မြန်မာနိုင်ငံမှ ထွက်ခွာသွားရန် အကြောင်းကြားစာပေးပို့ပြီးနောက် (၃)ရက်အကြာ၌ တီမောသံရုံးယာယီတာဝန်ခံ နိုင်ငံအတွင်းမှ ထွက်ခွာ
မျိုးကြီး (NSS) - စက်တင်ဘာ ၁
မြန်မာနိုင်ငံမှ ထွက်ခွာသွားရန် အကြောင်းကြားစာပေးပို့ပြီးနောက် (၃)ရက်အကြာ၌ တီမောလက်စ်တေ့နိုင်ငံ၏ သံရုံးယာယီတာဝန်ခံသည် နိုင်ငံအတွင်းမှ ထွက်ခွာသွားခဲ့ကြောင်း သတင်းရရှိသည်။
တီမောသံရုံးယာယီတာဝန်ခံ Mr. Avelino Fernandes Ximenes Pereira သည် သြဂုတ် ၂၈ ရက်တွင် ရန်ကုန်မြို့ရှိ အ ပြည်ပြည်ဆိုင်ရာလေဆိပ်မှတစ်ဆင့် ထွက်ခွာသွားခဲ့ကြောင်း နိုင်ငံခြားရေးဝန်ကြီးဌာနမှ အရာရှိတစ်ဦးက NP News ကို ပြောသည်။
“သူ(တီမော်သံရုံးယာယီတာဝန်ခံ) ပြန်သွားတာက သြဂုတ် ၂၈ ရက်နေ့မှာ ပြန်သွားပါတယ်။ ရန်ကုန်လေဆိပ် ကနေပဲ ပြန်သွားတာပါ။ ကျွန်တော်တို့က သြဂုတ် ၂၅ ရက်နေ့မှာ သူ့ကို စာပို့လိုက်ပါတယ်။ တစ်ပတ်အတွင်း ပြန်ဖို့ ဆိုပြီးတော့လေ။ ကျွန်တော်တို့ ပြောထားတာက စက်တင်ဘာ ၁ ရက်နေ့နောက်ဆုံးထားပြီး ပြန်ဖို့ပေါ့။ ဒါပေမယ့် သူက စောပြီးတော့ သြဂုတ်လ ၂၈ ရက်နေ့မှာပဲ ပြန်သွားပါတယ်” ဟု နိုင်ငံခြားရေးဝန်ကြီးဌာနမှ အရာရှိက ပြော သည်။
ရန်ကုန်မြို့ရှိ တီမောလက်စ်တေ့သံရုံးမှ သံရုံးယာယီတာဝန်ခံအနေဖြင့် စက်တင်ဘာ ၁ ရက်နေ့မတိုင်မီ မြန်မာနိုင်ငံ မှ ထွက်ခွာရန် နစက၏ နိုင်ငံခြားရေးဝန်ကြီးဌာနက သြဂုတ် ၂၅ ရက်နေ့၌ သံတမန်စာဖြင့် အကြောင်းကြားခဲ့သည်။
“၂၉ ရက်နေ့မှာတော့ အဲဒီ original စာကို သံရုံးယာယီတာဝန်ခံတော့ မရှိတော့ပါဘူး ဒါပေမယ့် သူ့ရဲ့အောက်က တာ ဝန်ရှိသူကို နိုင်ငံခြားရေးဝန်ကြီးဌာနကို ခေါ်ပြီးတော့ အဲဒီစာကို ပေးလိုက်ပါတယ်” ဟု အထက်ပါအရာရှိက ထပ်မံပြောသည်။
မြန်မာအစိုးရအနေဖြင့် တီမောအစိုးရအား သတိပေးပြောကြားမှုများ ပြုလုပ်လျက်ရှိသည့်ကြားမှ နှစ်နိုင်ငံ ဆက်ဆံရေးကို ထိခိုက်စေသည့် အကြမ်းဖက်အားပေးမှုများကို ပြုလုပ်ခြင်း၊ NUG နှင့် ထိတွေ့ဆက်ဆံခြင်းများကို ပြုလုပ်ခဲ့သည်ဟု နိုင်ငံခြားရေးဝန်ကြီးဌာနက ဆိုသည်။
ထို့ကြောင့် ၎င်းကဲ့သို့ တီမောလက်စ်တေအစိုးရ၏ အဆင်အခြင်မဲ့သော လုပ်ရပ်များသည် နှစ်နိုင်ငံအကြားရှိ ဆက်ဆံရေးကို ထိခိုက်စေသည့်အတွက် သံရုံးယာယီတာဝန်ခံကို နိုင်ငံအတွင်းမှ နှင်ထုတ်ရခြင်းဖြစ်ကြောင်း သိရသည်။
မြန်မာနိုင်ငံ၏ အချုပ်အခြာအာဏာနှင့်ဂုဏ်သိက္ခာကို ထိပါးသည့်အပြင် ပြည်တွင်းရေးကို ဝင်ရောက်စွက်ဖက်နေ၍ တီမောလက်စ်တေနိုင်ငံ သံရုံးယာယီတာဝန်ခံကို နှင်ထုတ်ခြင်းဖြစ်ကြောင်း နစကဘက်ကလည်း တုံ့ပြန်ခဲ့သည်။
ထို့ပြင် နိုင်ငံတကာသံတမန်ရေးနှင့်ပတ်သက်၍ မြန်မာနိုင်ငံ၏ အချုပ်အခြာအာဏာ၊ ဂုဏ်သိက္ခာနှင့် နိုင်ငံသူ၊ နိုင်ငံသားများကို ထိပါးလာပါက အခြားမည်သည့်နိုင်ငံမဆို သံတမန်ရေးအရ လိုအပ်သည့်တုံ့ပြန်မှုများကို ဆောင်ရွက်သွားမည်ဟုလည်း နစကမှ သတိပေးထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဒိုင်ဈေး တစ်အိတ် တစ်သိန်းခွဲအထိ မြင့်တက်ခဲ့သော ဆန်ချောဈေးပြန်ကျလာ
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ