ရန်ကုန်မြို့ရှိ အောင်ဇေယျတံတားပေါ်၌ ဓားဒဏ်ရာများစွာဖြင့် သေဆုံးနေသည့် အဝတ်အစားမဲ့ အမျိုးသမီးအလောင်းတစ်လောင်းတွေ့ရှိ
သန့်ဇင် (NSS)-စက်တင်ဘာ ၁၁
ရန်ကုန်တိုင်း၊ လှိုင်သာယာ(အရှေ့ပိုင်း)မြို့နယ်ရှိ အောင်ဇေယျကြိုးတံတားပေါ်တွင် ဓားဒဏ်ရာ(၁၅)ချက်ဖြင့် အသက်ခံထားရသည့် အဝတ်အစားမဲ့အမျိုသမီးတစ်ဦး အလောင်းအား တွေ့ရှိခဲ့ကြောင်း သိရသည်။
အဆိုပါ အမျိုးသမီးအလောင်းကို စက်တင်ဘာလ ၉ ရက်၊ နံနက်ပိုင်းတွင် လှိုင်သာယာမြို့နယ်၊ အောင်ဇေယျကြိုး တံတားအဆင်း ကြိုးဆိုင်းတိုင်ခြေရှိ လူသွားစင်္ကြန်ပေါ်တွင် တွေ့ရှိခဲ့ခြင်းဖြစ်ကြောင်း ဒေသခံလူမှုကူညီရေးအသင်းထံမှ သိရသည်။
“ကျွန်တော်တို့ကို သက်ဆိုင်ရာအပိုင်းက တာဝန်ရှိသူလူကြီးတစ်ယောက်ကခေါ်လို့သွားခဲ့တဲ့အခါမှာ အောင်ဇေယျကြိုးတံတားပေါ်က လှိုင်သာယာဘက်ခြမ်းမှာ တွေ့ခဲ့ရတာပါ။ ကြားတာတော့ အမျိုးသမီးက အဓ္ဓမကျင့်ပြီး အသက်ခံရတယ်လို့ ပြောကြပါတယ်ဗျ”ဟု ဒေသခံလူမှုကူညီရေးအသင်းမှ တာဝန်ရှိသူတစ်ဦးက NSS ကိုပြောသည်။
အဆိုပါ အသတ်ခံရသည့် အမျိုးသမီးသည် အသက်(၃၅)နှစ်ဝန်းကျင်ဖြစ်ပြီး ဓားဒဏ်ရာ(၁၅)ချက်ဖြင့် အထက်ပါနေရာ၌ မှောက်လျက်အနေအထားဖြင့် သေဆုံးနေကြောင်း သိရသည်။
“မိသားစုနဲ့ အဆက်သွယ်ရတယ်လို့တော့ ပြောသံမကြားမိဘူးဗျ။ ပြောကြတာတော့ အဲဒီအမျိုးသမီးက စိတ်ဝေဒနာသည် အမျိုသမီးလို့တော့ သိရတယ်” ဟု ၎င်းက ဆက်လက်ပြောသည်။
အသတ်ခံထားရသည့် အမျိုးသမီးအား သက်ဆိုင်ရာမှလာရောက်စစ်ဆေးမှုများပြုလုပ်ခဲ့ပြီး ဒေသခံလူမှုကူညီရေးအသင်းမှ လှိုင်သာယာမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
စားအုန်းဆီရည်ညွှန်းဈေး တစ်ပိဿာလျှင် ၃၀၀ ကျပ်ခန့် ဈေးတက်လာ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ