နိုင်ဂျာနိုင်ငံတွင် စစ်ရေးအရ ဝင်ရောက်စွက်ဖက်ရန်အတွက် တပ်ဖွဲ့ဝင်များကို စတင်စုဆောင်းနေပြီဖြစ်ကြောင်း (ECOWAS) အဖွဲ့ပြော
Pika (NSS) - သြဂုတ် ၁၇
အနောက်အာဖရိကနိုင်ငံများ စီးပွားရေးအသိုင်းအဝိုင်း(ECOWAS) သည် အာဏာသိမ်းမှုများဖြစ်ပွားခဲ့သော နိုင်ဂျာနိုင်ငံတွင် သမ္မတမိုဟာမက်ဘာဇွန် ပြန်လည်အုပ်ချုပ်စေရန် ရည်ရွယ်သည့် စစ်ရေးအရဝင်ရောက်စွက်ဖက်မှုများ လုပ်ဆောင်ရန်အတွက် တပ်ဖွဲ့ဝင်များကို စတင်စုဆောင်းနေပြီဖြစ်ကြောင်း ထုတ်ပြန်ကြေညာခဲ့သည်။
ကာကွယ်ရေးဦးစီးချုပ်များ ကော်မတီ (CCDC) သည် နိုင်ဂျာနိုင်ငံတွင် ဖွဲ့စည်းပုံအခြေခံဥပဒေပြန်လည်စတင်စေရန် စစ်ရေးအရ ဝင်ရောက်စွက်ဖက်မှုများ လုပ်ဆောင်ရန်အတွက် တပ်ဖွဲ့ဝင်များကို စတင်စုဆောင်းနေပြီဖြစ်ကြောင်း (ECOWAS) က ပြောကြားခဲ့သည်။
ECOWAS က "(CCDC) ဟာ ဂါနာနိုင်ငံ AccraAccra မြို့မှာ ဩဂုတ်လ(၁၇)ရက် နှင့် (၁၈)ရက်တို့တွင် တွေ့ဆုံမှာ ဖြစ်ပြီး နိုင်ဂျာမှာ တပ်ဖွဲ့ဝင်တွေ ဖြန့်ကျက်ချထားမယ့်အစီအစဉ်တွေကို အပြီးသတ်ဆွေးနွေးသွားနိုင်ဖွယ်ရှိနေပါ တယ်" ဟု ပြောခဲ့သည်။
ECOWAS ၏ စစ်ဘက်ဆိုင်ရာအကြီးအကဲများသည် နိုင်ဂျာနိုင်ငံတွင် စစ်ရေးအရ ဝင်ရောက်စွက်ဖက်မည့် အစီအစဉ်များကို ဩဂုတ်လ(၄)ရက်တွင် အပြီးသတ်ဆွေးနွေးခဲ့ပြီး တပ်ဖွဲ့ဝင်များ စုဆောင်းတော့မည်ဖြစ်ကြောင်း ဩဂုတ်လ(၁ဝ)ရက်တွင် ထုတ်ပြန်ကြားခဲ့သည်။
ECOWAS သည် တပ်ဖွဲ့ဝင်(၂၅ဝဝဝ) ခန့်ကို စုဆောင်းထားပြီး အများစုမှာ နိုင်ဂျီးရီးယားနိုင်ငံမှဖြစ်ကြောင်း သိရသည်။ ဇူလိုင်လ(၂၆)ရက်တွင် နိုင်ဂျာစစ်ခေါင်းဆောင်များသည် ဒီမိုကရေစီနည်းကျ ရွေးကောက်တင်မြှောက် ထားသော သမ္မတမိုဟာမက်ဘာဇွန်ကို ဖြုတ်ချကာာ အာဏာသိမ်းယူခဲ့ကြောင်း သိရသည်။ မိုဟာမက်ဘာဇွန် သည် နိုင်ငံအတွင်းရှိ အကြမ်းဖက်အဖွဲ့များကို ချေမှုန်းနိုင်ခြင်းမရှိကြောင်း နှင့် ကိုလိုနီအာဏာရှင်ဟောင်း ပြင်သစ် နှင့် ပူးပေါင်းဆောင်ရွက်မှုများ လုပ်ဆောင်နေခြင်းကြောင့် ဖမ်းဆီးထိန်းသိမ်းကာ အာဏာကိုသိမ်းယူခဲ့ခြင်းဖြစ်ကြောင်း နိုင်ဂျာစစ်အစိုးရ က ပြောကြားခဲ့သည်။
အာဖရိကသမဂ္ဂသည် နိုင်ဂျာအရေးနှင့်ပတ်သက်ပြီး ECOWAS ၏ စစ်ရေးအရဝင်ရောက်စွက်ဖက်မှုများကို ထောက်ခံရန် ငြင်းဆိုခဲ့ကြောင်းလည်း သိရသည်။ နိုင်ဂျီးရီးယားအထက်လွှတ်တော်ကလည်း နိုင်ဂျာတွင် စစ်ရေး အရ ဝင်ရောက်စွက်ဖက်ခြင်းများ မလုပ်ဆောင်ရန် ပြောဆိုထားပြီး အဆိုပါအကျပ်အတည်းကို သံတမန်ရေးအရ ဖြေရှင်းရန်အတွက် နည်းလမ်းများကိုရှာဖွေရန် နိုင်ဂျီးရီးယားသမ္မတ Bola Tinubu ကို တိုက်တွန်းခဲ့ကြောင်း သိရသည်။
အဖွဲ့ဝင်နိုင်ငံ အများအပြားတွင် သဘောထားကွဲလွဲမှုများရှိနေသော်လည်း ECOWAS သည် ၎င်း၏ ခြေလှမ်းများကို ဆက်လက်လုပ်ဆောင်လျက်ရှိနေကြောင်း သိရသည်။ Chad နှင့် Guinea နိုင်ငံတို့သည် နိုင်ဂျာကို ပိတ်ဆို့အရေးယူ မှုများ လုပ်ဆောင်ရန် နှင့် ကြားဝင်စွက်ဖက်မှုများပြုလုပ်ရန် ငြင်းဆိုထားပြီး ဘာကီနာဖာဆို နှင့် မာလီနိုင်ငံတို့ ကလည်း နိုင်ဂျာကိုဆန့်ကျင်သည့် မည်သည့်စစ်ရေးလှုပ်ရှားမှုများကိုမဆို ၎င်းတို့အပေါ် စစ်ကြေညာခြင်းမျိုးအဖြစ် မှတ်ယူသွားမည်ဖြစ်ကြောင်း ပြောဆိုခဲ့သည်။
နိုင်ဂျာစစ်ခေါင်းဆောင် Abdourahamane Tchiani သည် နိုင်ငံတွင်းသို့ ကျူးကျော်ဝင်ရောက်လာနိုင်ဖွယ်ရှိသော ECOWAS ၏ ကျူးကျော်မှုများကိုတွန်းလှန်ရန် နိုင်ငံတွင်းရှိ စေတနာ့ဝန်ထမ်းများကို တိုက်တွန်းတောင်းဆိုခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အီတလီနိုင်ငံတွင် ထိုးသတ်ရန် စီစဉ်ထားသောပွဲကို ဇူကာဘတ် ငြင်းဆိုခဲ့ဟု အီလွန်မတ် ထုတ်ဖော်ပြော
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ