မုန်တိုင်းကြောင့် ပျက်စီးခဲ့သော ဦးရာဇ်တော်ကြိုးတံတားပေါ်မှ အမျိုးသားတစ်ဦး ချောင်းအတွင်းသို့ ပြုတ်ကျ၍ ပျောက်ဆုံးနေ
သန့်ဇင် (NSS) - ဇူလိုင် ၁ဝ
ရခိုင်ပြည်နယ်၊ ပုဏ္ဏားကျွန်းမြို့ရှိ မုန်တိုင်းကြောင့်ပျက်စီးခဲ့သော ဦးရာဇ်တော်ကြိုးတံတားပေါ်မှ အရက်သောက်ထားသည့်အမျိုးသားတစ်ဦး ချောင်းအတွင်းသို့ပြုတ်ကျပျောက်ဆုံးနေကြောင်း PDYO လူမှုကယ်ဆယ်ရေးအသင်းထံမှ သိရသည်။
ဖြစ်စဉ်မှာ ယနေ့ (ဇူလိုင်လ ၁ဝ ရက်)၊ နံနက် ၈ နာရီခွဲအချိန်ခန့်တွင် ပုဏ္ဏားကျွန်းမြို့ရှိ ကင်းချောင်းအား သွယ်တန်းထားသော ဦးရာဇ်တော်ကြိုးတံတားတွင် အထက်ပါကဲ့သို့ဖြစ်ပွားခဲ့ကြောင်း သိရသည်။
“ကြိုးတံတားကတော့ ပြုပြင်နေတုန်းပေါ့။ သူကမူးပြီးတော့ဖြတ်တယ်။ အဲဒီမှာကင်းချောင်းထဲကို ပြုတ်ကျသွားတာပါ” ဟု ပုဏ္ဏားကျွန်းလူငယ်များဖွဲ့ဖြိုးတိုးတက်ရေးအသင်း (PDYO)မှ တာဝန်ရှိသူတစ်ဦးက NP News သို့ပြောသည်။
အဆိုပါချောင်းအတွင်းသို့ ပြုတ်ကျသူသည် အသက်(၄၆)နှစ်အရွယ်ရှိ ဦးထွန်းလှဆိုသူဖြစ်ပြီး အရက်မူးကာတံတားအား ဖြတ်ကူးစဉ်ပြုကျသွားခဲ့ကြောင်း သိရသည်။
လက်ရှိအချိန်ထိ ၎င်းအားရှာဖွေမတွေ့ရှိသေးကြောင်းနှင့် ရှာဖွေရေးများ ဆက်လက်လုပ်ဆောင်နေကြောင်းလည်း အထက်ပါအသင်းမှ ဆက်လက်ပြောဆိုထားသည်။
ဦးရာဇ်တော်ကြိုးတံတားသည် ပုဏ္ဏားကျွန်းမြို့နှင့် ဦးရာဇ်တော်ဘုရားကို ဆက်သွယ်ပေးထားသည့် ကြိုးတံတားဖြစ်ပြီး မိုခါမုန်တိုင်းတိုက်ခိုက်မှုကြောင့် ပျက်စီးခဲ့သော တံတားတစ်စင်းလည်းဖြစ်သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
လွိုင်ကော်မြို့၌ စကားများရန်ဖြစ်ရာမှ အမျိုးသားတစ်ဦး ဓားဖြင့်အခုတ်ခံရ၍ ထိခိုက်ဒဏ်ရာရရှိ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ