ဂျန်ဇက် (NSS) - အောက်တိုဘာ ၁၂ 

ရုရှားအစိုးရဟာ ယူကရိန်းစစ်ပွဲအတွင်း သိမ်းဆည်းထားတဲ့စစ်လက်နက်ပစ္စည်းတွေကို ဟားမက်စ်အဖွဲ့ကို ကူညီထောက်ပံ့ပေးနေကြောင်း ယူကရိန်းစစ်ထောက်လှမ်းရေးအဖွဲ့က ပြောပါတယ်။ ယူကရိန်းစစ်ထောက်လှမ်းရေး အဖွဲ့အကြီးအကဲတစ်ဦးဖြစ်သူက "ရုရှားတပ်ဖွဲ့တွေဟာ ကျွန်တော်တို့ထံကနေ သိမ်းယူထားတဲ့ ခြေလျင်တပ်ဖွဲ့သုံး လက်နက်တွေကို ဟားမက်စ်အဖွဲ့ထံ ပြန်လည်ထောက်ပံ့ပေးခဲ့တာသေချာပါတယ်" လို့ ပြောပါတယ်။ 

ဟားမက်စ်လက်နက်ကိုင်အဖွဲ့တွေကိုတိုက်ခိုက်နေတဲ့ အစ္စရေးဟာ ကျည်ဆံများကူညီထောက်ပံ့ပေးဖို့ ဂျာမနီ အစိုးရထံ အကူညီတောင်းခံလိုက်ကြောင်း သိရပါတယ်။ ဂျာမနီနိုင်ငံခြားရေးဝန်ကြီး ဘိုရစ် ပစ်တိုရစ် က ၎င်းတို့ အနေနဲ့ အစ္စရေးရဲ့အကူအညီတောင်းခံမှုတွေနဲ့ပတ်သက်ပြီး အသေးစိတ်ဆွေးနွေးသွားဖွယ်ရှိနေကြောင်း ပြောပါတယ်။ ဂျာမနီနိုင်ငံခြားရေးဝန်ကြီးက အစ္စရေးပိုင်နက်အတွင်းမှာ အသုံးပြုနိုင်ဖို့ ဂျာမနီနိုင်ငံထုတ် Heron ဒရုန်းနှစ်စီး ကူညီပေးသွားမယ်လို့ ဆိုပါတယ်။

အစ္စရေးအစိုးရက ဖမ်းဆီးခံထားရတဲ့သူတွေကို ပြန်လွှတ်ပေးမယ်ဆိုရင် ဂါဇာကမ်းမြောင်ဒေသကို ဝန်းရံပိတ်ဆို့မှု ထားများ လုပ်ဆောင်မှာမဟုတ်ကြောင်း ပြောပါတယ်။ နိုင်ငံတကာကြက်ခြေနီအဖွဲ့ဟာ ဂါဇာကမ်းမြောင်ဒေသကို ရေနံ နဲ့ စက်သုံးဆီတင်သွင်းခွင့်ပေးဖို့ တောင်းဆိုခဲ့ပြီးနောက် အစ္စရေးဘက်က အခုလိုမျိုးတုံ့ပြန်ခဲ့တာပါ။ အစ္စရေး ဟာ ဟားမက်စ်အဖွဲ့ကို လက်တုံ့ပြန်တိုက်ခိုက်ရာမှာ လေကြောင်းကတဆင့် ဗုံးကြဲမှုတွေသာမက ဂါဇာကမ်းမြောင် ဒေသကို အစားအစာ၊ ရေ၊ လျှပ်စစ်မီး နဲ့  အခြားပစ္စည်းတွေ ပေးပို့လို့မရအောင် ဖြတ်တောက်ပိတ်ဆို့ထားကြောင်း သိရပါတယ်။ 

အီရန်သမ္မတ အီဘရာဟင်ရိုင်စီနဲ့ ဆီးရီးယားသမ္မတ ဘာဆက်အယ်အာဆက်ဒ်တို့ဟာ အစ္စရေးတပ်ဖွဲ့တွေ တိုက်ခိုက်မှုခံနေရတဲ့ ပါလက်စတိုင်းကို ကူညီထောက်ပံ့ပေးဖို့ အစ္စလာမ်တွေ စုစည်းညီညွှတ်ဖို့ တိုက်တွန်း တောင်းဆိုလိုက်ကြောင်း သိရပါတယ်။ အီရန်သမ္မတ နဲ့ ဆီးရီးယားသမ္မတတို့ဟာ ဖုန်းဆက်ပြောဆိုချိန်အတွင်း အစ္စလာမ်မစ်တွေ ညီညွတ်ကြဖို့ တိုက်တွန်းတောင်းဆိုခဲ့တာဖြစ်ပါတယ်။

ပါလက်စတိုင်းပြည်သူတွေအပေါ် အစ္စရေးတပ်ဖွဲ့ရဲ့ဖိနှိပ်မှုတွေနဲ့ ရာဇဝတ်မှုကျူးလွန်နေတာတွေကို ရပ်တန်ဖို့ ကမ္ဘာကြီးနဲ့ အာရပ်နိုင်ငံအားလုံးတစ်စုတစ်စည်းတည်းရပ်တပ်ရမယ်လို့ အီရန်သမ္မတ နဲ့ ဆီးရီးယားသမ္မတက ပြောပါတယ်။ 

အစ္စရေးဟာ ယူကရိန်းစစ်ပွဲမှာ ပါဝင်နေတဲ့ အစ္စရေးတိုက်ခိုက်ရေးသမားတွေကို မိခင်နိုင်ငံကို ပြန်လည်ခေါ်ယူခဲ့ ကြောင်း ရုရှားစစ်ဘက်က ပြောပါတယ်။ ရုရှားစစ်ဘက်က အစ္စရေးတပ်ဖွဲ့တွေဟာ ယူကရိန်းနဲ့ ရုရှားစစ်ပွဲမှာ သွယ်ဝိုက်ပြီး ပါဝင်နေကာ ယူကရိန်းတပ်ဖွဲ့တွေကို စစ်သင်တန်းများ စီစဉ်ညွှန်ကြားပေးနေကြောင်း ဆိုထားပါ တယ်။ အဲဒီသူတွေကို ဟားမက်စ်နဲ့တိုက်ခိုက်မယ့်စစ်ပွဲမှာ ပြန်လည်ပါဝင်စေဖို့ ခေါ်ယူထားကြောင်း ရုရှားစစ်ဘက် က ပြောပါတယ်။