အစ္စရေးတပ်ဖွဲ့များ၏ မြေပြင်ထိုးစစ်ဆင်နွှဲမှုများကို စိုးရိမ်ကြောက်ရွံ့နေမည်မဟုတ်ကြောင်း ဟားမက်စ်အဖွဲ့ ပြော
ဂျန်ဇက် (NSS) - အောက်တိုဘာ ၁၂
ဟားမက်စ်လက်နက်ကိုင်အဖွဲ့က ၎င်းတို့အနေဖြင့် အစ္စရေး၏ မြေပြင်ထိုးစစ်ဆင်နွှဲမှုတွေအပေါ် စိုးရိမ်ကြောက်ရွံ့နေမည်မဟုတ်ကြောင်း ထုတ်ဖော်ပြောဆိုလိုက်သည်။
ဟားမက်စ်အဖွဲ့ခေါင်းဆောင်တစ်ဦးက ၎င်းတို့အနေဖြင့် ဂါဇာဒေသအတွင်းသို့ အစ္စရေးတပ်ဖွဲ့များ ဖြန့်ကြတ်ချထားမည့်အလားလာများနှင့်ပတ်သက်ပြီး ကြိုတင်ပြင်ဆင်နေကြောင်း ပြောသည်။ အစ္စရေးသည် အောက်တိုဘာ ၇ ရက်တွင် ဟားမက်စ်အဖွဲ့၏ တိုက်ခိုက်ခံရပြီးနောက် မြေပြင်ထိုးစစ်ဆင်နွှဲရန် ဂါဇာဒေသကို ဝန်းရံပိတ်ဆို့ထားကြောင်း သိရသည်။
ဟားမက်စ်အဖွဲ့ခေါင်းဆောင်တစ်ဦးဖြစ်သောဂါဇီဟာမက်က "ကျွန်တော်တို့ဟာ အစ္စရေးတပ်ဖွဲ့တွေရဲ့ မြေပြင် ထိုးစစ်ဆင်နွှဲမှုတွေကို စိုးရိမ်ကြောက်ရွံ့နေမှာ မဟုတ်ဘူး။ ကျွန်တော်တို့မှာ ခိုင်မာတဲ့ပြည်သူရှိနေတယ်။ ကျွန်တော်တို့ဟာ တိုက်ပွဲကိုဆက်တိုက်ဖို့ ခိုင်မာတဲ့ဆုံးဖြတ်ချက်ရှိနေပါတယ်။ ကျွန်တော်တို့ကို အားပေးထောက်ခံ တဲ့ပြည်သူတွေနဲ့ တိုက်ခိုက်ရေးသမားတွေ အများကြီးရှိနေပါတယ်။ ဂျော်ဒန်၊ လက်ဘနွန် နဲ့ ကမ္ဘာ့နေရာတိုင်းမှာ ရှိနေတဲ့သူတွေဟာ ကျွန်တော်တို့အတွက် တိုက်ခိုက်ပေးဖို့ ဂါဇာဒေသကို လာရောက်ဖို့ လိုလားနေတယ်။ ဂါဇာဒေသဟာ အစ္စရေးအတွက်တော့ ပန်းခြံမဟုတ်ဘဲ ကြီးမားတဲ့ ပျက်စီးဆုံးရှုံးမှုများဖြစ်မယ့်နေရာဆိုတာ သိသွားလိမ့် မယ်။ ဟားမက်စ်အဖွဲ့ဟာ အော်ပရေးရှင်းစတင်ခဲ့ပြီးနောက်ပိုင်းကတည်းက ဟားမက်စ်အဖွဲ့ဝင် ၁၂ဝဝ ကျော်ဟာ အစ္စရေးနိုင်ငံရဲ့လုံခြုံရေး၊ ထောက်လှမ်းရေးနဲ့ပုံရိပ်ကို ဖျက်ဆီးပစ်ခဲ့တယ်။ အစ္စရေးရဲ့ စူပါပါဝါဆိုတဲ့ ဂုဏ်သိက္ခာကို လည်း ဖျက်ဆီးခဲ့တယ်" ဟု ပြောသည်။
ဟားမက်စ်အဖွဲ့သည် အောက်တိုဘာ ၇ ရက်တွင် အစ္စရေးနိုင်ငံကို ဒုံးကျည်အစင်းပေါင်း ၅ဝဝဝ ကျော် ပစ်ခတ်ခဲ့ပြီး မြေပြင်ထိုးစစ်ဆင်နွှဲကာ အစ္စရေးစစ်သားများ အပါအဝင် လူပေါင်းရာချီကို ဖမ်းဆီးခေါ်ဆောင်ခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပြည်ခိုင်ဖြိုးပါတီမှ လွှတ်တော်အမတ်ဟောင်းတစ်ဦး သေနတ်ဖြင့် ပစ်ခတ်လုပ်ကြံခံရ၍ သေဆုံး
RELATED POSTS
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ