စော(NSS) - အောက်တိုဘာ ၈

ရခိုင်ပြည်နယ်၊ ဂွမြို့တွင် ကမ်းခြေ၌ ပိုက်ချနေသည့် အသက်(၁၆)နှစ်အရွယ် နားမကြားလူငယ်တစ်ဦး ရေနစ်သေဆုံးသွားကြောင်း သိရသည်။

ဖြစ်စဉ်မှာ ယမန်နေ့(အောက်တိုဘာလ ၇ ရက်)၊ နံနက်ပိုင်းအချိန်တွင် ဂွမြို့၊မြို့မရပ်ကွက်၊ အလယ်ရွာကမ်းခြေတွင် အထက်ပါကဲ့သို့ဖြစ်ပွားခဲ့ခြင်းဖြစ် ကြောင်း ထာဝရမေတ္တာနာရေးကူညီမှုအသင်းထံမှ သိရသည်။

"သူက ကမ်းဆွဲပိုက်ကိုချပြီး ကမ်းကိုပြန်လာတဲ့အချိန် နစ်သွားတာပါ။ ရေကအရမ်းမနက်ပါဘူး။‌‌ သူက သိပ်ပြီး ကျွမ်းကျွမ်းကျင်ကျင် ရေမကူးတတ်တာလည်း ပါပါတယ်"ဟု ထာဝရမေတ္တာနာရေးကူညီမှုအသင်းမှ တာဝန်ရှိသူတစ်ဦးက NSS ကိုပြောသည်။

သေဆုံးသူသည် အသက် (၁၆)နှစ်အရွယ်ရှိပြီး နားမကြားသူတစ်ဦးဖြစ်ကာ မြို့မရပ်ကွက်၊ လေယာဉ်ကွင်းတွင် နေထိုင်သူဖြစ်ကြောင်း ၎င်းကပြော သည်။

လက်ရှိတွင် ၎င်းအား ဂွပြည်သူ့ဆေးရုံရင်ခွဲရုံမှတစ်ဆင့် ၎င်း၏နေအိမ်သို့ ပို့ဆောင်ထားကြောင်း သိရသည်။