအများဆုံး ကဏ္ဍများဖြစ်ပြီး ဓါတ်အားပေးစက်ရုံများနှင့် အိမ်တွင်းအပူပေးစက်များအတွက် ဓါတ်ငွေ့ပြတ်တောက်မှုများနှင့်ရင်ဆိုင်နေရကြောင်းသိရသည်။ အဆိုပါကဏ္ဍနှစ်ခုသည် သဘာဝဓါတ်ငွေ့အသုံးအများဆုံး ကဏ္ဍများထဲတွင် ပါဝင်နေပြီး လျှပ်စစ်ဓါတ်အားကဏ္ဍအတွက် ဓါတ်ငွေ့ ဝယ်လို အားမှာ စုစုပေါင်းဝယ်လိုအား၏ (၃၉)ရာခိုင်နှုန်းရှိပြီး အဆောက်အဦးကဏ္ဍအတွက် ဓါတ်ငွေ့ဝယ်လိုအားမှာ စုစုပေါင်းဝယ်လိုအား၏ (၂၁)ရာခိုင်နှုန်းရှိကြောင်းသိရသည်။
တိုးတက်လာသော စီးပွားရေးများတွင် ၂၀၂၁ ခုနှစ်က တွေ့မြင်ခဲ့ရသော သဘာဝဓါတ်ငွေ့ဝယ်လိုအား ပြန်လည်ကောင်းမွန်လာမှုသည် ကြာရှည်ခံခြင်းမျိုးမရှိခဲ့ကြောင်း နှင့် ၂၀၂၂ ခုနှစ်တွင် သဘာဝဓါတ်ငွေ့ဝယ်လိုအားသည် ကိုဗစ်(၁၉)ကပ်ရောဂါကာလ မတိုင်မီအချိန်ထက် ကျဆင်းသွားခဲ့ကြောင်း IEA ကပြောဆိုခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဘင်္ဂလားဒေ့ရှ်နိုင်ငံတွင် ဆိုင်ကလုန်းမုန်တိုင်းဟာမွန်း ဝင်ရောက်တိုက်ခတ်မှုကြောင့် လူ(၃)သိန်းနီးပါး ကယ်ဆယ်ရေးစခန်းများသို့ ရွှေ့ပြောင်းခဲ့ရ
RELATED POSTS
20 Sep 2024 | စီးပွားရေး,ပြည်တွင်း
20 Sep 2024 | စီးပွားရေး,ပြည်တွင်း
14 Sep 2024 | စီးပွားရေး,ပြည်တွင်း
14 Sep 2024 | စီးပွားရေး,နိုင်ငံတကာ