မြန်မာနိုင်ငံ၌ မူးယစ်ဆေးဝါးပပျောက်ရေးကို လုပ်ငန်းစဉ်(၂)ခုဖြင့် ဆောင်ရွက်နေဟု ရန်ကုန်တိုင်းဝန်ကြီးချုပ်ပြော
သန့်ဇင် (NSS) - ဇွန် ၂၇
မြန်မာနိုင်ငံ၌ မူးယစ်ဆေးဝါးပပျောက်ရေးကို လုပ်ငန်းစဉ်(၂)ခုဖြင့် ဆောင်ရွက်နေကြောင်း ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးစိုးသိန်းက ပြောဆိုခဲ့သည်။
၎င်းက ယနေ့ (ဇွန်လ ၂၆ ရက်)၊ နံနက်ပိုင်းတွင် ရန်ကုန်တိုင်း၊ လှိုင်သာယာမြို့နယ်၊ ကုန်တင်ယာဉ်ရပ်နားကွင်း၌ ပြုလုပ်သော အပြည်ပြည်ဆိုင်ရာ မူးယစ်ဆေးဝါးတိုက်ဖျက်ရေးနေ့ အခမ်းအနားတွင် အထက်ပါကဲ့သို့ပြောကြားခဲ့ခြင်းဖြစ်သည်။
မြန်မာနိုင်ငံတွင် မူးယစ်ဆေးဝါးပပျောက်ရေးလုပ်ငန်းများ ဆောင်ရွက်ရာ၌ ထုတ်လုပ်မှုပပျောက်ရေးနှင့် သုံးစွဲမှုပပျောက်ရေးလုပ်ငန်းစဉ်(၂)ခုဖြင့် ဆောင်ရွက်လျက်ရှိကြောင်း ဝန်ကြီးချုပ် ဦးစိုးသိန်းက ဆိုခဲ့သည်။
“ထုပ်လုပ်မှု ပပျောက်ရေးအတွက် တားဆီးနှိမ်နင်းရေးနှင့် စီမံခန့်ခွဲရေး၊ အစားထိုးဖွံ့ဖြိုးမှု အကောင်အ ထည်ဖော်ရေး၊ မွေးမြူရေး၊ သီးနှံအစားထိုးစိုက်ပျိုးရေးနဲ့ ဓာတုပစ္စည်းများ ထိန်းချုပ်ရေးလုပ်ငန်းများကို ဆောင်ရွက်လျက်ရှိပါတယ်”ဟု ဦးစိုးသိန်းက ပြောဆိုခဲ့သည်။
ထို့ပြင်မူးယစ်ဆေးဝါးသုံးစွဲမှုပပျောက်ရေး၌ မူးယစ်ဆေးဝါး အန္တရာယ်ကို ပြည်သူများအကြား ကျယ်ပြန့်စွာ သိရှိနိုင်ရန်နှင့် ထိန်းချုပ်နိုင်ရန်အတွက် ပြည်တွင်းအဖွဲ့အစည်း နိုင်ငံတကာအဖွဲ့စည်းများနှင့် ပူးပေါင်းဆောင်ရွက်နေကြောင်း ၎င်းကပြောဆိုထားသည်။
မူးယစ်ဆေးဝါးတားဆီးနှိမ်နင်းရေးလုပ်ငန်းများကို ထိန်းချုပ်နိုင်ရန် တပ်မတော်၊ မြန်မာနိုင်ငံရဲတပ်ဖွဲ့၊ အကောက်အခွန်ဦးစီဌာနတို့မှ ဌာနဆိုင်ရာ အဖွဲ့အစည်းများနှင့်ပူးပေါင်းကာ ဆောင်ရွက်လျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပျောက်ဆုံးနေသည့် (၉)လအရွယ်ကလေးငယ်ကို (၄)ရက်အကြာ၌ သေဆုံးလျက် ပြန်လည်တွေ့ရှိ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ