လူ(၈)ယောက်စာ စားပွဲတစ်ဝိုင်းလျှင် ငွေကျပ်(၂၅)သိန်းနှုန်းဖြင့် ကျင်းပရန် စီစဥ်ထားသည့် အဆိုတော်မျိုးကြီး နှင့် ဝိုင်ဝိုင်းတို့၏ ရှိုးပွဲရက် ရွှေ့ဆိုင်း
![](http://nssmy.com/original_post_images/f-2868-04-07-202364a405ce014ac.jpg)
NP News - ဇူလိုင် ၄
ရန်ကုန်မြို့ရှိ နိုဗိုတယ်ဟိုတယ်တွင် ကျင်းပမည်ဟု စီစဥ်ထားခဲ့သည့် အဆိုတော်မျိုးကြီးနှင့် ဝိုင်ဝိုင်းတို့၏ ရှိုးပွဲကို ရက်ကို ရွှေ့ဆိုင်းလိုက်ကြောင်း သိရသည်။
ယခင်က အဆိုပါပွဲကို လာမည့် ဇူလိုင်(၂၁)ရက်တွင် ကျင်းပသွားမည်ဟု စီစဥ်ထားခဲ့သော်လည်း အကြောင်း အမျိုးမျိုးကြောင့် ရက်ရွေ့ဆိုင်းလိုက်ပြီဖြစ်ကြောင်း သိရသည်။
“အဲဒီပွဲက postpone ဖြစ်သွားပြီရှင့် (၂၁)ရက်နေ့ မလုပ်တော့ပါဘူး။ cancel ဖြစ်သွားပါပြီ။ ဘာမှလည်း သေချာ မသိရသေးလို့ပါ (၂၁)ရက်နေ့ကတော့ မလုပ်တော့ပါဘူး” ဟု အဆိုပါရှိုးပွဲနှင့်ပတ်သက် ဆက်စပ်နွယ်သူတစ်ဦးက NP News ၏ မေးမြန်းမှုအပေါ် ပြန်လည်ဖြေကြားထားသည်။
ယခင်က အဆိုပါဖျော်ဖြေပွဲအား (၈) ဦး စားပွဲတစ်ဝိုင်းလျှင် မြန်မာငွေကျပ်(၂၅)သိန်းနှုန်း ကျသင့်မည်ဖြစ်ပြီး Iron Cross တေးဂီတဝိုင်းဖြင့် ဖျော်ဖြေသွားမည်ဟု စီစဥ်ထားခြင်းဖြစ်ကြောင်း သိရသည်။
ထို့ပြင် လူ(၈)ဦးစာ စားပွဲတစ်ဝိုင်း၏ ကုန်ကျမှုတွင် နိုဗိုတယ်ဟိုတယ်အခန်း(၂)ခန်း၊ စကော့ဝီစကီတစ်လုံး၊ ဘီယာ၊ ဝိုင်နှင့် အမြည်းများကိုလည်း free flow သုံးဆောင်နိုင်မည်ဖြစ်ကြောင်း သိရသည်။
၎င်းရှိုးပွဲနှင့်ပတ်သက်၍ ငွေကျပ်(၂၅)သိန်းကျသင့်မည်ဖြစ်သည့်အတွက် တစ်ဦးလျှင် ကျပ်သုံးသိန်းကျော် ကျသင့် မည်ဖြစ်ကြောင်း သိရသည်။
အဆိုတော်မျိုးကြီး နှင့် ဝိုင်ဝိုင်းတို့၏ ရှိုးပွဲအား ရက်ရွှေ့ဆိုင်းလိုက်ရခြင်း အကြောင်းရင်းကို သက်ဆိုင်သူများဘက်က တရားဝင် အသိပေးပြောဆိုထားခြင်း မရှိသေးသော်လည်း လူမှုကွန်ယက်စာမျက်နှာများပေါ်၌ လူတစ်စု၏ ဝေဖန် ပြစ်တင်နေမှုများကြောင့် ဖြစ်နိုင်ကြောင်း သုံးသပ်သူများလည်း ရှိနေသည်။
Iron Cross(IC) အဖွဲ့ကို ၁၉၉ဝ ခုနှစ်တွင် စတင်ဖွဲ့စည်းခဲ့ပြီး လက်ရှိတွင် (၃၃)နှစ်ပြည့်မြောက်ခဲ့ပြီးဖြစ်ကာ ပင်တိုင် အဆိုတော်များအဖြစ် လေးဖြူ၊ အငဲ၊ မျိုးကြီး နှင့် ဝိုင်ဝိုင်း တို့က ပါဝင်သီဆိုခဲ့ခြင်းဖြစ်သည်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယနေ့ ဇူလိုင်လ ၄ ရက်အတွက် သတင်းထူးများ
RELATED POSTS
17 Sep 2024 | အနုပညာ,နိုင်ငံတကာ
13 Sep 2024 | အနုပညာ,နိုင်ငံတကာ
04 Sep 2024 | အနုပညာ,နိုင်ငံတကာ