အစ္စရေး - ပါလက်စတိုင်း နောက်ဆုံးရသတင်း updated (Oct-19 / 11:30 AM)
ဂျန်ဇက် (NSS) - အောက်တိုဘာ ၁၉
အစ္စရေးရဲ့ လေကြောင်းတိုက်ခိုက်ခံမှုဒဏ်ကို ခံနေရတဲ့ ဂါဇာဒေသခံတွေဟာ လူသားချင်းဆိုင်ရာစာနာမှုအကူအညီများစွာလိုအပ်နေပြီး တစ်ရက်ကိုလူသားချင်းဆိုင်ရာစာနာမှုအကူအညီပေးမယ့် ကုန်ကားအစီးရေ ၁၀၀ ခန့်လိုအပ်ကြောင်း ကုလသမဂ္ဂကပြောပါတယ်။ အစ္စရေးဟာ ဟားမက်စ်အဖွဲ့ရဲ့တိုက်ခိုက်မှုတွေကို လက်တုံ့ပြန်မှုအဖြစ် ဂါဇာဒေသကို လေကြောင်းက ဗုံးကြဲတိုက်ခိုက်ခဲ့ရာ လူပေါင်း ထောင်ချီသေဆုံးကာ လူပေါင်းသိန်းချီနေရပ်စွန့်ခွာထွက်ပြေးနေရကြောင်းသိရပါတယ်။ ဂါဇာဒေသကို အစ္စရေးရဲ့ပိတ်ဆို့ထားမှုတွေကြောင့် ဒေသခံတွေဟာ အစားအစာနဲ့ လောင်စာဆီလိုအပ်ချက်များရှိနေကြောင်း သိရပါတယ်။
ဂျာမနီအစိုးရဟာ ရုရှားနဲ့စစ်ဖြစ်နေတဲ့ ယူကရိန်းထက် အစ္စရေးနိုင်ငံကို စစ်လက်နက်ပစ္စည်းများပိုမိုတင်ပို့မှုတွေ လုပ်ဆောင်သွားဖွယ်ရှိနေကြောင်း ဂျာမနီအခြေစိုက်သတင်းက ဖော်ပြထားပါတယ်။ အရှေ့အ လယ်ပိုင်းဒေသရဲ့လက်ရှိအခြေအနေတွေကြောင့် ဂျာမနီအခြေစိုက်လက်နက်ကုမ္ပဏီတွေကို အစ္စရေးနိုင်ငံဘက်ခြမ်းထံ လက်နက်တင်ပို့မှုတွေ ပိုမိုလုပ်ဆောင်နိုင်အောင်ခွင့်ပြုပေးမယ်လို့ အမည်မဖော်လိုတဲ့ ဂျာမနီအရာရှိတစ်ဦးက ပြောပါတယ်။
ဆော်ဒီအာရေဗျ နိုင်ငံက ၎င်းနိုင်ငံသားတွေကို လက်ဘနွန်နိုင်ငံအတွင်းကနေ အမြန်ဆုံးထွက်ခွာဖို့ တိုက် တွန်းတောင်းဆိုလိုက်ပါတယ်။ လက်ဘနွန်နိုင်ငံရှိ ဆော်ဒီအာရေဗျ သံရုံးဟာ လက်ဘနွန်တောင်ပိုင်းအခြေအနေများကို လေ့လာစောင့်ကြည့်ပြီးနောက် လုံခြုံရေးနဲ့ပတ်သက်ပြီး စိုးရိမ်ရတဲ့အတွက်
ဆော်ဒီအာရေဗျ နိုင်ငံသားတွေကို လက်ဘနွန်နိုင်ငံအတွင်းကနေ အမြန်ဆုံးထွက်ခွာဖို့ တောင်းဆိုလိုက်တာဖြစ်ပါတယ်။ လက်ဘနွန်လက်နက်ကိုင်အဖွဲ့ ဟားမက်စ်ဟာ အစ္စရေးနဲ့ ဟားမက်စ်တို့ စစ်ပွဲစတင်ခဲ့ပြီးနောက်ပိုင်းကတည်းက အစ္စရေးနိုင်ငံကို ရော့ကတ်ဒုံးကျည်တွေနဲ့ ပစ်ခတ်နေရာနယ်စပ်ဒေသမှာအပြန်အလှန်ပစ်ခတ်မှုတွေဖြစ်ပွားနေပြီး အစ္စရေးက နယ်စပ်ဒေသမှာနေထိုင်နေတဲ့ အစ္စရေးနိုင်ငံသားတွေကိုဘေးလွတ်ရာကို ရွှေ့ပြောင်းပေးခဲ့ရကြောင်းသိရပါတယ်။
ဟားမက်စ်အဖွဲ့ထိန်းချုပ်ထားတဲ့ ဂါဇာဒေသရှိ ဆေးရုံတိုက်ခိုက်ခံရမှုနဲ့ လူရာချီသေဆုံးမှုတွေအတွက် တူရကီနိုင်ငံအတွင်း ဝမ်းနည်းကြောင်းအထိမ်းအမှတ် သုံးရက်ကြာလုပ်ဆောင်မယ်လို့ တူရကီသမ္မတ အာဒိုဂမ်ကကြေညာလိုက်ပါတယ်။ ဂါဇာဒေသမှာဖြစ်ပွားနေတဲ့ အကြမ်းဖက်တိုက်ခိုက်မှုတွေကို ရပ်တန့်အောင် ကမ္ဘာတဝှမ်းရှိ နိုင်ငံများ ဝိုင်းဝန်းကြိုးပမ်းဖို့လည်း အာဒိုဂမ်က တိုက်တွန်းတောင်းဆိုလိုက်ပါတယ်။
တရုတ်သမ္မတ ရှီကျင့်ဖျင့်က အရှေ့အလယ်ပိုင်းဒေသ ပိုမိုတည်ငြိမ်ရေးအတွက် အီဂျစ်နိုင်ငံနဲ့ ပူးပေါင်းဆောင်ရွက်မှုမြင့်တက်သွားမှာဖြစ်ကြောင်း ထုတ်ဖော်ပြောဆိုလိုက်ပါတယ်။ တရုတ်သမ္မတက"လက်ရှိအချိန်မှာ ဟားမက်စ်နဲ့ အစ္စရေးကြားစစ်ပွဲဖြစ်နေတဲ့အတွက် အရှေ့အလယ်ပိုင်းဒေသဟာ တည်ငြိမ်မှုမရှိဘူး။ အဲဒီအတွက်အရှေ့အလယ်ပိုင်းဒေသ ပိုမိုတည်ငြိမ်စေဖို့ အီဂျစ်နဲ့ ပူးပေါင်းဆောင်ရွက်မှု မြှင့်တင် ဆောင်ရွက်သွားမယ်။"လို့ ပြောပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မွန်ပြည်နယ်ရှိ ကွမ်းသီး နှင့် သစ်သီးဝလံများကို တရုတ်ဈေးကွက်သို့တင်ပို့နိုင်ရန် စီစဉ်နေ
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ