ရုရှားက ပင်လယ်ဖြူအတွင်းမှာ ရေတပ်စစ်ရေးလေ့ကျင့်မှုတွေပြုလုပ်
Pika (NSS) - ဇူလိုင် ၂၂
ရုရှားစစ်သင်္ဘောတွေဟာ သင်္ဘောယာဉ်တန်းတွေကို ကာကွယ်ဖို့ လေ့ကျင့်မှုတစ်စိတ်တစ်ပိုင်းအနေနဲ့ ပင်လယ်ဖြူမှာ စစ်ရေးလေ့ကျင့်မှုတွေကို လုပ် ဆောင်ခဲ့တယ်လို့ ရုရှားကာကွယ်ရေးဝန်ကြီးဌာနရဲ့ပြောကြားချက်ကို ကိုးကားပြီး TASS သတင်းအေဂျင်စီက ဇူလိုင်လ(၂၁)ရက်နေ့မှာ ရေးသားဖော်ပြခဲ့ပါတယ်။
အဲဒီစစ်ရေးလေ့ကျင့်မှုတွေဟာ ပုံမှန်တိုက်ခိုက်ရေး လေ့ကျင့်မှုတစ်ခုဖြစ်တယ်လို့ ရုရှားကာကွယ်ရေးဝန်ကြီးဌာနက ပြောဆိုခဲ့ပါတယ်။ စစ်ရေးလေ့ ကျင့်မှုအတွင်း ရေငုပ်သင်္ဘောတိုက်ဖျက်ရေးသင်္ဘောငယ်နှစ်စီးဖြစ်တဲ့ Onega နဲ့ the Naryan-Mar တို့ဟာ လေကြောင်းနဲ့ရေကြောင်းကနေ တစ်ပြိုင်နက်တိုက်ခိုက်တဲ့ ဖြစ်ရပ်မျိုးတွေမှာ စစ်လက်နက်ပစ္စည်းတွေနဲ့ ရေဒီယိုအီလက်ထရွန်းနစ်စစ်ပွဲဆိုင်ရာ ပစ္စည်းကိရိယာတွေ အသုံးပြုတာမျိုးတွေကို လေ့ကျင့်ခဲ့ကြတယ်လို့လည်း သိရပါတယ်။
TASS သတင်းအေဂျင်စီက"အဲဒီနေ့မတိုင်ခင်မှာ Onega နဲ့ the Naryan-Mar သင်္ဘောတို့ဟာ အခြေအနေအရ ရန်သူတွေရဲ့ လေကြောင်းကနေတိုက်ခိုက်မှုတွေကို ချေမှုန်းဖို့လေ့ကျင့်ရေးနဲ့ တိုက်ခိုက်ရေးမစ်ရှင်တွေကို လုပ်ဆောင်ခဲ့ပါတယ်"လို့ ရုရှားကာကွယ်ရေးဝန်ကြီးဌာနရဲ့ ပြောဆိုချက်ကို ကိုးကားပြီး ရေးသားဖော်ပြထားပါတယ်။ လေကြောင်းရန်ကာကွယ်ရေးအတွက် လေ့ကျင့်မှုတွေလုပ်ဆောင်နေစဉ်အချိန်အတွင်း ရုရှားစစ်သင်္ဘောတွေဟာ လေယာဉ်ပစ်ဒုံးကျည်စနစ်တွေ၊ ရေတပ်သုံးအမြောက်တွေနဲ့အတူ အတုပြုလုပ်ထားတဲ့ လေကြောင်းပစ်မှတ်တွေကို ပစ်ခတ်တိုက်ခိုက်မှုတွေ လုပ်ဆောင်ခဲ့တယ်လို့ TASS သတင်းအေဂျင်စီက ဖော်ပြထားပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အာဆီယံတိုင်းပြည်များကို လွှမ်းခြုံလျက်ရှိသည့် ကိုးကွယ်ရာ ဘာသာရေးအုပ်စုကြီးများ နှင့် တစ်နိုင်ငံချင်းအလိုက် ရာခိုင်နှုန်း
RELATED POSTS
18 Sep 2024 | နိုင်ငံရေး,နိုင်ငံတကာ
18 Sep 2024 | နိုင်ငံရေး,ပြည်တွင်း
17 Sep 2024 | နိုင်ငံရေး,နိုင်ငံတကာ
17 Sep 2024 | နိုင်ငံရေး,နိုင်ငံတကာ