ရောင်နီ (NSS) - မတ် ၂၆

 "Crash Course in Romance” ဒရာမာမှာ တွဲဖက်သရုပ်ဆောင်တွေဖြစ်ကြတဲ့ မင်းသား လီချေမင်းနဲ့ မင်းသမီး ရူဒါအင်တို့ dating သတင်း အတည်ပြုလိုက်ကြပြီလို့ သိရပါတယ်။

မတ်လ ၂၄ ရက်က လီချေမင်းနဲ့ ရူဒါလို့ ယူဆရတဲ့ လူနှစ်ယောက်ရဲ့ဗီဒီယိုဖိုင် အွန်လိုင်းမှာ ပျံ့နှံ့ခဲ့ပါတယ်။ 

ဗီဒီယိုဖိုင်ထဲမှာတော့ လီချေမင်းက ရူဒါအင်ရဲ့လွယ်အိတ်ကို လွယ်ကာ လမ်းလျှောက်သွားတာကို မြင်တွေ့ရပါ တယ်။

အဲဒီနေ့မှာပဲ လီချေမင်းနဲ့ ရူဒါအင်တို့ နှစ်ယောက်စလုံးဟာ ဗီဒီယိုမှာ တွေ့ခဲ့တဲ့ ဝတ်စားဆင်ယင်မှုပုံစံနဲ့  ဓာတ်ပုံတွေကို အင်စတာဂရမ်အကောင့်မှာ ပုံတင်ခဲ့ပါတယ်။ 

ဒါကြောင့် ပရိသတ်တွေက တွဲနေကြပြီလားလို့ သံသယ ဖြစ်ခဲ့ပါတယ်။ အဲဒီနောက် လီချေမင်းရဲ့ အေဂျင်စီ GOLDMEDALIST နဲ့ ရူဒါအင် တို့ရဲ့ အေဂျင်စီ Aground က ၎င်းတို့ရဲ့ dating သတင်းကို အတည်ပြုပေးခဲ့ပြီး ၎င်းတို့ ၂ ယောက်လုံးကို နွေးထွေးပေးဖို့ တောင်းဆိုခဲ့ပါတယ်။ 

လီချေမင်းနဲ့ ရူဒါအင်တို့ဟာ ၂၀၂၃ ခုနှစ်ထွက် ဒရာမာ “Crash Course in Romance” မှာ အတူပါဝင်သရုပ်ဆောင်ခဲ့ပြီး လုပ်ဖော်ကိုင်ဖက်တွေအဖြစ် ရင်းနှီးခဲ့ကြပြီးမှ ဒိတ်ခဲ့ကြတာ ဖြစ်ပါတယ်။ 

ရူဒါအင်ဟာ မကြာသေးခင်ကမှ ဇာတ်သိမ်းသွားခဲ့တဲ့ “Pyramid Game” ဒရာမာမှာ ပါဝင်သရုပ်ဆောင်ထားပြီး အောင်မြင်မှုတွေလည်း ရရှိထားပါတယ်။ 

ဒါ့အပြင် သူမဟာ နောက်ထပ် ထွက်ရှိမယ့် Netflix စီးရီးအသစ် “Hierarchy” အတွက်လည်း ပြင်ဆင်နေတယ်လို့ သိရပါတယ်။