စာသင်ပေးနေသည့်ဆရာမတစ်ဦးကို PDF အဖွဲ့က ကျောင်းအပြင်သို့ခေါ်ထုတ်ကာ သေနတ်ဖြင့် အနီးကပ် ပစ်သတ်မှုဖြစ်ပွား
NSS - သြဂုတ် ၆
စာသင်ပေးနေသည့်ဆရာမတစ်ဦးကို PDF အဖွဲ့က ကျောင်းအပြင်သို့ခေါ်ထုတ်ကာ သေနတ်ဖြင့် အနီးကပ် ပစ်သတ်မှု မန္တလေးတိုင်း၊ နွားထိုးကြီးမြို့နယ်၌ ဖြစ်ပွားခဲ့ကြောင်း သတင်းရရှိသည်။
ဖြစ်စဉ်မှာ ယနေ့(သြဂုတ် ၆ ရက်) နံနက် ၁ဝ နာရီအချိန်ခန့်တွင် နွားထိုးကြီးမြို့နယ်၊ ခက်လန်းကျေးရွာအုပ်စု၊ မြိုင်သာကျေးရွာရှိ အခြေခံပညာမူလတန်းကျောင်းအနီးတွင် ဖြစ်ပွားခဲ့ကြောင်း လုံခြုံရေးအဖွဲ့နှင့်နီးစပ်သူများက ပြောသည်။
မူလတန်းပြကျောင်းဆရာမဖြစ်သူ ဒေါ်နန်းလှဝင်းသည် Grade 4 ကျောင်းသား၊ ကျောင်းသူများကို စာသင်ကြားပေး နေစဉ်အချိန်တွင် PDF အဖွဲ့ဝင် (၂)ဦးက ဆိုင်ကယ်တစ်စီးဖြင့် အမက(မြိုင်သာကျေးရွာ)ကျောင်းသို့ ရောက်ရှိလာခဲ့ ကြောင်း သိရသည်။
ထို့နောက် PDF အဖွဲ့ဝင် (၂)ဦးသည် ဆရာမဒေါ်နန်းလှဝင်းအား ကျောင်းအပြင်သို့ ခေါ်ထုတ်သွားပြီးနောက် ဆရာမ၏ ဦး ခေါင်းအား သေနတ်ဖြင့် အနီးကပ် ပစ်သတ်သွားခဲ့ကြောင်း သိရသည်။
၎င်းကဲ့သို့ ပစ်ခတ်ခံရမှုကြောင့် ဆရာမဒေါ်နန်းလှဝင်း၏ ဦးခေါင်းတွင် ကျည်ဖောက်ဝင်ဒဏ်ရာ (၂)ချက်ရရှိကာ အခင်းဖြစ်ပွားနေရာ၌ပင် ဆုံးပါးသွားခဲ့ကြောင်း သိရသည်။
“ဖြစ်စဉ် ဖြစ်သွားတာက မှန်ပါတယ်။ ကျောင်းဆရာမပါ။ ဒီနေ့မနက်ကမှ ဖြစ်သွားတာ။ ဆရာမအလောင်းကိုတော့ ရွာက ကား နဲ့ ဆေးရုံကို ပို့ပေးတယ်။ ပြီးတော့ အလောင်းကို ရွာပြန်သယ်လာပြီးတော့ သူနေအိမ်ကို ပို့ပေးလိုက်တယ်လို့ သိရတယ်” ဟု မြိုင်သာကျေးရွာဒေသခံတစ်ဦးက NP News ကို ပြောသည်။
ဆရာမဒေါ်နန်းလှဝင်းသည် အသတ်ခံရချိန်၌ အသက်(၅ဝ)နှစ်အရွယ် ရှိပြီဖြစ်ကြောင်း သိရပြီး အဆိုပါကျောင်း၌ မူလတန်း ပြဆရာမ/ ယာယီကျောင်းတာဝန်ခံအဖြစ် တာဝန်ယူ စာသင်ကြားပေးနေသူဖြစ်ကြောင်း သိရသည်။
မြန်မာနိုင်ငံတွင် ၂ဝ၂၁ ခုနှစ် ဖေဖော်ဝါရီလမှ စတင်ခဲ့သော နိုင်ငံရေးပဋိပက္ခများကြောင့် ကလေးသူငယ် ကျောင်းသား၊ ကျောင်းသူများကို စာသင်ကြားပေးနေသည့် ဆရာ၊ ဆရာမ (၁ဝဝ)နီးပါး အကြမ်းဖက်သတ်ဖြတ်ခြင်း ခံခဲ့ရသည်။
စာသင်ကျောင်းများနှင့် ဆရာ/ဆရာမများကို ဖျက်ဆီးသတ်ဖြတ်ခြင်းလုပ်ရပ်များသည် အနာဂတ်တိုင်းပြည်၏ ကံကြမ္မာကို အဆိုးဘက်သို့ တွန်းပို့ခြင်းဖြစ်ကြောင်းနှင့် ယင်းကဲ့သို့ အပြုအမူများကို လက်မခံသင့်ကြောင်း တိုင်းရင်းသားစည်းလုံးညီ ညွတ်ရေးပါတီမှ အထွေထွေအတွင်းရေးမှူးဦးထွန်းရီက NP News ကို ပြောသည်။
“ဘယ်သူပဲဖြစ်ဖြစ်ပေါ့ တရားမဲ့ အလုပ်ခံရတယ်ဆိုတဲ့ဟာက ကောင်းတဲ့ကိစ္စတော့မဟုတ်ပါဘူး။ အထူးသဖြင့် ဆရာ/ဆရာမတွေဆိုတာက အများကို ဒုက္ခပေးတာမဟုတ်ဘဲနဲ့ တိုင်းပြည်ရဲ့အနာဂတ်အညွန့်အဖူးလေးတွေကို ပြုစုပျိုးထောင်ပေးနေတဲ့အပိုင်းတွေပေါ့။ အဲဒီအပိုင်းတွေကို လုပ်တာကတော့ တိုင်းပြည်အတွက် ကောင်းတဲ့ အလားအလာမဟုတ်ဘူး။ လက်ခံသင့်တဲ့ ကိစ္စမဟုတ်ဘူး”ဟု ဦးထွန်းရီက ပြောသည်။
နိုင်ငံတော် တာဝန်ယူထားသည့် နစကအစိုးရအနေဖြင့် အကြမ်းဖက်သတ်ဖြတ်ခြင်း ခံနေရသည့် ဆရာ၊ ဆရာမများ အပေါ် အပြည့်အဝကာကွယ်ပေးနိုင်ခြင်းမရှိသကဲ့သို့ အကြမ်းဖက်သမားများကလည်း ဆရာ၊ ဆရာမများကို ဆက်လက်အကြမ်းဖက်သတ်ဖြတ်နေဆဲဖြစ်သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
(၆) လသက်တမ်းတိုးတဲ့ နစကရဲ့ ကောင်စီအစိုးရ ပြင်ဆင်စုဖွဲ့မှုနဲ့ ဒေါ်အောင်ဆန်းစုကြည်အပေါ် ဖြေလျော့ခြင်း အနာဂတ် (PK Show)
RELATED POSTS
24 Sep 2024 | မှုခင်း,ပြည်တွင်း
20 Sep 2024 | မှုခင်း,ပြည်တွင်း