ဂျန်ဇက် (NSS) - အောက်တိုဘာ ၃

ကမ္ဘာကျော်ဘီလျံနာတစ်ဦးဖြစ်တဲ့ အီလွန်မတ်ဟာ အမေရိကန်အစိုးရနဲ့ မဟာမိတ်နိုင်ငံများထံကနေ ဘဏ္ဍာရေးအကူအညီများတောင်းခံခဲ့ခြင်းနဲ့ပတ်သက်ပြီး ယူကရိန်း သမ္မတဇီလန်စကီးကို လှောင်ပြောင်လိုက်ကြောင်းသိရပါတယ်။ 

SpaceX and Tesla ကုမ္ပဏီပိုင်ရှင်ဖြစ်တဲ့အီလွန်မတ်ဟာ ယူကရိန်းကို အရပ်သားတွေအင်တာနက်အသုံးပြုနိုင်အောင် Starlink ဂြိုလ်တုများအသုံးပြုခွင့်ပေးခဲ့ပေမယ့် ယူကရိန်းစစ်ဘက်ဟာ ခရိုင်းမီးယားတိုက်ခိုက်ဖို့ ရည်ရွယ်ချက်နဲ့ Starlink တွေကိုအသုံးပြုဖို့ စီစဉ်လာခြင်းကို ငြင်းဆန်ပယ်ချခဲ့ဖူးကြောင်းသိရပါတယ်။

အီလွန်မတ်က "ငါးမိနစ်လောက်တွေ့ဆုံချိန်ရတာအောင် ဇီလန်စကီးဟာ အမေရိကန်ကို ဒေါ်လာဘီလျံချီပေးဖို့ အကူအညီတောင်းခံတာမျိုးမလုပ်သင့်ဘူး"လို့ဝေဖန်ခဲ့ပါတယ်။

ဇီလန်စကီးဟာ ပြီးခဲ့တဲ့စက်တင်ဘာလက အမေရိကန်နိုင်ငံကို ချစ်ကြည်ရေးခရီးသွားရောက်ခဲ့ပြီးအမေရိကန်အစိုးရထံကနေ ငွေကြေးအကူအညီများရယူနိုင်ဖို့ အကူအညီတောင်းခံခဲ့ကြောင်းသိရပါတယ်။ အမေရိကန်အထက်လွှတ်တော်အမတ်အဖွဲ့ခေါင်းဆောင်တစ်ဦးဖြစ်တဲ့ Chuck Schumer က " ယူကရိန်းသမ္မတနဲ့ဆွေးနွေးဖြစ်ခဲ့တယ်။ ယူကရိန်းသမ္မတက အမေရိကန်အစိုးရထံကနေ အကူအညီတွေမရတော့ဘူးဆိုရင် စစ်ပွဲရှုံးနိမ့်မယ်ဆိုတာကိုပြောခဲ့တယ်"လို့ပြောပါတယ်။

အမေရိကန်အစိုးရဟာ ရုရှားနဲ့ယူကရိန်းစစ်ပွဲစတင်ဖြစ်ပွားခဲ့တဲ့ ၂၀၂၂ ခုနှစ်ဖေဖော်ဝါရီလနောက်ပိုင်းကတည်းက ယူကရိန်းကို အမေရိကန်ဒေါ်လာ ၄၆ ဘီလျံကူညီပေးထားပြီးဖြစ်ကြောင်းသိရပါတယ်။ အမေရိကန်လွှတ်တော်အမတ်တွေထဲမှာလည်း ယူကရိန်းကို ကူညီထောက်ပံ့ပေးခြင်းအတွက် သဘောထားကွဲလွဲနေပြီး ရီပတ်ဘလီကန်ပါတီအမတ်တွေဟာ ယူကရိန်းကို ကူညီထောက်ပံ့ပေးဖို့ ငြင်းဆန်ကန့်ကွက်ခဲ့ကြောင်းသိရပါတယ်။ အမေရိကန်အောက်လွှတ်တော်ဥက္ကဋ္ဌ ကီဗင်မက်ကာသီဟာ ယူကရိန်းကို ကူညီထောက်ပံ့ပေးဖို့ အမေရိကန်အစိုးရက အမေရိကန်ဒေါ်လာ ၆ ဘီလျံတောင်းခံမှုကိုငြင်းပယ်ခဲ့ပြီး ယူကရိန်းကို ကူညီထောက်ပံ့ပေးခြင်းထက် အမေရိကန် နယ်စပ်ဒေသ ကာကွယ်နိုင်ရေးကို ပိုမိုလုပ်ဆောင်သင့်ကြောင်း ပြောပါတယ်။