ရောင်နီ(NSS) - မတ် ၂၄

           တောင်ကိုရီးယား အမျိုးသမီး K POP အဖွဲ့ NewJeans ရဲ့ အဖွဲ့ဝင် ဒါနဲလီ ပြင်သစ်ဇိမ်ခံ အမှတ်တံဆိပ် တစ်ခုဖြစ်တဲ့ Celine ရဲ့ World Ambassador အဖြစ် ခန့်အပ်ခြင်း ခံခဲ့ရပါတယ်။

         ဒီအကြောင်းကို မတ်လ ၂၂ ရက်နေ့က Celine က ၎င်းတို့ရဲ့ တရားဝင်လူမှုမီဒီယာအကောင့်မှာ ဒါနဲလီ ရဲ့ ဓာတ်ပုံနဲ့အတူ ကြေညာခဲ့တာ ဖြစ်ပါတယ်။ NewJeans ရဲ့ အေဂျင်စီ ADOR ကလည်း Celine ရဲ့ ကမ္ဘာလုံးဆိုင်ရာသံတမန်အဖြစ် ဒါနဲလီက လှုပ်ရှားမှု အမျိုးမျိုးမှာ ပါဝင်ဖို့ စီစဉ်ထားထားပြီး ဒါနဲလီနဲ့  Celine တို့ အတူတကွ ဖန်တီးမယ့် လုပ်ငန်းတွေကို မျှော်လင့်နေကြောင်း ထုတ်ဖော်ပြောကြားခဲ့ပါတယ်။ Celine ဟာ ပြင်သစ်နာမည်ကျော် luxury brand တစ်ခုဖြစ်ပြီး brand ambassador တွေကို ကမ္ဘာနဲ့ချီပြီးများစွာ ခန့်အပ်ထားပါတယ်။ 

Celine ရဲ့ World Ambassador ကတော့ ခန့်အပ်တာ ခပ်ရှားရှားပေမယ့် တောင်ကိုရီးယားကနေ ခန့်အပ်ခံရသူတွေထဲတွေကတော့ BTS အဖွဲ့ဝင် V၊ Blackpink အဖွဲ့ဝင် Lisa နဲ့ အခု Newjeans အဖွဲ့ဝင် ဒါနဲလီတို့ ဖြစ်ပါတယ်။