မြန်မာနိုင်ငံသား ၁ဝ ဦးကို ကားမှတ်တိုင်တွင် ဖမ်းမိခဲ့ကြောင်း မလေးရှားရဲတပ်ဖွဲ့ပြော
ဂျန်ဇက် (NSS) - ဇူလိုင် ၈
မလေးရှားရဲတပ်ဖွဲ့သည် နိုင်ငံအတွင်းရောက်ရှိနေထိုင်နေသော မြန်မာနိုင်ငံသား ၁ဝ ဦးကို ပြီးခဲ့သောရက်ပိုင်းက ကား မှတ်တိုင်တွင် ဖမ်းဆီးလိုက်ကြောင်း သိရသည်။
မလေးရှားရဲတပ်ဖွဲ့သည် Pasir Mas မြို့ Bandar Tasek Raja ကားမှတ်တိုင်တွင် ကားစောင့်နေသော အမျိုးသမီး သုံးဦး အပါအဝင် မလေးရှားနိုင်ငံအတွင်း တရားမဝင် နေထိုင်နေသော မြန်မာနိုင်ငံသား ၁ဝ ဦးကို ဖမ်းမိခဲ့ခြင်းဖြစ် ကြောင်း Pasir Mas ရဲတပ်ဖွဲ့အကြီးအကဲ ရဲမှူးကြီး Kama Azural Mohamed က ပြောသည်။
စုံစမ်းစစ်ဆေးမှုများအရ ၎င်းတို့အားလုံးသည် အသက် ၁၆ နှစ် နှင့် အသက် ၄၆ နှစ်အရွယ်ရှိ မြန်မာနိုင်ငံသားများ ဖြစ်ကြောင်း ရဲမှူးကြီး Kama Azural Mohamed က အတည်ပြုပြောဆိုခဲ့သည်။
၎င်းက "မြန်မာနိုင်ငံသား ၁ဝ ဦးဟာ မလေးရှားနိုင်ငံမှာ အလုပ်လုပ်ဖို့ ရေလမ်းကြောင်းကနေ ဝင်ရောက်ခဲ့တယ်လို့ ဝန်ခံထားတယ်။ စုံစမ်းစစ်ဆေးရာမှာအဲဒီ မြန်မာနိုင်ငံသားအားလုံးဟာ တရားဝင် အသိအမှတ်ပြု စာရွက်စာတမ်း တွေ မပါဘူး။ ထပ်မံစုံစမ်းစစ်ဆေးဖို့အတွက် အဲဒီမြန်မာနိုင်ငံသားအားလုံးကို ရဲစခန်းမှာ ဖမ်းဆီးထိန်းသိမ်းထား တယ်" ဟု ပြောသည်။
မလေးရှားရဲတပ်ဖွဲ့သည် မလေးရှားနိုင်ငံအတွင်းသို့ တရားမဝင် ဝင်ရောက်နေထိုင်သူများ ရှိနေကြောင်း သတင်းကို လက်ခံရရှိခဲ့ပြီးနောက် ဖမ်းဆီးနိုင်ခဲ့ခြင်းဖြစ်ပြီး ၎င်းတို့အားလုံးကို လူဝင်မှုကြီးကြပ်ရေးအက်ဥပဒေ ချိုးဖောက်မှုဖြင့် စွဲချက်တင်သွားမည်ဖြစ်ကြောင်း သိရသည်။
မြန်မာနိုင်ငံသားများသည် အာဆီယံဒေသအတွင်း နိုင်ငံများဖြစ်သော မလေးရှား နှင့် ထိုင်းနိုင်ငံတို့ကို သွားရောက် အလုပ်လုပ်ကိုင်ရန်အတွက် တရားမဝင် ဝင်ရောက်ရန်ကြိုးပမ်းမှုများရှိနေရာ မကြာခဏ ဖမ်းဆီးခံရကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဘာစီလိုနာလူငယ်ကလပ်နှင့် ယှဉ်ပြိုင်ရန်ရှိသည့် မြန်မာ့လက်ရွေးစင် ယူ ၁၂ အသင်းအတွက် အသက်ပြည့်မီသူ များ လာရောက်ရွေးချယ်ခံနိုင်ဟုဆို
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ