စပါးခွံလောင်စာသုံး Gasifier အများဆုံး အသုံးပြုနေသည့်ဒေသမှာ ဧရာဝတီတိုင်းဖြစ်ပြီး စက်ရုံပေါင်း (၅ဝဝ)ခန့် ရှိနေဟုဆို
ယွန်း (NSS) - ဇူလိုင် ၂၅
စပါးခွံလောင်စာသုံး Gasifier အများဆုံးအသုံးပြုနေသည့်ဒေသမှာ ဧရာဝတီတိုင်းဖြစ်ပြီး စက်ရုံပေါင်း (၅ဝဝ) ခန့်ရှိ နေကြောင်း တိုင်းဒေသကြီးဝန်ကြီးချုပ် အသိပေးပြောကြားခဲ့သည်။
ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းက ပြီးခဲ့သည့် ဇူလိုင်(၂၃)ရက်တွင် မြောင်းမြခရိုင်အတွင်းရှိ စပါးခွံလောင်စာသုံး Gasifier ဖြင့် ဆန်စက်လည်ပတ်နေမှုများကို ကြည့်ရှုစဥ် အထက်ပါကဲ့သို့ပြောခဲ့ခြင်းဖြစ်သည်။
ဧရာဝတီတိုင်းသည် Gasifier ဖြင့်လည်ပတ်သည့် စက်ရုံပေါင်း(၅ဝဝ)ခန့်ရှိပြီး Gasifier အများဆုံး အသုံးပြုနေသည့် တိုင်းဒေသကြီးဖြစ်ကြောင်း ဦးတင်မောင်ဝင်းက အသိပေးပြောကြားခဲ့သည်။
ထို့ပြင် Gasifier အသုံးပြု၍ လျှပ်စစ်လိုအပ်ချက်အတွက် တစ်ဖက်တစ်လမ်းမှ ဖြည့်ဆည်းဆောင်ရွက်ပေးနေ ကြောင်း သိရသည်။
ဆန်စက်များအနေဖြင့်လည်း Gasifier အသုံးပြု၍ လည်ပတ်ခြင်းသည် ထုတ်ကုန်များတိုးမြှင့်ထုတ်လုပ်နိုင်သည်ကို တွေ့မြင်ရကြောင်း ၎င်းက ဆက်လက်ပြောကြားထားသည်။
ထို့ပြင် Gasifier စနစ်မှ ထွက်ရှိသည့် စွန့်ပစ်ပစ္စည်းများကြောင့် သဘာဝပတ်ဝန်းကျင်ထိခိုက်ညစ်ညမ်းမှု မရှိစေရေး နှင့်သတ်မှတ်ထားသည့် စည်းမျဥ်း၊ စည်းကမ်းများနှင့်အညီ လည်ပတ်ရန် ဝန်ကြီးချုပ်က တိုက်တွန်းပြောကြားထား သည်။
နစကဥက္ကဋ္ဌအနေဖြင့်လည်း နိုင်ငံအတွင်း စပါးခွံလောင်စာသုံး Gastifire ဖြင့် လျှပ်စစ်ဓာတ်အားထုတ်လုပ်ခြင်းကို လက်တွေ့အသုံးချနိုင်မည်ဆိုပါက အားပေးဆောင်ရွက်သွားမည်ဖြစ်ကြောင်း ပြီးခဲ့သည့် ဒီဇင်ဘာလက ပြောကြားခဲ့သည်။
လက်ရှိအချိန်၌ စပါးခွံလောင်စာသုံးလျှပ်စစ်ဓာတ်အားပေးစက်ရုံကို မြောင်းမြမြို့၌ မြန်မာ-ဂျပန်ပူးပေါင်းပြီး တည်ဆောက်လျက်ရှိရာ လုပ်ငန်းများပြီးစီး၍ စက်ရုံလည်ပတ်ပါက ပိုလျှံသော ဓာတ်အားများကို နိုင်ငံတော်မဟာ ဓာတ်အားလိုင်းသို့ ရောင်းချသွားရန်ရှိကြောင်း သိရသည်။ အဆိုပါစက်ရုံအား စမ်းသပ်မောင်းနှင်ခဲ့ရာတွင် လျှပ်စစ် ဓာတ်အား ၁ ဒသမ ၆ မဂ္ဂါဝပ်ရရှိခဲ့ကြောင်းသိရသည်။
ထို့ပြင် လွန်ခဲ့သည့် ၂ဝ၁၇ ခုနှစ်ကလည်း ဝ ဒသမ ၅ မဂ္ဂါဝပ် လျှပ်စစ်ဓာတ်အား ထုတ်လုပ်နိုင်မည့် စပါးခွံလောင်စာသုံး လျှပ်စစ်ဓာတ်အားပေးစက်ရုံကို ဂျပန်နိုင်ငံ အကူအညီဖြင့် နေပြည်တော်တွင် တည်ဆောက်ဖွင့်လှစ်ခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ကိုဗစ်(၁၉)ကူးစက်ခံထားရသည့်အတွက် ထိုင်ဝမ်သမ္မတ သွားရောက်ရန်စီစဉ်ထားသည့်ခရီးစဉ်ကို ဖျက်သိမ်း
RELATED POSTS
20 Sep 2024 | စီးပွားရေး,ပြည်တွင်း
14 Sep 2024 | စီးပွားရေး,ပြည်တွင်း
14 Sep 2024 | စီးပွားရေး,နိုင်ငံတကာ
12 Sep 2024 | စီးပွားရေး,ပြည်တွင်း