တရုတ်နိုင်ငံကို ဆန့်ကျင်ဖို့ အာရှပစိဖိတ်ဒေသမှာ နေတိုးအဖွဲ့ပုံစံတူ ဖွဲ့စည်းဖွယ်ရှိတယ်ဆိုတဲ့သတင်းတွေကို အမေရိကန်အစိုးရ ငြင်းဆန်
ဂျန်ဇက် (NSS) - ဩဂုတ် ၁၉
အမေရိကန်အစိုးရဟာ အာရှပစိဖိတ်ဒေသမှာ နေတိုးအဖွဲ့ပုံစံတူ ဖွဲ့စည်းလုပ်ဆောင်မှာမဟုတ်ကြောင်း အမေရိကန်အစိုးရအဖွဲ့က ထုတ်ဖော်ပြောဆိုလိုက်ပါတယ်။
အမေရိကန်သမ္မတ ဂျိုးဘိုင်ဒန်ဟာ တောင်ကိုရီးယား၊ ဂျပန်နိုင်ငံတို့နဲ့ လုံခြုံရေးပူးပေါင်းဆောင်ရွက်မှုခေတ်သစ်ကိုတည်ထောင်သွားမယ်လို့ ထုတ်ပြန်ကြေညာခဲ့ပြီးနောက် မကြာမီ အမေရိကန်အစိုးရက အခုလိုမျိုး သတင်းထုတ်ပြန်လိုက်တာဖြစ်ပါတယ်။ ဂျိုးဘိုင်ဒန်ဟာ ပြီးခဲ့တဲ့ရက်ပိုင်းမှာ ဂျပန်ဝန်ကြီးချုပ် ဖူမီအို ကီရှီဒါ၊ တောင်ကိုရီးယားသမ္မတ ယွန်ဆက်ယိုလ်တို့နဲ့တွေ့ဆုံဆွေးနွေးခဲ့ပြီး စစ်ရေး၊ စီးပွားရေးနဲ့ နည်းပညာပိုင်း ပူးပေါင်းဆောင်ရွက်မှုတွေကို အဆင့်မြင့်တင်ဖို့ သဘောတူညီခဲ့ကြောင်း သိရပါတယ်။
အမေရိကန်သမ္မတက အင်ဒို- ပစိဖိတ်ဒေသမှာ သုံးနိုင်ငံ ကာကွယ်ရေးပူးပေါင်းဆောင်ရွက်မှုတွေ ပိုမိုကောင်းမွန်အောင်လုပ်ဆောင်သွားမှာဖြစ်ရာ ဘက်စုံစစ်ရေးလေ့ကျင့်ခန်းတွေကိုလည်း နှစ်စဉ်ပြုလုပ်သွားမှာဖြစ်ကြောင်းပြောပါတယ်။ အဆိုပါ စစ်ရေးလေ့ကျင့်ခန်းတွေအပေါ် တရုတ်နိုင်ငံ နဲ့ မြောက်ကိုရီးယားနိုင်ငံတို့က စိတ်ဆိုးဒေါသဖြစ်ဖွယ်ရှိနေကြောင်းသိရပါတယ်။ အမေရိကန်ဟာ အင်ဒို-ပစိဖိတ်ဒေသမှာ နေတိုးအဖွဲ့ ပုံစံတူအဖွဲ့များ တည်ဆောက်ဖွယ်ရှိနေတယ်လို့ သတင်းများလည်းထွက်ပေါ်နေခဲ့ကြောင်းသိရပါတယ်။
ဒါပေမယ့် အမေရိကန်အမျိုးသားလုံခြုံရေး အကြံပေးဖြစ်သူ ဂျိတ်ဆူလီဗန်က "ပစိဖိတ်ဒေသမှာ နေတိုးအဖွဲ့လိုမျိုး အဖွဲ့တည်ထောင်ဖွဲစည်းမှာမဟုတ်ဘူး။ ကျွန်တော်တို့ဟာ ဂျပန်၊တောင်ကိုရီးယားနိုင်ငံတို့နဲ့ ပူးပေါင်းဆောင်ရွက်မှုတွေ တိုးမြှင့်နိုင်ဖို့ လုပ်ဆောင်သွားမှာပါ။ ဂျပန်၊ တောင်ကိုရီးယားနဲ့အမေရိကန်ကြားပြုလုပ်တဲ့ ထိပ်သီးအစည်းအဝေးက အခြားတစ်နိုင်ငံကို ဆန့်ကျင့်ဖို့ ရည်ရွယ်လုပ်ဆောင်တာမျိုးမဟုတ်ပါဘူး"လို့ပြောပါတယ်။
အဆိုပါ ထိပ်သီးအစည်းအဝေးအတွင်း ခေါင်းဆောင်တွေဟာ တစ်ဦးချင်းစီ သီးသန့်တွေ့ဆုံခဲ့ကြောင်း၊ တောင်ကိုရီးယား နဲ့ ဂျပန်ဝန်ကြီးချုပ်တို့ဟာ တရုတ်နိုင်ငံရဲ့ တောင်တရုတ်ပင်လယ်မှာ အန္တရာယ်ရှိတဲ့ အပြုအမူတွေကို တိုက်ဖျက်နိုင်ဖို့ အတူတကွ ပူးပေါင်းဆောင်ရွက်ဖွယ်ရှိနေကြောင်း အမေရိကန်သမ္မတကပြောပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ငါးမျှားနေစဉ်ရေဆင်းကူးရာမှ အမျိုးသားတစ်ဦး ရေနစ်သေဆုံးမှု မင်္ဂလာဒုံမြို့နယ်တွင်ဖြစ်ပွား
RELATED POSTS
04 Oct 2024 | နိုင်ငံရေး,ပြည်တွင်း
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ