ဂျပန်မှာ သေစေနိုင်တဲ့ လည်ချောင်းနာရောဂါဖြစ်ပွားမှု မြင့်တက်လာနိုင်
ရောင်နီ (NSS) - မတ် ၂၈
ဂျပန်မှာ အသက်အန္တရာယ်ရှိ လည်ချောင်းနာရောဂါ ကူးစက်မှု ၂၀၂၃ ခုနှစ်ကထက် ၃ ဆခန့် ပိုများပြားလာတာကြောင့် ကူးစက်မှုနှုန်း ခုန်တက်လာနိုင်ဖွယ်ရှိတယ်လို့ ဂျပန်ကျန်းမာရေး အာဏာပိုင်တွေက သတိပေးထားပါတယ်။
နိုင်ငံတစ်ဝှမ်းမှာ လည်ချောင်းနာ streptococcus ဘက်တီးရီးယားပိုး ကူးစက်မှုကို လွန်ခဲ့တဲ့ ငါးနှစ်အတွင်းက လေးပုံတစ်ပုံနှုန်း စစ်ဆေးတွေ့ရှိခဲ့တယ်လို့ ကျန်းမာရေးဝန်ကြီးဌာနရဲ့ မတ်လအစောပိုင်းက အစီရင်ခံစာတစ်ခုအရ သိရပါတယ်။ ဂျပန်နိုင်ငံမှာ မတ်လ ၁၀ ရက်အထိအတွင်း အဆိုပါ ပြင်းထန်ဘက်တီးရီယားပိုးကြောင့် streptococcal toxic shock syndrome (သို့မဟုတ်) SSTS ရောဂါဖြစ်ပွားမှု ၄၇၄ မှုရှိပြီး သေဆုံးမှုနှုန်း ၃၀ ရာခိုင်နှုန်းအထိ ရှိပါတယ်။ ဒီလက္ခဏာစုဟာ ခန္ဓာကိုယ်အနှံ့ ရောဂါပိုးပျံ့နှံ့သွားတဲ့အခါ တွေ့ရှိရပြီး ကိုယ်တွင်းအင်္ဂါချို့ယွင်းမှုဖြစ်စေနိုင်ကာ အခန့်မသင့်ရင် အသက်အန္တရာယ်ကိုပါ ခြိမ်းခြောက်လာနိုင်ပါတယ်။
ဒါပေမဲ့ အဆိုပါရောဂါဟာ အဆုတ်ရောင်ရောဂါ သို့မဟုတ် Covid-19 လို အသက်ရှူလမ်းကြောင်းဆိုင်ရာ ကူးစက်ရောဂါ အခြေအနေကိုတော့ ဦးတည်သွားဖွယ်မရှိဘူးလို့ Fujita Health University မှ ကူးစက်ရောဂါဆိုင်ရာ ပါမောက္ခ ဒေါက်တာ ဟီတိုရှီဟွန်ဒါက ပြောကြားခဲ့ပါတယ်။ ကူးစက်မှုကို ကာကွယ်ဖို့အတွက်ကတော့ လက်သန့်ရှင်းရေး ဂရုစိုက်ဖို့ အလွန်အရေးကြီးတယ်လို့ ၎င်းက ပြောကြားခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရှမ်းမြောက်၊ ကချင် နှင့် ရခိုင်ဒေသများတွင် တည်ငြိမ်အေးချမ်းမှုပြန်လည်ရရှိရန် တပ်မတော်၊ ရဲတပ်ဖွဲ့ နှင့် ပြည်သူ့စစ်အဖွဲ့များက လက်တွဲဆောင်ရွက်ရမည်ဟု တပ်ချုပ်ပြော
RELATED POSTS
06 Sep 2024 | ကျန်းမာရေး,နိုင်ငံတကာ
31 Aug 2024 | ကျန်းမာရေး,နိုင်ငံတကာ
27 Aug 2024 | ကျန်းမာရေး,ပြည်တွင်း
26 Aug 2024 | ကျန်းမာရေး,နိုင်ငံတကာ