ထိုးစစ်ဆင်မှုအသစ်အတွက် တပ်ဖွဲ့ဝင်(၁)သိန်းကို ရုရှားအစိုးရက ပြင်ဆင်နေကြောင်း ယူကရိန်းစစ်ဘက်ပြော
Pika (NSS) - မတ် ၂၃
ရုရှားအစိုးရသည် ယခုနွေရာသီတွင် ယူကရိန်းကို ထိုးစစ်ဆင်မှု အသစ်ပြု လုပ်ရန် သို့မဟုတ် ၎င်း၏တပ်ဖွဲ့များကို အင်အားပြန်လည်ဖြည့်တင်းရန်အတွက် တပ်ဖွဲ့ဝင်(၁)သိန်းကို ပြင်ဆင်နေကြောင်း ယူကရိန်းမြေပြင်တပ်ဖွဲ့ တပ်မှူးက မတ်လ(၂၂)ရက်တွင် ထုတ်ပြန်ပြောဆိုခဲ့သည်။
မကြာသေးမီအချိန်က ယူကရိန်းနိုင်ငံအရှေ့ပိုင်းတွင် ရုရှားတပ်ဖွဲ့များက ရှေ့သို့ ဆက်လက်ချီတက်လာခဲ့ပြီးနောက် ယူကရိန်းဒုဗိုလ်ချုပ်ကြီး Oleksandr Pavliuk က ယခုကဲ့သို့ ထုတ်ဖော်ပြောဆိုခဲ့ခြင်းဖြစ်သည်။ Oleksandr Pavliuk က 'ရုရှားဟာ ဒီတပ်ဖွဲ့တွေကို ထိုးစစ်ဆင်မှုတွေ ပြုလုပ်ဖို့ ပြင်ဆင်နေတာမျိုး မဟုတ်ဘဲ ဆုံးရှုံးသွားတဲ့ တပ်ဖွဲ့တွေကို အင်အားပြန်လည်ဖြည့်တင်းပေးဖို့လည်း ဖြစ်နိုင်ပါတယ်။ ဒါပေမဲ့လည်း ရုရှားဟာ ယခုနွေရာ သီအစမှာ ထိုးစစ်ဆင်မှုအသစ်တွေကို လုပ်ဆောင်သွားဖို့အတွက် တပ်ဖွဲ့အချို့ကို ပြင်ဆင်ထားနိုင်တဲ့ အလားအလာတွေလည်းရှိနေပါတယ်”ဟုပြောဆိုခဲ့သည်။
ရုရှားနိုင်ငံသည် ယခုနှစ်ကုန်တွင် စစ်တပ်အသစ်နှစ်ရပ်နှင့် ဖွဲ့စည်းမှုအသစ် (၃၀)ကို ပေါင်းစည်းခြင်းဖြင့် ၎င်း၏စစ်တပ်ကို ပိုမိုအားကောင်းအောင်လုပ် ဆောင်သွားမည်ဖြစ်ကြောင်း ရုရှားကာကွယ်ရေးဝန်ကြီးက ယခုသီတင်းပတ်တွင် ထုတ်ပြန်ပြောဆိုခဲ့သည်။ ထို့ပြင် အနောက်အုပ်စုနိုင်ငံများထံမှ နောက် ထပ်စစ်ရေးအကူအညီများ မရရှိမှုနှင့်အတူ ယူကရိန်းသည် ခဲယမ်းမီးကျည်ပြတ်လပ်မှုများနှင့်ရင်ဆိုင်နေရကြောင်းလည်းသိရသည်။ အမေရိကန်သမ္မတဂျိုးဘိုင်ဒန်၏ ယူကရိန်းအတွက် အကူအညီပေးရေးအစီအစဉ်အသစ်ကို ပြီးခဲ့သည့်လတွင် အထက်လွှတ်တော်က ထောက်ခံခဲ့သော်လည်း အငြင်းပွားမှုများရှိခဲ့ပြီးနောက် အဆိုပါအစီအစဉ်အသစ်မှာ အောက်လွှတ်တော်တွင် ရပ်တန့်သွားခဲ့ကြောင်း သိရသည်။ အောက်လွှတ်တော် ရီပတ်ဘလစ်ကန်အမတ်များသည် လက်ရှိအချိန်အထိ အမေရိကန်သမ္မတ ဂျိုးဘိုင်ဒန်၏ ဥပဒေမူကြမ်းကို ထောက်ခံရန် ငြင်းဆိုထားကြောင်းလည်းသိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရှမ်းမြောက်တိုက်ပွဲတွေရဲ့ "လာရာ နဲ့ လားရာ" အတွင်းရေးအချို့အကြောင်း (အင်တာဗျူး)
RELATED POSTS
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ