ယူကရိန်းကို အက်ဖ် ၁၆ တိုက်လေယာဉ်များကူညီပံ့ပိုးပေးဖို့ ဒိန်းမတ် နဲ့ နယ်သာလန်နိုင်ငံတို့ကို အမေရိကန်အစိုးရ ခွင့်ပြုပေးခဲ့ဟုဆို
ဂျန်ဇက် (NSS) - သြဂုတ် ၁၈
အမေရိကန်အစိုးရဟာ ဒိန်းမတ် နဲ့ နယ်သာလန်နိုင်ငံတို့ကို ယူကရိန်းနိုင်ငံထံ အက်ဖ် ၁၆ တိုက်လေ ယာဉ်များ ကူညီပံ့ပိုးပေးဖို့ ခွင့်ပြုပေးလိုက်ကြောင်း အမေရိကန်အစိုးရတာဝန်ရှိသူတစ်ဦးက ထုတ်ဖော်ပြောဆိုလိုက်ပါတယ်။
ယူကရိန်းဟာ လေကြောင်းတိုက်ခိုက်မှုတွေမှာ ရုရှားတိုက်လေယာဉ်တွေကို ယှဉ်ပြိုင်နိုင်ဖို့ အမေရိကန်ထုတ် တိုက်လေယာဉ်များ ရယူလိုနေကြောင်း သိရပါတယ်။
အမေရိကန်ဟာ ဒိန်းမတ် နဲ့ နယ်သာလန်နိုင်ငံတို့ကို တတိယမြောက်နိုင်ငံထံ အမေရိကန်ထုတ်အက်ဖ် ၁၆ တိုက် လေယာဉ်များလွှဲပြောင်းကူညီပေးဖို့ ခွင့်ပြုပေးခဲ့ခြင်းဖြစ်ကြောင်း၊ ယူကရိန်းလေယာဉ်မှူးများအနေနဲ့ အက်ဖ် ၁၆ တိုက်လေယာဉ်များနဲ့ လေ့ကျင့်မှုများပြုလုပ်ချိန်မှာ အက်ဖ် ၁၆ တိုက် လေယာဉ်များ လက်ခံရရှိတော့မှာဖြစ်ကြောင်း သိရပါတယ်။
အမေရိကန်နိုင်ငံခြားရေးဝန်ကြီးအန်တိုနီဘလီကန်ဟာ ဒိန်းမတ် နဲ့ နယ်သာလန်နိုင်ငံတို့ကို ၎င်းတို့ရဲ့တောင်းဆိုချက်အပေါ်ခွင့်ပြုကြောင်း စာရေးသားပေးပို့ခဲ့ကြောင်း သိရပါတယ်။ ဒိန်းမတ် နဲ့ နယ်သာလန်နိုင်ငံတို့ဟာ ယူကရိန်းကို အက်ဖ် ၁၆ တိုက်လေယာဉ်များ ကူညီပေးလိုပေမယ့် အက်ဖ် ၁၆ တိုက်လေယာဉ်များကို ထုတ်လုပ်တဲ့မိခင်နိုင်ငံဖြစ်တဲ့ အမေရိကန်အစိုးရထံ ခွင့်ပြုချက်တောင်းခံခဲ့ရကြောင်း သိရပါတယ်။
အမေရိကန်နိုင်ငံခြားရေးဝန်ကြီး အန်တီုနီဘလီကန်က "အမေရိကန်အစိုးရအနေနဲ့ အက်ဖ် ၁၆ တိုက်လေယာဉ်တွေကို ယူကရိန်းထံ ကူညီပေးဖို့ အပြည့်ဝထောက်ခံပါတယ်။ ယူကရိန်းတိုက်လေယာဉ်မှူးတွေကို အက်ဖ် ၁၆ တိုက်လေယာဉ်တွေနဲ့ လေ့ကျင့်သင်ကြားပြီးချိန်မှာ လွှဲပြောင်းပေးမှာပါ။ ယူကရိန်းနိုင်ငံဟာ အချုပ်အခြာအာဏာပိုင်နက်ချိုးဖောက်ခံရမှုအပြင် ရုရှားနိုင်ငံရဲ့ရန်လိုမှုတွေကို ကာကွယ်နိုင်စွမ်းရှိဖို့ အဓိကအရေးကြီးပါတယ်" လို့ ပြောပါတယ်။
အမေရိကန်သမ္မတ ဂျိုးဘိုင်ဒန်ဟာ ယူကရိန်းလေယာဉ်မှူးတွေကို အက်ဖ် ၁၆ တိုက်လေယာဉ်များနဲ့ လေ့ကျင့်သင်ကြားပေးဖို့ စီစဉ်ခဲ့ပေမယ့် တိုက်လေယာဉ်တွေကို ဘယ်အချိန်မှာ လွှဲပြောင်းပေးမယ်ဆိုတဲ့အချက်ကို သတ်မှတ်ချက်မရှိသေးပါဘူး။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရန်ကုန်-မန္တလေး ရထားလမ်းပိုင်း၌ လက်လုပ်မိုင်းပေါက်ကွဲမှုကြောင့် ကွန်တိန်နာ ကုန်တင်ရထား တိမ်းမှောက်မှုဖြစ်ပွား
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ