အစ္စရေးနိုင်ငံအပေါ် လုံခြုံရေးအရ ကူညီထောက်ပံ့ပေးမှုတွေ လုပ်ဆောင်သွားမယ်လို့ အမေရိကန်သမ္မတ ကတိပြု
ဂျန်ဇက် (NSS) - အောက်တိုဘာ ၈
အမေရိကန်သမ္မတက ၎င်းတို့အနေနဲ့ အကြမ်းဖက်တိုက်ခိုက်မှုရင်ဆိုင်ရတဲ့ အစ္စရေးပြည်သူတွေနဲ့အတူ ရပ်တည်သွားမှာဖြစ်ပြီး အစ္စရေးနိုင်ငံအပေါ် လုံခြုံရေးအရ ကူညီထောက်ပံ့ပေးမှုတွေက ခိုင်မာမှုရှိပြီး ယိမ်းယိုင်မှာ မဟုတ်ကြောင်း ထုတ်ဖော်ပြောဆိုလိုက်ပါတယ်။
ပါလက်စတိုင်းလက်နက်ကိုင်အဖွဲ့ ဟားမက်စ်အဖွဲ့ဟာ အောက်တိုဘာ ၇ ရက် နံနက်ပိုင်းက အစ္စရေးနိုင်ငံအပေါ် ကြိုတင်သတိပေးချက်မရှိဘဲ ရော့ကဒ်ဒုံးကျည်များအပြင် မြေပြင်၊ ရေကြောင်းကနေ တိုက်ခိုက်ခဲ့ကြောင်း သိရပါတယ်။
သမ္မတဂျိုးဘိုင်ဒန်က အစ္စရေးနိုင်ငံကို ကူညီထောက်ပံ့ပေးမည်ဖြစ်ပြီး၊ စစ်ရေးအကူအညီများ ပေးသွားမယ်လို့ ထုတ်ဖော်ပြောဆိုထားပါတယ်။ စစ်ရေးအကူအညီပေးမှုနဲ့ပတ်သက်ပြီး အမေရိကန်စစ်ဘက်တာဝန်ရှိသူများနဲ့ အစ္စရေးစစ်ဘက်ဆိုင်ရာတာဝန်ရှိသူတွေဟာ ဆွေးနွေးနေပြီး မကြာခင် အတိအကျသတင်းထုတ်ပြန်ဖွယ်ရှိနေပါတယ်။
အမေရိကန်ကာကွယ်ရေးဝန်ကြီးလွိုင်အော်စတင်ကလည်း အစ္စရေးစစ်ဘက်က လိုအပ်တဲ့အရာများကို ရရှိနိုင်အောင် ကူညီထောက်ပံ့ပေးမယ်လို့ ဆိုပါတယ်။ ဒါ့အပြင် အမေရိကန်ကာကွယ်ရေးဝန်ကြီးက အစ္စရေးနိုင်ငံဟာ ကိုယ့်ကိုယ်ကိုယ် ကာကွယ်ပိုင်ခွင့် အခွင့်အရေးအရ ဟားမက်စ်အဖွဲ့တွေကို တိုက်ခိုက်ဖို့အခွင့်အရေးရှိတယ်လို့ ဆိုပါတယ်။
အမေရိကန်သမ္မတက အစ္စရေးနဲ့ ဟားမက်စ်အဖွဲ့ကြားဖြစ်ပွားနေတဲ့စစ်ပွဲကို ကမ္ဘာကြီးက စောင့်ကြည့်နေတယ်လို့ ဆိုပါတယ်။ ဟားမက်စ်အဖွဲ့ရဲ့တိုက်ခိုက်မှုမှာ အီရန်နိုင်ငံ တိုက်ရိုက်ပါဝင်ခဲ့တယ်ဆိုတဲ့အချက်ကိုပြောဖို့ အချိန်စောနေသေးကြောင်း ဒါပေမယ့် ဟားမက်စ်ဟာ အီရန်အပြင် အခြားအဖွဲ့အစည်းနိုင်ငံတွေကနေ ကူညီထောက်ပံ့မှုတွေ ရရှိခဲ့တယ်လို့ အမေရိကန်အစိုးရတာဝန်ရှိသူတစ်ဦးက ပြောပါတယ်။
အမေရိကန်သမ္မတဟောင်း ဒေါ်နယ်ထရမ့်ကတော့ အဆိုပါတိုက်ခိုက်မှုနဲ့ပတ်သက်ပြီး အမေရိကန်အစိုးရကို ဝေဖန်ပြစ်တင်ထားပါတယ်။ ဒေါ်နယ်ထရမ့်က "ဟားမက်စ်အဖွဲ့ တိုက်ခိုက်မှုဟာ အရှက်တကွဲအကျိုးနည်းဖြစ်စေခဲ့တယ်။ အစ္စရေးဟာ အင်အားသုံးပြီး ခုခံပိုင်ခွင့်ရှိပါတယ်။ အမေရိကန်ပြည်သူတွေရဲ့အခွန်ငွေတွေကို ဒီတိုက်ခိုက်မှုမှာ အစ္စရေးကို ကူညီထောက်ပံ့ပေးရမယ်" လို့ ပြောပါတယ်။
အမေရိကန်အစိုးရဟာ စဉ်းစားတွေဝေမှုများနေပြီး အစ္စရေးနိုင်ငံ တိုက်ခိုက်ခံရအောင် သွယ်ဝိုက်ကူညီပေးခဲ့ ကြောင်း ဒေါ်နယ်ထရမ့်က ဝေဖန်ခဲ့ပါတယ်။ အမေရိကန်အစိုးရဟာ ဟားမက်စ်အဖွဲ့ကို ကူညီထောက်ပံ့ပေးနေတဲ့ အီရန်နိုင်ငံ နဲ့ အကျဉ်းသားလဲလှယ်မှုအစီအစဉ်အရ အီရန်နိုင်ငံက သိမ်းထားတဲ့ အမေရိကန်ဒေါ်လာ ၆ ဘီလျံကို ပြီးခဲ့တဲ့လမှာ အီရန်နိုင်ငံကို ပြန်လည်ထုတ်ယူခွင့်ပေးခဲ့တာကို ရည်ရွယ်ပြောဆိုခဲ့ခြင်းဖြစ်ကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရခိုင်စစ်ဘေးရှောင်စခန်းတစ်ခု၌ မိုင်းတစ်လုံးအား ကလေးငယ်တစ်ချို့ဆော့ကစားရာမှ ပေါက်ကွဲမှုဖြစ်ပွားခဲ့ရာ ထိခိုက်သေဆုံးမှုများရှိခဲ့
RELATED POSTS
23 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ