ရုရှားနှင့်ဆက်ဆံရေးကို နံပါတ်တစ်ဦးစားပေးအဖြစ် လုပ်ဆောင်သွားမည်ဖြစ်ကြောင်း မြောက်ကိုရီးယားခေါင်းဆောင် ကတိပြုပြောဆို
Pika (NSS) - စက်တင်ဘာ ၁၄
ရုရှားနှင့်မြောက်ကိုရီးယား နှစ်နိုင်ငံကြား မိတ်ဖက်ဆက်ဆံရေးကို နံပါတ်တစ်ဦးစားပေးအဖြစ် လုပ်ဆောင်သွားမည်ဖြစ်ကြောင်း မြောက်ကိုရီးယားခေါင်းဆောင် ကင်ဂျုံအန်းက စက်တင်ဘာလ(၁၃)ရက်တွင် ထုတ်ဖော်ပြောဆိုခဲ့သည်။
ရုရှားနိုင်ငံသို့ သွားရောက်လည်ပတ်ပြီး သမ္မတပူတင်နှင့် တွေ့ဆုံစဉ်အချိန်အတွင်း မြောက်ကိုရီးယားခေါင်းဆောင်ကင်ဂျုံအန်းက ယခုကဲ့သို့ထုတ်ဖော်ပြောဆိုခဲ့ခြင်းဖြစ်သည်။ ကင်ဂျုံအန်းက"ဒီအချိန်ကနေစပြီး မြောက်ကိုရီးယား-ရုရှားဆက်ဆံရေးကို ဦးစားပေးလုပ်ဆောင်သွားမှာပါ။ ပြီးတော့ နှစ်နိုင်ငံကြားဆက်ဆံရေးကို ကျွန်တော်တို့ရဲ့နိုင်ငံခြားရေးမူဝါဒရဲ့ နံပါတ်တစ်ဦးစားပေးအဖြစ် ထားရှိသွားမှာပါ"ဟုပြောဆိုခဲ့သည်။
ထို့ပြင် ရုရှားသမ္မတနှင့်တွေ့ဆုံမှုသည် နှစ်နိုင်ငံကြား ခိုင်မာသော ဆက်ဆံရေးများအတွက် ခြေလှမ်းသစ်ဖြစ်ကြောင်း ကင်ဂျုံအန်းကပြောကြားခဲ့သည်။ ၎င်းက"ရုရှားသမ္မတပူတင်နဲ့တွေ့ဆုံမှုဟာ နှစ်နိုင်ငံကြား ဆက်ဆံရေးကို အဆင့်သစ်တစ်ခုအထိ မြှင့်တင်နိုင်မယ်လို့ ကျွန်တော်ယုံကြည်ပါတယ်"ဟုပြောဆိုခဲ့သည်။
ကင်ဂျုံအန်းသည် ရုရှား၏ အာကာသယာဉ်နည်းပညာများအကြောင်းကို အသေးစိတ်ပြောကြားခဲ့သော်လည်း လက် နက်ထောက်ပံ့မှု၊ လက်နက်ကုန်သွယ်မှု သို့မဟုတ် လက်နက်အစီအစဉ်များအတွက် နည်းပညာ အကူအညီများ နှင့်ပတ်သက်သည့် အသေးစိတ်အချက်အလက်များကို ထုတ်ဖော်ပြောကြားခဲ့ခြင်းမျိုးမရှိကြောင်းသိရသည်။ ရုရှား-ယူကရိန်းစစ်ပွဲတွင် ရုရှားက အနိုင်ရရှိလိမ့်မယ်ဟု ကင်ဂျုံအန်းက ထုတ်ဖော်ပြောဆိုခဲ့ကြောင်းလည်းသိရသည်။ ကင်ဂျုံအန်းသည် ရုရှားသမ္မတပူတင်ကို မြောက်ကိုရီးယားနိုင်ငံသို့ လာရောက်လည်ပတ်ရန်ဖိတ်ကြားခဲ့ပြီး ရုရှားသမ္မတပူတင်က အဆိုပါဖိတ်ကြားချက်ကို လက်ခံခဲ့ကြောင်း မီဒီယာများကဖော်ပြထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
စိုက်ပျိုးရေးဖြစ်ထွန်းသော ဒေသများနှင့် ကျေးလက်တောရွာများတွင် စားသုံးဆီဖူလုံမှုရှိသော်လည်း မြို့ပြများတွင် ဆီလိုအပ်ချက်ရှိနေဆဲဟုဆို
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ