ရာထူးက ဖြုတ်ချထားတဲ့ သမ္မတကို နိုင်ငံတော်သစ္စာဖောက်ဖျက်မှုနဲ့ တရားစွဲသွားမှာဖြစ်တယ်လို့ နိုင်ဂျာစစ်ကောင်စီပြော
ဂျန်ဇက် (NSS) - ဩဂုတ် ၁၄
နိုင်ဂျာစစ်အစိုးရအနေနဲ့ ရာထူးက ဖြုတ်ချခံထားရတဲ့ သမ္မတ မိုဟာမက်ဘာဇွန်ကို နိုင်ငံတော်အမြင့်ဆုံး သစ္စာဖောက်ဖျက်မှုနဲ့ တရားစွဲဆိုသွားမှာဖြစ်ကြောင်း ထုတ်ဖော်ပြောဆိုလိုက်ပါတယ်။
နိုင်ဂျာစစ်ကောင်စီဟာ ဒေသအတွင်းအခက်အခဲတွေကို ဖြေရှင်းနိုင်ဖို့ အနောက်အာဖရိကနိုင်ငံများအဖွဲ့နဲ့ တွေ့ဆုံဆွေးနွေးဖို့ လမ်းကြောင်းဖွင့်လှစ်ထားတယ်လို့ ပြောဆိုခဲ့ပြီးနောက် နာရီပိုင်းအကြာမှာပဲ သမ္မတဟောင်းဘာဇွန်ကို နိုင်ငံတော်သစ္စာဖောက်ဖျက်မှုနဲ့ တရားစွဲဆိုဖို့ စီစဉ်နေတာဖြစ်ကြောင်း ပြောဆိုခဲ့ပါတယ်။ နိုင်ဂျာစစ်ကောင်စီရဲ့ပြောရေးဆိုခွင့်ရှိသူ ဗိုလ်မှူးချုပ် Amadou Abdramane က သမ္မတဘာဇွန်ကို နိုင်ငံအပေါ် သစ္စာဖောက်ဖျက်မှုအပြင် နိုင်ငံလုံခြုံရေးထိခိုက်နစ်နာအောင်လုပ်ဆောင်မှုတွေနဲ့ တရားစွဲ ဆိုသွားမှာဖြစ်ကြောင်းပြောပါတယ်။
သမ္မတ ဘာဇွန်ဟာ ဇူလိုင်လ ၂၆ ရက်မှာ စစ်တပ်ရဲ့အာဏာသိမ်းယူခြင်းခံရကာ ရာထူးက ဖြုတ်ချခံခဲ့ရပြီး အဲဒီအချိန်ကတည်းကနေ အိမ်အကျယ်ချုပ်နဲ့နေထိုင်နေရကြောင်းသိရပါတယ်။ နိုင်ဂျာမှာအာဏာ သိမ်းမှုဖြစ်ပွားခဲ့ပြီးနောက်ပိုင်း အနောက်အာဖရိကနိုင်ငံများ စီးပွားရေးအဖွဲ့ ECOWAS က သမ္မတကို ပြန်လွှတ်ပေးဖို့ နဲ့ ပြန်မလွှတ်ပေးဘူးဆိုရင် စစ်ရေးနည်းလမ်းအသုံးပြုမယ်လို့ ခြိမ်းခြောက်ထားပြီး လက်ရှိအချိန်မှာ စစ်တပ်တွေကို အဆင့်သင့်အနေထားနဲ့ရှိနေဖို့ ညွှန်ကြားထားကြောင်းသိရပါတယ်။
နိုင်ဂျာနိုင်ငံအပေါ် စစ်ရေးနည်းလမ်းအသုံးပြုမယ့်အစီအစဉ်ကို အာဖရိကတိုက်အတွင်းရှိ နိုင်ငံတွေကြား မှာလည်း သဘောထားကွဲလွှဲမှုတွေဖြစ်ပွားနေကြောင်းသိရပါတယ်။ အမေရိကန်အစိုးရအပါအဝင် အနောက်အုပ်စုနိုင်ငံတွေကတော့ အာဏာသိမ်းမှုကို ပြစ်တင်ရှုတ်ချထားပြီး နိုင်ဂျာသမ္မတနဲ့မိသားစုအပြင် ဖြုတ်ချခံရတဲ့ နိုင်ဂျာအစိုးရအဖွဲ့တာဝန်ရှိသူများကို ဘေးကင်းလုံခြုံမှုဖြစ်အောင်လုပ်ဆောင်ဖို့ တိုက်တွန်းတောင်းဆိုထားပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရန်ကင်းပညာရေးကောလိပ်ရှိ အလုံပိတ်စတိုခန်းအတွင်း၌ အမိုးနီးယားဓာတ်ငွေ့ ယိုစိမ့်မှုဖြစ်ပွား
RELATED POSTS
04 Oct 2024 | နိုင်ငံရေး,ပြည်တွင်း
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း