ပုသိမ်တံတားအမှတ် (၂)ပေါ်မှ ခုန်ချသွားသည့် အမျိုးသား၏အလောင်းအား ပြန်လည်တွေ့ရှိ
စော (NSS) - ဇူလိုင် ၂၄
ဧရာဝတီတိုင်း၊ ပုသိမ်မြို့၊ ပုသိမ်တံတားအမှတ် (၂)ပေါ်မှ ခုန်ချသွားသည့် အမျိုးသား၏ အလောင်းအား ပြန်လည်ရှာတွေ့ခဲ့ကြောင်း သတင်းရရှိသည်။
အဆိုပါ အမျိုးသားသည် ယနေ့(ဇူလိုင်လ ၂၄ ရက်)၊ နံနက် (၉)နာရီဝန်းကျင်တွင် ငပုတောမြို့နယ် ရေတွင်းကုန်းလေးကျွန်းထိပ်၌ အလောင်းပေါ်လာခဲ့ခြင်းဖြစ်ကြောင်း မြန်မာနိုင်ငံလူမှုကယ်ဆယ်ရေးအဖွဲ့ (ပုသိမ်)ထံမှ သိရသည်။
၎င်းသည် ပြီးခဲ့သည့် ဇူလိုင်လ ၂၁ ရက်၊ ည (၈)နာရီအချိန်တွင် အဆိုပါတံတားပေါ်မှ ခုန်ချသွားခဲ့ခြင်းဖြစ်ကြောင်း သိရသည်။
“ဒီနေ့ မနက်ပိုင်းလောက်မှာ အလောင်းကပြန်ပေါ်လာတာပေါ့။ ပြင်ပဒဏ်ရာတော့မတွေ့ပါဘူး။ အလောင်းက ဝဲထဲကို ပြန်မျောပါသွားလို့ စက်လှေနဲ့ ပြန်သယ်လာခဲ့ပါတယ်”ဟု မြန်မာနိုင်ငံလူမှုကယ်ဆယ်ရေးအဖွဲ့ (ပုသိမ်)မှ တာဝန်ရှိသူတစ်ဦးက NP News ကိုပြောသည်။
သေဆုံးသူသည် အသက် (၂၀)ဝန်းကျင်အရွယ်ရှိ အမျိုးသားတစ်ဦးဖြစ်ပြီး ပုသိမ်မြို့နယ်၊ အမှတ် (၁)ရပ် ကွက် ကိုးသောင်း (၅)လမ်းတွင် နေထိုင်ကြောင်း သိရသည်။
၎င်း၏ရုပ်အလောင်းအား ပုသိမ်ပြည်သူ့ဆေးရုံကြီး ရင်ခွဲရုံသို့ ပို့ဆောင်ထားကြောင်း သိရသည်။
အလားတူ ပဲခူးတိုင်း၊ ကြို့ပင်ကောက်မြို့နယ်၊ သာလှပင်စီကျေးရွာ၌ ယနေ့(ဇူလိုင်လ ၂၄ ရက်)တွင် အသက်(၁၈)နှစ်အရွယ် အမျိုးသမီးတစ်ဦး နေအိမ်ခြံဝန်းရှိ ရေကန်၌ ရေနစ်သေဆုံးခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တောင်သာမြို့နယ်တွင် အမျိုးသားတစ်ဦးကို PDF မှ သေနတ်ဖြင့် ပစ်သတ်ခဲ့ဟု ရဲတပ်ဖွဲ့ဆို
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ