သပိတ်ကျင်းမြို့နယ်၌ ဇူလိုင်လလယ်မှစ၍ အိုးအိမ်စွန့်ခွာသူဦးရေ (၁၀၀၀၀)နီးပါးရှိခဲ့ပြီး ရိက္ခာအထောက်အပံ့များ လိုအပ်နေဟုဆို
ယွန်း (NSS) - သြဂုတ် ၂၄
သပိတ်ကျင်းမြို့နယ်၌ တိုက်ပွဲများကြောင့် ဇူလိုင်လလယ်မှစ၍ အိုးအိမ်စွန့်ခွာသူဦးရေ (၁၀၀၀၀)နီးပါးရှိခဲ့ပြီး ရိက္ခာအထောက်အပံ့များလိုအပ်နေကြောင်း UNOCHA Myanmar မှ ထုတ်ပြန်ထားသည်။
UNOCHA Myanmar မှ ယနေ့ (သြဂုတ်လ ၂၄ ရက်)တွင် အထက်ပါကဲ့သို့ ထုတ်ပြန်ထားခြင်းဖြစ်သည်။
ပြည်တွင်း၌ ဖြစ်ပွားနေဆဲ ပဋိပက္ခများကြောင့် အိုးအိမ်စွန့်ခွာထွက်ပြေးနေရသူများအတွက် လူသားချင်းစာနာမှုဆိုင်ရာလိုအပ်ချက်များရှိနေပြီး အထူးသဖြင့် ကချင်ပြည်နယ်၊ မန္တလေး တိုင်းဒေသကြီးနှင့် နိုင်ငံအနောက်မြောက်ပိုင်းတွင် ဆက်လက်မြင့်တက်လျက်ရှိကြောင်း သိရသည်။
ကချင်ပြည်နယ်၌ လက်နက်ကိုင်တိုက်ပွဲများ ဆက်လက်ဖြစ်ပွားနေခြင်းကြောင့် ရွှေကူမြို့ နယ်အတွင်း အိမ်ထောင်စု ၂၀၀ (လူဦးရေ ၁,၁၀၀ ကျော်) နေရပ်စွန့်ခွာထွက်ပြေးခဲ့ရပြီး ၂၀၂၃ ခုနှစ်၊ မတ်လဆန်းပိုင်းမှစ၍ နေရပ်စွန့်ခွာတိမ်းရှောင်ရသူဦးရေ (၂၀,၀၀၀) နီးပါး ရှိလာပြီဖြစ်ကြောင်း ထုတ်ပြန်ချက်အရ သိရသည်။
ထို့ပြင် မန္တလေးတိုင်း၊ သပိတ်ကျင်းမြို့နယ်တွင်လည်း တိုက်ပွဲတွေဆက်လက်ဖြစ်ပွားနေမှုကြောင့် ဇူလိုင်လလယ်မှစပြီး လူပေါင်း (၁၀,၀၀၀) နီးပါး အိုးအိမ်စွန့်ခွာထွက်ပြေးခဲ့ရပြီး စားနပ်ရိက္ခာအထောက်အပံ့များနှင့် ကျန်းမာရေးစောင့်ရှောက်မှုများ အရေးတကြီး လိုအပ် နေကြောင်း သိရသည်။
အလားတူ စစ်ကိုင်းတိုင်းအတွင်းရှိ မြို့နယ်လေးခုတွင် နေရပ်စွန့်ခွာတိမ်းရှောင်ရသူ (၇၁၅၀) ကျော်အတွက် စားနပ်ရိက္ခာ၊ သောက်သုံးရေ၊ အမိုးအကာနှင့် တစ်ကိုယ်ရေသန့်ရှင်းရေးပစ္စည်းတွေ အရေးပေါ်လိုအပ်နေကြောင်း ထုတ်ပြန်ချက်အရ သိရသည်။
ပြီးခဲ့သည့် သြဂုတ်လ (၁၄) ရက်အထိ ကုလသမဂ္ဂ၏နောက်ဆုံးကိန်းဂဏန်းများအရ မြန်မာနိုင်ငံတစ်ဝန်း ပြည်တွင်းနေရပ်စွန့်ခွာသူဦးရေ (၁ ဒသမ ၉) သန်းကျော်ရှိခဲ့ပြီး ၎င်းတို့အနက်မှ လူဦးရေ (၁ ဒသမ ၆) သန်းကျော်သည် ၂၀၂၁ ခုနှစ်၊ ဖေဖော်ဝါရီလတွင် ဖြစ်ပေါ် လာသည့် ပဋိပက္ခများကြောင့် နေရပ်စွန့်ခွာထွက်ပြေးနေရသူများဖြစ်ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ ဒီပလိုမာသင်တန်း(၃)ခုအတွက် သင်တန်းသားများခေါ်ယူ
RELATED POSTS
24 Sep 2024 | မှုခင်း,ပြည်တွင်း
24 Sep 2024 | မှုခင်း,နိုင်ငံတကာ
24 Sep 2024 | မှုခင်း,ပြည်တွင်း
24 Sep 2024 | မှုခင်း,ပြည်တွင်း