Pika (NSS) - ဧပြီ ၉

တောင်ကိုရီးယားရုပ်ရှင်သရုပ်ဆောင် Song Kang သည် ဧပြီလ(၂)ရက်နေ့တွင် စစ်မှုထမ်းခြင်းကို စတင်ခဲ့ကြောင်းသိရသည်။

ထို့ပြင် Song Kang သည် တရားဝင်ပွဲများ လုပ်ဆောင်ခြင်းမျိုးမရှိဘဲ လူသစ်စုဆောင်းရေး စင်တာသို့ သီးသန့်ဝင်ရောက်မည်ဖြစ်ကြောင်းလည်း သိရသည်။ ဧပြီလ(၁)ရက်နေ့တွင် Song Kang က ၎င်းအနေဖြင့် စစ်မှုထမ်းဆောင်တော့မည်ဖြစ်ကြောင်းနှင့် ပရိသတ်များကိုကျေးဇူးတင်ကြောင်း စာရေးသားကာမျှဝေခဲ့ကြောင်း သိရသည်။

ထို့ပြင် ၎င်းအနေဖြင့် စစ်မှုထမ်းဆောင်ပြီးပါက ကျန်းကျန်းမာမာဖြင့်ပြန်လာမည်ဟု ကတိပေးသည့် စာကိုလည်း မျှဝေခဲ့ကြောင်းသိရသည်။ စစ်တပ်တွင် တာဝန်ထမ်းဆောင်နေစဉ်အချိန်အတွင်း အကောင်းဆုံးကြိုး စားသွားမည်ဟု ပရိသတ်များကို Song Kang က ပြောကြားခဲ့ကြောင်းလည်း သိရသည်။

၂၀၁၇ ခုနှစ်တွင် The Liar and His Lover ဒရမ်မာစီးရီးဖြင့်ပွဲဦးထွက်ခဲ့သော Song Kang သည် Love Alarm နှင့် Sweet Home တို့ကဲ့သို့သော Netflix စီးရီးများတွင် ပါဝင်သရုပ်ဆောင်ခဲ့ပြီးနောက် နိုင်ငံတကာ အသိအမှတ်ပြုမှုများကို စတင်ရရှိခဲ့ကြောင်းသိရသည်။

အသက်(၂၉)နှစ်အရွယ်ရှိပြီဖြစ်သော Song Kang သည် Nevertheless, Forecasting Love and Weather, Navillera နှင့် My Demon တို့ကဲ့သို့သောစီးရီးများတွင် ၎င်းအကောင်း ဆုံးသရုပ်ဆောင်စွမ်းရည်များကို ပြသနိုင်ခဲ့ကြောင်းလည်းသိရသည်။