စုစုငြိမ်း (NSS) - အောက်တိုဘာ ၇

(၂၀၂၄) ခုနှစ် အောက်တိုဘာလ (၂) ရက်သည် မဟတ္တမဂန္ဒီ၏ (၁၅၅) နှစ်မြောက် မွေးနေ့ဖြစ်သည်။ Mohandas Karamchand Gandhi ကို (၁၈၆၉) ခုနှစ် အောက်တိုဘာလ (၂) ရက်နေ့တွင် Porbandar ၌မွေးဖွားခဲ့ပြီး လူမှုရေးတက်ကြွလှုပ်ရှားသူ၊ ခေါင်းဆောင်နှင့် အတွေးအခေါ်ပညာရှင်တစ်ဦးဖြစ်ကာ ကမ္ဘာပေါ်တွင် ငြိမ်းချမ်းရေးနှင့် တရားမျှ တမှု၏ အဓိကဦးဆောင်သူဖြစ်သည်။ မဟတ္တမဂန္ဒီအား ဂုဏ်ပြုသောအားဖြင့် Gandhi Jayanti ကို နှစ်စဉ် အောက် တိုဘာလ (၂) ရက်နေ့တွင်ကျင်းပကြသည်။ Albert Einstein က မဟတ္တမဂန္ဒီအကြောင်းကို “ဤကဲ့သို့ သောသူသည် ဤကမ္ဘာပေါ်တွင် သက်ရှိထင်ရှား ကျင်လည်ခဲ့သည်ကို နောင်လာနောက် သားမျိုးဆက်များအနေဖြင့် ယုံကြည်ရန်ခက် လိမ့်မည်”ဟု ပြောကြားခဲ့သည်။ 

“မဟာလူသား” သို့မဟုတ် “မဟတ္တမ” ဟု ခေါ် ဆိုသော ဂန္ဒီသည် မြန်မာနိုင်ငံသို့ (၁၉၀၂)၊ (၁၉၁၅) နှင့် (၁၉၂၉) ခုနှစ်တွင် သုံးကြိမ်တိုင်တိုင် လာရောက် လည်ပတ်ခဲ့သည်။ သူသည် မြန်မာပြည်သူပြည်သားများအား ချစ်ခင်မှုနှင့်စာနာမှု ရှိခဲ့သည်။ မြတ်စွာဘုရား၏ အဆုံးအမတို့သည် သူ့အား များစွာလွှမ်းမိုးခဲ့သည်။ မဟတ္တမဂန္ဒီ၏ ဗုဒ္ဓဘာသာဆိုင်ရာ တရား တော်များကို သမူဟဖြစ်မှုသည် ‘ဓမ္မ’ကိုအခြေခံသော တရားမျှတသောလူ့အဖွဲ့အစည်းအတွက် သူ၏အမြင်ကို ပုံဖော်ပေးသည်။

(၁၉၂၉) ခုနှစ် မတ်လ (၈) ရက်၌ မဟာဗန္ဓုလ ပန်းခြံတွင်ပြုလုပ်သော လူထုတွေ့ဆုံပွဲ၌ ၎င်းက ဗြိတိသျှ ကိုလိုနီအုပ်ချုပ်မှုကိုဆန့်ကျင်သည့် “Swaraj” သို့မဟုတ် “ကိုယ်ပိုင်အုပ်ချုပ်မှု”ဟူသော သတင်း စကားကိုမျှဝေခဲ့သည်။ သို့သော် သူ၏သတင်းစကားသည် မတူကွဲပြားသောအသိုက်အဝန်းမှလူ များကို မတူညီသောကိစ္စရပ်များအတွက် ငြိမ်းချမ်းစွာ၊ တရားမျှတစွာ၊ ချင့်ချိန်ဆောင်ရွက်နိုင်စေမည့် နိုင်ငံရေးလက်နက်ကိရိယာတစ်ခုကိုလည်း ပံ့ပိုးပေးထား ခဲ့သည်။ “Swaraj” အတွက် တိုက်ပွဲဝင်ရာတွင်လည်း “ဓမ္မ”၏ မြင့်မြတ်သောပန်းတိုင်ကိုမြတ်နိုးသည့် လူ့အဖွဲ့ အစည်းကိုမျှော်မှန်းသည့် နိုင်ငံတစ်ခု၏ အတွေးအမြင်အတွက် တိုက်ပွဲဝင်ခဲ့သည်။ စစ်မှန်သော လွတ်မြောက်ရေး လမ်းသည် တွေ့ဆုံဆွေးနွေးရေး၊ လူမှုရေးပြုပြင်ပြောင်းလဲရေးနှင့် အန္တိမပန်းတိုင်ကို လိုက်လံရှာဖွေရာတွင် ဆင်းရဲ သားများကို မြှင့်တင်ပေးရန်နှင့် ဂုဏ်သိက္ခာရှိသောဘဝကို ဆောင်ရွက်ပေးရန် စသည်တို့တွင်အခြေခံကြောင်း ၎င်း ကပြောကြားခဲ့ သည်။ ဤလိုက်လံရှာဖွေမှုတွင် မဟတ္တမဂန္ဒီက ‘‘မိမိ ကိုယ်မိမိရှာဖွေရန် အကောင်းဆုံးနည်းလမ်းမှာ အများအကျိုးကိုဆောင်ရွက်ရာတွင် စိတ်ရောကိုယ်ပါ နှစ်မြှုပ်ဆောင်ရွက်ခြင်းသည်သာ အကောင်းဆုံးဖြစ်သည်”ဟု ဆိုခဲ့ဖူးသည်။ 

ကျွန်ုပ်တို့အားလုံးသိကြသည့်အတိုင်း အိန္ဒိယနိုင်ငံသည် ယဉ်ကျေးမှု၊ ဘာသာစကားနှင့် ရိုးရာ ဓလေ့ထုံးတမ်းများ စုံလင်ပြီး ကွဲပြားမှုရှိသောနိုင်ငံ တစ်ခုဖြစ်သည်။ မတူကွဲပြားသော ဘာသာတရား၊ လူမျိုးစု၊ ဇာတ်၊ ဘာသာစကားနှင့် အခြားသော ဘာသာပေါင်းစုံတို့  အတူယှဉ်တွဲ ရှင်သန်ထွန်းကားရာ နိုင်ငံလည်းဖြစ်သည်။ အိန္ဒိယနိုင်ငံကဲ့သို့ အရွယ် အစားကြီးမားပြီး ကွဲပြားမှုခြားနားသော ဘာသာစကား၊ ယဉ်ကျေးမှုနှင့် ဘာသာတရားတို့ စုံလင်သော အခြား ဥပမာပြုရမည့်နိုင်ငံ မရှိသော်လည်း ကမ္ဘာ့အကြီးဆုံး ဒီမိုကရေစီနှင့် ကမ္ဘာပေါ်တွင် လျင်မြန်စွာကြီးထွားလာ နေသော အဓိက စီးပွားရေးနိုင်ငံအဖြစ် စည်းလုံးညီညွတ်ပြီး ရည်ရွယ်ချက်ရှိရှိဖြင့် ရှေ့သို့ ဆက်လက် လျှေက်လှမ်းနေသည်။ အိန္ဒိယနိုင်ငံသည် ဤမတူ ကွဲပြားမှုကို လက်ခံကျင့်သုံးရာတွင် စစ်မှန်သောပျော် ရွှင်မှုရှိကြောင်း အသိအမှတ်ပြု လက်ခံသော မဟတ္တ မဂန္ဒီကဲ့သို့သောခေါင်းဆောင်များ၏ လမ်းòန်မှု အောက်တွင် ၎င်း၏ကိုယ်ပိုင်လမ်းစဉ်ကို ပုံဖော်ခဲ့ သည်။ ၎င်းသည် မတူကွဲပြားသောလူ့အဖွဲ့အစည်း တွင် သဟဇာတဖြစ်စေရန် တစ်ခုတည်းသောနည်း လမ်းဖြစ်သည်။ ဗဟုဝါဒသည် နောက်ခံကားချပ်တစ်ခုမျှသာ မဖြစ်သင့်ဘဲ ၎င်းသည် ဝိသေသလက္ခဏာ၏ အနှစ်သာရဖြစ်သင့်သည်။

မိသားစုဝင်များအချင်းချင်း ဂရုပြုကြသကဲ့သို့ အိန္ဒိယနှင့် မြန်မာလူမျိုးများသည် ဆွေမျိုးအသိုင်း အဝိုင်းများကဲ့သို့ အချင်းချင်း ခိုင်မြဲစွာ ရပ်တည်လျက် ရှိကြသည်။ ထိုသို့သောရင်းနှီးချစ်ကြည်မှုများနှင့် တန်ဖိုးများကို အကျပ်အတည်းကြုံ သောကာလများတွင် အမှန်တကယ်စမ်းသပ်နိုင်သည်။ မကြာသေးမီ က အိန္ဒိယနိုင်ငံသည် ယာဂီမုန်တိုင်းကြောင့်ဖြစ်ပေါ် ခဲ့သော လျှပ်တစ်ပြက်ရေကြီးမှုအပြီး မြန်မာနိုင်ငံရှိ တိုင်းဒေသကြီးနှင့်ပြည်နယ်များကို ကျယ်ကျယ် ပြန့်ပြန့်ပျက်စီးခဲ့ ချိန်တွင် ချစ်ကြည်ရင်းနှီးမှု စီမံချက် (Operation Sadbhav) ဖြင့် အိန္ဒိယသည် ပထမ ဆုံးတုံ့ပြန်သူအဖြစ် အကူအညီများပေးခဲ့သည်။ ကူညီကယ်ဆယ်ရေးပစ္စည်း (၅၃) တန်ကို အိန္ဒိယနိုင်ငံက မြန်မာအာဏာပိုင်များထံသို့ ဆက်သွယ်အ ကြောင်း ကြားပြီး နှစ်ရက်အတွင်း လွှဲပြောင်းပေးအပ်ခဲ့သည်။ ဖြစ်ပေါ်ခဲ့သည့် သဘာဝဘေးအန္တရာယ်များဖြစ်သည့် ဆိုင်ကလုန်းနာဂစ်၊ ဆိုင်ကလုန်း မိုချာနှင့် ကိုဗစ်(၁၉) ကပ်ရောဂါတို့ဖြစ်ပွားခဲ့ချိန်များတွင် အိန္ဒိယသည် မြန် မာနိုင်ငံရှိ ညီအစ်ကိုမောင်နှမများအတွက် စစ်မှန် သော စိုးရိမ်ပူပန်မှုကို ထင်ဟပ်စေသည့်စေတနာဖြင့် မည်သည့် မျှော်လင့်ချက် (သို့မဟုတ်) မည်သည့် အကျိုးတစ်စုံတစ်ရာရမည်ဟု မျှော်မှန်းခြင်းမရှိဘဲ ကူညီပေးခဲ့ပါသည်။ အိန္ဒိယသည် မြန်မာနိုင်ငံ အတွက် လိုအပ်သည့်အချိန်တွင် အမှန်တကယ် မိတ်ဆွေဖြစ် ကြောင်း အကြိမ်ကြိမ်ပြသခဲ့ပြီးဖြစ်သည်။

မဟတ္တမဂန္ဒီသည် ‘ကျွန်ုပ်ဘဝသည် ကျွန်ုပ်၏သတင်းစကား’ဟု တစ်ချိန်က ပြောဆိုခဲ့ဖူးသည်။ ယနေ့ရှုပ်ထွေး သောကမ္ဘာတွင် ဂန္ဒီ၏ပြောဆိုထား သောအခြေခံမူများသည် သမိုင်းဆိုင်ရာ ပုံတိုပတ်စ များသာမဟုတ်ဘဲ ၎င်းတို့သည် ကျွန်ုပ်တို့၏စုပေါင်း အနာဂတ်အတွက် မရှိမဖြစ်လိုအပ်သော လမ်းညွှန် တစ်ခုဖြစ်ပါသည်။ တူညီသော ဥာဏ်ပညာ၊ တူညီသော သန္နိဋ္ဌာန်နှင့် တူညီသော ကရုဏာဖြင့် ကျွန်ုပ်တို့နိုင်ငံ၏သင်္ဘောကို ရွက်လွှင့်သွားလာရမည်ဖြစ်သည်။ မဟတ္တမဂန္ဒီ၏အခြေခံမူများသည် ကျဉ်းမြောင်းသောကွဲပြားမှုများ လျော့နည်းအောင်လုပ် ဆောင်ရန်လမ်းညွှန်ပေးပြီး မြန်မာပြည်သူများကို  အပြုသဘောဆောင်သော အကျိုးကျေးဇူးများအတွက် ငြိမ်းချမ်းရေးနှင့်သဟဇာတဖြစ်အောင် ဆောင်ကြဉ်းပေးနိုင်မည်ဖြစ်သည်။